Zeremi 1:10 - Bibeli do fee

¹⁰ Cɔ, hai nnyi ǹ soɛi i jɛ inɛ ngbo si ilɛ ŋa do si bomma ŋa ku ba i tu ŋa nɔ i kɛkɛ ŋa, ku ba i bɛjɛ ŋa nɔ i kpa ŋa, ku ba i teese i ma ŋa, nɔ i lɔ ŋa.

Zeremi 1:10 Iomraidhean Croise

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 1, 19:17

Waati nŋu, inɛ iyi í ga hai bi Hazaɛli fei Yehui á kpaa, inɛ iyi í ba í ga hai bi Yehu mɔ, Elizeei á kpaa.

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Zeremi 1:5

hee n maa n ceɛ si inɔi iyeɛ, ǹ màɛ tã. Hai waati iyi a kù bíɛ, ǹ cicaɛ nɔ ǹ jilɛɛ i jɛ waliii inɛi ilɛ ŋa.

Zeremi 24:6

Ntɔ ntɔ an maa n cɔ ŋai do iju jiida, nɔ an jɔ̀ a nyi a baa si ilɛu ihɛ̃ mái. N kù bi n kpa ŋa amma an jɔ̀ a ba gbugbã a kɔ̃ɔsii. N kù bi n tu ŋa, amma an teese n lɔ ŋai.

Zeremi 25:13

Laalɔ ŋa iyi ǹ tako ǹ fɔ ideɛ si gãmɛi ilɛu bɛ fei, an jɔ̀ ku ba ŋai. Zeremii í ce waliii fei ndɛɛ nɔ à kɔɔ si tiau ihɛ̃.

Zeremi 31:28

Nɔ si bɛi ǹ wɔ njoo si ŋa ǹ tu ŋa, ǹ kɛkɛ ŋa, ǹ lɛgɛ ŋa nɔ ǹ kpa ŋa ku ba n ce nŋa laalɔ, do yaase bɛɛbɛ mɔi an dasi ŋa iju má, n ma ŋa, nɔ n nyi n lɔ ŋa má.

Zeremi 31:40

Hai bi lɔɔmai iku ŋau do ti iluluu hee ku bɔ si bantuma iyi í wɛɛ ngbɛu hee ku bɔ lɔɔmai Sedorɔ̃ɔ, hee do bi gonta bii gamboi acĩ ŋau í wa. Inya ŋau bɛ fei, ti Aɔ̃ Lafɛ̃ɛi á jɛ. A kaa wú nkãma bɛ má hee má jɛ a lɛgɛ ngɔgɔ.

Zeremi 36:2

so tia iyi à ya kau nɔ i kɔ ide ŋa iyi ǹ sɔ̃ɛ si gãmɛi Izirɛli do si gãmɛi Zudaa do si ilɛ ŋau fei, hai si waatii ilaalu Zoziasi iyi ǹ sinti ku baɛ ide ku fɔu hee ku baa nnyi.

Zeremi 44:27

Nsɛi, an dasi ŋa ijui, nɔ iju ku dasim nɔu kù jɛ ti n ce nŋa jiidaɛ, amma laalɔi an jɔ̀ ku naa si ŋa. Inɛ ŋa iyi à wa si ilɛi Ezibitiu fei, igũ do arii á naa si ŋa hee a koo a kpa iri mam mam.

Zeremi 45:4

Waati bɛɛbɛ, ide iyi Aɔ̃ Lafɛ̃ɛ í ni n sɔ̃ɛ wee. Aɔ̃ Lafɛ̃ɛ í ni, mii iyi ǹ mai ǹ wa n lɛgɛ nɔ ǹ wa n wu mii iyi ǹ tako ǹ lɔ wo. Ǹ wa n bɛjɛ mii iyi í wa si ilɛu feii mam mam.

Ezekiɛli 21:19

Bɛbɛi, awɔ amanɛ, ce walii. Dakpɛ fii akã, fii minji, fii mɛɛta, domi taakubau ikui á naaò wa. Iku nla nlai á ce bii fei.

Ezekiɛli 23:36

Aɔ̃ Lafɛ̃ɛ í sɔ̃m í ni, awɔ amanɛ, ce sɔɔlu i kiiti Ohola do Oholiba. Sɔ̃ ŋa laalɔ ŋa iyi à ce.

Ezekiɛli 32:18

awɔ amanɛ, kpataa zamaai Ezibitiu. Kukpataɛu ku jɔ̀ nŋu do inɛi ilɛ mmu ŋa iyi à jɛ ilu gbugbã ŋau a dasi bi kuwai iku ŋa lɛlɛi ilɛ bii inɛ ŋa iyi à ku ŋau à wa.

Ezekiɛli 36:36

Si bɛɛbɛ, inɛi ilɛ mmu ŋa iyi à kaako ŋɛ ŋau aa mà iyi amu Aɔ̃ Lafɛ̃ɛ amui ǹ teese ǹ ma ilu iyi à lɛgɛ í ce bommau, nɔ ǹ teese ǹ lɔ jĩi iyi à tuu. Amu Aɔ̃ Lafɛ̃ɛi ǹ fɔ bɛɛbɛ, nɔ bɛi ǹ fɔui an ce.

Ezekiɛli 43:3

Kuyɛ iyi ǹ ceu í jɔ ti iyi ǹ ce waati iyi Aɔ̃ Lafɛ̃ɛ í naa í lɛgɛ Zeruzalɛmuu do bɛi ti waati iyi ǹ wa itĩi idoi Kebaau. Nɔ ǹ sɛɛbata ilɛ.

Ozee 6:5

Na ŋɔi í ce ǹ wahala ŋa do ide iyi ǹ jɔ̀ walii ŋau à sɔ̃ ŋau, nɔ ǹ kpa ŋa do idei gɛlɛm ŋa. Ǹ kiiti ŋa dasã nkpa.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Amɔsu 9:11

Waati wa naa si bii an teese n ma kusui Davidi iyi í cukuu, nɔ n dĩ fooɛ ŋau. An teese bommaɛ, nɔ n máa bɛi í tako í yɛ wo.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.