Titee 3:8 - Bibeli do fee

⁸ Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Titee 3:8 Iomraidhean Croise

Zɔɔbu 22:2

si mii amanɛ á yɔkɔ ku sobi Ilaaɔ̃. Kù wɛɛ. Ilu laakai araɛi í ya bukaataa.

Iri ku kɔ̃ 78:22

Í ce bɛɛbɛi si na iyi í jɔ̀ a kù dasiɛ naanɛ, nɔ a kù dasi naanɛ iyi á yɔkɔ ku faaba ŋa.

Mɔnda ŋa 21:28

Woo jɛ sɛɛda ibo á ku, amma inɛ iyi í ya saku ku gbɔ ide, waati kãma fei á ya ba kpãai ku fɔ ideɛ.

Matie 20:4

Nɔ í sɔ̃ ŋa í ni, iŋɛ mɔ, i bɔ ikom i koo i ce icɛ ŋa. An sã nŋɛ si bɛi í jɔ.

Laabaau jiida iyi Zãa í kɔ 12:44

Ŋɔi Jesu í fɔ ide hee lele í ni, inɛ iyi í dasim naanɛ, kù jɛ amu akãi í dasi naanɛ, í dasi inɛ iyi í bɛm wa mɔ naanɛi.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Woo bɛ ŋa 12:15

Ŋɔi à sɔ̃ɔ à ni, ì waa sũmui. Amma í ni, ntɔ ntɔi. Ŋɔi à ni, á má jɛ ayaɛi.

Romu 4:5

Amma inɛ iyi í dasi Ilaaɔ̃ naanɛ, nɔ kù dɛ nŋu ku jɛ dee dee na icɛɛ, Ilaaɔ̃ mɔ, nŋu iyi í ya ce ilu dulum ŋa inɛ dee dee, á doo lafɛ̃ɛu amanɛ dee dee na naanɛ ku dasiɛ.

Kɔrɛnti 2, 4:13

Naanɛ ku dasi nwa í yɛ bɛi ti inɛ iyi í kɔ si kukɔi idei Ilaaɔ̃ í ni, ǹ dasi naanɛ, na ŋɔi í jɔ̀ ǹ wa n fɔ ide. Na nŋu, awa mɔ, si na iyi í jɔ̀ à dasi naanɛ, nŋui í jɔ̀ à waa fɔ.

Efɛɛzu 4:28

Inɛ iyi í ya ce ile wo, ku maà ce ile má, amma ku ya ce icɛ do awɔɛ. Bɛɛbɛi á ba mii jiida ŋa iyi á sobiò ilu are ŋa.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Timɔtee 1, 2:8

Na nŋu, tengi bii à ya ce kutɔɔ ŋa fei, bii inɛmɔkɔ ŋa à wu awɔ lele à waa ce kutɔɔ, ǹ bi ku ya jɛ do idɔ kumá, idɔɔkɔ̃ do kakɔɔ ku maà ya wa si.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Filemɔɔ 1:11

Tako wo kù sobiɛ jiida, amma nsɛi í jɛ sobi nla nla bi tɛɛ do bi tom.

Ebɛɛ 10:24

Ka ce laakaii njɛ ku ba ka ya mua njɛ gbugbã iyi á jɔ̀ ka bi inɛ ŋa nɔ ka maa ce icɛ jiida.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.