Titee 3:6 - Bibeli do fee

⁶ Ilaaɔ̃ í mu nwa Hundeɛ do inɔ akã na saabui Jesu Kirisi woo faaba nwa,

Titee 3:6 Iomraidhean Croise

Mɔnda ŋa 1:23

I sotĩ i gbɔ kai iyi ǹ wa n dɔ̃ nŋɛ, nɔ n da nŋɛ si hundem n má nŋɛ inya do ikɔ ŋa.

Ezai 32:15

Ajɔ wa naa si bii Aɔ̃ Lafɛ̃ɛ á jɔ̀ hundeɛ ku naa si wa wa hai lele. Waati bɛɛbɛ, gbaa á kpaasi ku jɛ ikoi jĩi ŋa, nɔ ikoi jĩi ku baa ku jɛ bɛi agbo.

Ezai 44:3

Ntɔ ntɔ, ilɛ hai nɛ mandiu, an fãsi inyi, nɔ n jɔ̀ inyiu ku maa cã si ilɛ ngbɛu. An jɔ̀ hundem ku naa si amaɛ ŋa nɔ kuweem ku naa si tɔkuɛ ŋa.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Laabaau jiida iyi Zãa í kɔ 1:16

Si amani nlaɛu awa fei à ba andi baa nwa, nɔ à ba didɔ̃ si antaii didɔ̃u.

Laabaau jiida iyi Zãa í kɔ 16:7

Do nŋu fei, ntɔi ǹ wa n sɔ̃ ŋɛ, bii ǹ koo aranfãani nŋɛi. Aranfãani nŋɛi, domi bii ǹ koo an bɛ nŋɛ Woo mua gbugbãu wa, amma bii n kù koo kaa naa bi tu ŋɛ.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Laabaau jiida iyi Zãa í kɔ 7:37

Ajɔi ankãanyii jingaui í ya nɛ bɛɛrɛ ku re. Ajɔ nŋuu, ŋɔi Jesu í dede í leekĩ wa fɔ ide hee lele wa ni, inɛ iyi agbɛ wa kpa ku naa ku mɔ inyi bi tom.

Woo bɛ ŋa 10:45

Zuifu woo dasi Jesu naanɛ ŋa iyi à si Piɛɛ bɛu, à biti do iyi Ilaaɔ̃ í mua dimi mmu ŋa mɔ Hundeɛ,

Woo bɛ ŋa 2:33

Ilaaɔ̃ Baaba í soo lele í wa awɔ njɛɛ nɔ í muaa Hundeɛ iyi í wãaò wo. Nɔ nŋu mɔ í mua awa mɔ Hundeu. Nŋui ì waa yɛ nɔ ì waa gbɔ ŋa bɛ.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.

Romu 8:2

Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.