Titee 3:5 - Bibeli do fee

⁵ í faaba wa. Waati bɛɛbɛi Hundeɛ iyi í da nwa si í bí wa isɛ gbeejisia nɔ í mu nwa kuwɛɛ titɔ̃. Kù faaba wa si na iyi í jɔ̀ à ce icɛ jiida, amma si na iyi í jɔ̀ í ce araare nwai.

Titee 3:5 Iomraidhean Croise

Zɔɔbu 15:14

Mii amanɛ í jɛ hee ku maa ni nŋu í má, mà inɛ iyi inaabo í bí mii í jɛ hee ku maa ni nŋu í jɛ dee dee.

Zɔɔbu 25:4

Bɛirei amanɛ á ce ku nɛ ntɔ si Ilaaɔ̃. Bɛirei amanɛ á ce ku má si wajui Ilaaɔ̃.

Zɔɔbu 9:20

Baa bii ǹ jɛ dee dee, gɛlɛm nii á kɔ̀m ntɔ. Baa bii í jɛ n kù nɛ taale, gɛlɛm nii á yɛ taalem.

Iri ku kɔ̃ 130:7

Iŋɛ inɛi Izirɛli ŋa, i jɔ̀ naanɛ nŋɛ ku wa si Aɔ̃ Lafɛ̃ɛ, domi í jɛ jiida, nɔ nŋui í ya faaba inɛ ntɔ ntɔ.

Iri ku kɔ̃ 143:2

Amu woo ce icɛɛi, maà kiitim, domi inɛ kãma kù wɛɛ iyi kù nɛ taale si wajuɛ.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Iri ku kɔ̃ 62:12

Kù jɛ gbakã akãi ǹ gbɔ iyi Aɔ̃ Lafɛ̃ɛ í fɔ í ni gbugbã fei wa naai hai bi ti nŋu.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Ezai 57:12

Amma nsɛi, taale iyi ì jilɔɔ si i kù nɛu, do kuceɛ ŋau, an fɔɔ wai ku fita gbugbãa nɔ a kaa naaɛ aranfãani kãma wa.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Misee 7:18

Iwɛ̃ yoomai í yɛ bɛi awɔ Aɔ̃ Lafɛ̃ɛ, awɔ iyi ì ya kpa idei kurara nɔ ì ya cea inɛɛ ŋa iyi à gbe suurui dulum du ŋa. I ci ya maa mu idei idɔɔkɔ̃ hee do ajɔ fei, domi kubiɛ fei si jiida ku cei í ya wa.

Matie 3:11

Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ gɔ á na ku naa si anyim. Í rem do gbugbã ntɔ ntɔ, n kù to baa n bɔ baataɛ. Nŋui á da nŋɛ si Hundei Ilaaɔ̃ do ina.

Luku 1:50

Í ya ce araarei inɛ ŋa iyi à waa jirimaɛ hee do ajɔ fei.

Luku 1:54

Í sobi inɛi Izirɛli woo ce icɛɛ ŋa, í ce araare nŋa hee do ajɔ fei bɛi í tako í sɔ̃ Aburahamu do tɔkuɛ ŋa aŋa iyi à jɛ bala nwa ŋa.

Luku 1:72

Bɛɛbɛi í nyisi bala nwa ŋa araareɛ, nɔ wa yeò gigii akabuu kumáɛ.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Romu 11:6

Í cica ŋai na didɔ̃ɛ, kù jɛ na icɛ. Bii í jɛ do icɛui, didɔ̃u kù jɛ didɔ̃ má.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 3:20

Ntɔ ntɔ inɛ kãma kù wɛɛ iyi á yɔkɔ ku jirima wooda hee koo jɛò dee dee si wajui Ilaaɔ̃. Wooda í wɛɛi ku ba ku jɔ̀ amanɛ ku mà iyi nŋu í jɛ ilu dulum.

Romu 3:28

À nɔ à yɛ iyi amanɛ á jɛ dee deei na naanɛ iyi í dasi nŋu akã, kù jɛ na wooda ku jirima.

Romu 4:5

Amma inɛ iyi í dasi Ilaaɔ̃ naanɛ, nɔ kù dɛ nŋu ku jɛ dee dee na icɛɛ, Ilaaɔ̃ mɔ, nŋu iyi í ya ce ilu dulum ŋa inɛ dee dee, á doo lafɛ̃ɛu amanɛ dee dee na naanɛ ku dasiɛ.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Romu 9:16

Na nŋu, kù jɛ na idɔɔbii inɛ gɔ, kù nɔ kù jɛ na kookaai inɛ gɔ, amma na araarei Ilaaɔ̃i.

Romu 9:30

Debɛi, bɛirei aa ka fɔ. Bɛi aa ka fɔ wee. Dimi mmu ŋa iyi a kù waa dɛ à jɛ dee dee si wajui Ilaaɔ̃ wo, nsɛi à jɛ dee dee na saabui naanɛ ku dasi nŋa.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Galati 2:16

Do nŋu fei, à mà iyi amanɛ kaa jɛ dee dee si wajui Ilaaɔ̃ na wooda ku too, bii kù jɛ na naanɛ iyi á dasi Jesu Kirisi. Na nŋu, awa mɔ à dasi Jesu Kirisi naanɛ ku ba ka jɛ dee dee na naanɛ iyi à dasi Kirisi, kù jɛ na wooda ku too. Ilaaɔ̃ kaa ce inɛ gɔ dee dee si na iyi í jɔ̀ wa jirima wooda.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 4:23

I jɔ̀ i nɛ idɔ titɔ̃ do lasabu titɔ̃ mam mam ŋa,

Efɛɛzu 5:26

Í nya ŋa ikã nɔ í wɛ ŋa í jɔ̀ à má na saabui ideɛ.

Wooda ku kɔsi 9:5

Kù jɛ na dee dee ku jɛ nŋɛ, walakɔ na idɔ nŋɛ iyi í mái Aɔ̃ Lafɛ̃ɛ í jɔ̀ ì ba ì buba si ilɛi inɛ ŋau ŋa, amma Aɔ̃ Lafɛ̃ɛ í lele inɛ ŋau hai si waju nŋɛi na laalɔ ku ce nŋa, ku ba ì yɛ ntɔi ide iyi Aɔ̃ Lafɛ̃ɛ í sɔ̃ Aburahamu do Izaaki do Zakɔbu bala nŋɛ ŋau do kugbasi.

Kolosee 3:10

nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Titee 3:4

Amma waati iyi Ilaaɔ̃ woo faaba nwa í nyisi jiida ku jɛɛ do bɛi í bi amanɛ ŋa,

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Ebɛɛ 6:6

bii à sinda à toa idei Ilaaɔ̃ anyi, a kaa yɔkɔ a sinda idɔ má, domi à sìsí à waa kpakpa Amai Ilaaɔ̃ si jĩi ku gaauu má nɔ à waa dasiɛ anyɔ si bantuma.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.

Piɛɛ 1, 3:21

Inyiu, í yɛi bɛi inyi ku dasi. Kù jɛ a ni wa nya riisii ara, amma wa nyisi iyi inɛ wa tɔɔ Ilaaɔ̃ ku jɔ̀ idɔi nŋu ku maà yɛ taalei nŋu. Inyi ku dasiui í faaba ŋɛ na saabui kujĩi Jesu Kirisi hai si balɛ,