Titee 3:3 - Bibeli do fee

³ Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Titee 3:3 Iomraidhean Croise

Kusintii Andunya 38:9

Amma Onaa í mà bii nŋu do abou aŋa à tɔtɔɔ, ama iyi abou á na ku bíu kaa jɛ ti nŋu. Na ŋɔi í jɔ̀ waati iyi nŋu do abou à waa tɔtɔɔ fei mii iyi bii í lɔ si inɔi inaabo á jɔ̀ ku nɛ asĩu í ya jɔ̀ ku nikã ilɛi ku ba abou ku maà nɛ asĩ hee ku bí ama si agbɛi igbãɛu.

Kusintii Andunya 39:16

Ŋɔi abou í ce bi ku jilɛ ibɔu hee bii mɔkɔɛ í baa kpasɛ̃.

Iri ku kɔ̃ 36:2

Ide ku kɔ̀i ilu inɔ kukã í ya wai hee si lɛlɛi idɔɛ. Si lasabuɛ í ya nii amanɛ kù nɛ ku maa ce njoi Ilaaɔ̃.

Mɔnda ŋa 8:5

Iŋɛ hai nɛ bisi ŋa, i jɔ̀ i nɛ bisi ŋa. Iŋɛ nnyɛi ŋa mɔ, i jɔ̀ i dɛ laakai ŋa.

Mɔnda ŋa 9:6

I jɔ̀ icɛi nnyɛi ku ce nɔ i ba kuwɛɛ ŋa. I mu kpãai bisi ŋa.

Ezai 44:20

Ntɔ ntɔ lasabu nŋa fei, si ilúlu iyi kù re nkãmau bɛi í wa. Lasabu nŋa í yaa, nŋui í jɔ̀ à nyɔ. Iwɛ̃ nŋau kaa yɔkɔ ku faaba ŋa, nɔ aŋa taka nŋa a ci ya fɔ a ni iboi aŋa à waa mu si awɔ.

Abudiasi 1:3

Ara ku soɛi í jɔ̀ ì nyɔ. Nɔ ì buba si isai kuta ŋa hee lele. Si lasabuɛ ì waa ni, yooi á jɔ̀ n kita wa hai bɛ.

Matie 21:29

Nɔ í ni, n kaa n koo. Amma do ankãanyi í ce lasabu mmu nɔ í koo.

Luku 21:8

Ŋɔi Jesu í sɔ̃ ŋa í ni, i ce laakai ŋa i maà jɔ̀ inɛ gɔ ku dĩ iju nŋɛ, domi inɛ ŋa iyi aa na a maa naa akã akã a maa ni aŋai à jɛ inɛ iyi Ilaaɔ̃ í cicau aa kpɔ. Nɔ aa nyi a sɔ̃ ŋɛ má a ni, waatiu í maai wa mbɛ. Amma i maà too ŋa ŋa.

Laabaau jiida iyi Zãa í kɔ 8:34

Ŋɔi Jesu í jɛ nŋa í ni, ntɔ ntɔ ǹ wa n sɔ̃ ŋɛi, inɛ iyi í ya ce dulum fei arui dulum nii í jɛ.

Romu 11:30

Tako wo ì donda Ilaaɔ̃ ŋa, amma nsɛi Ilaaɔ̃ í too si ide hai gbɔi Zuifu ŋau í ceò araare nŋɛ.

Romu 6:12

Na nŋu, i maà jɔ̀ dulum ku jɛ bomma si ara nŋɛ má, i maà ti i jɔ̀ kɔdɛɛi arau ku kãmia ŋɛ má.

Romu 6:17

Amma ka saabu Ilaaɔ̃ domi baa do iyi ì jɛ arui dulum ŋa wo, nsɛi do inɔ akãi ì waa jirima kukɔsi iyi à da nŋɛ si awɔ.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Romu 6:6

À mà iyi à kpakpa daa nwo nwa si jĩi ku gaau do Jesu ajɔ, ku ba daa nwo nwa iyi wa dasi wa dulum nɔu ku kpa iri, nɔ ka maà jɛ arui dulum má,

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Galati 6:3

Bii inɛ gɔ wa cɔ araɛ ngɔgɔ nɔ wee kù jɛ ngɔgɔ, wa lɛlɛ araɛi.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Kolosee 3:7

Iŋɛ taka nŋɛ bɛɛbɛi ì ya tako i maa ce ŋa wo waati iyi ì wa si dulum ŋau bɛ ŋa.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Timɔtee 2, 3:6

Gɔgɔ ŋa aa maa lɔ kpasɛ̃ do kpasɛ̃ ŋa a maa kãmia inaabo hai donda kulɛlɛ ŋa. Inaabo ŋau, dulum du ŋa í caa nɔ à waa too binɛ ikã ikã fei.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Zaaki 1:26

Inɛ iyi wa tamaa nŋu wa too kpãai Ilaaɔ̃ nɔ kù waa nɔ amɛɛ, lafɛ̃ɛ wa sɔa araɛ iboi. Kpãai Ilaaɔ̃ ku tooɛ ngbɛi.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 18:2

Í dɔ̃ anu í ni, Babilɔni ilu nlau, í cuku, í cuku. Nsɛi í baa í jɛ bi kuwai zĩi ŋa do bi kumanjii inɛi inɔɔko baa yooma fei. Yɛi hai maaju do mɛɛmu hai maaju do mɛɛmu laalɔ ŋa fei à wa bɛ.