Titee 3:2 - Bibeli do fee

² Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Titee 3:2 Iomraidhean Croise

Samuɛli 2, 22:36

Awɔ Aɔ̃ Lafɛ̃ɛm, awɔi ì jɛ tɛli iyi í faabam, awɔi ì gbɔ kutɔɔm nɔ ì muum gbugbã.

Iri ku kɔ̃ 140:11

Jɔ̀ ina nyɛnyɛ ŋa a cuku si ŋa wa, jɔ̀ a dasi isa nla si inau, nɔ a maà yɔkɔ a fita má.

Mɔnda ŋa 19:19

Ilu idɔɔkɔ̃ yaamɔ í nɛ a jɔ̀ ku sãi. Bii a kù jɔ̀ ku sã, á muaa kpãa ku ce mái.

Mɔnda ŋa 25:24

Á sĩa i wa si inɔ ile keeke awɔ akã, do iyi aa wa si inɔ ile nla nla do abo à bi ija.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Matie 11:29

I jɛsi n lesi ŋɛ zuugum nɔ i gba idei ciom ŋa, si na iyi í jɔ̀ amu amanɛ kurɔ do woo kaye arai. Bii ì jɛsi bɛɛbɛ, aa ba kusĩmi ŋa.

Woo bɛ ŋa 23:5

Ŋɔi Pɔlu í ni, kpaasim ŋa, n kù mà mà woo wee nlai. Ǹ mà iyi kukɔi idei Ilaaɔ̃ í ni, i maà ya fɔ taalei ilu iri nŋɛ ŋa.

Kɔrɛnti 1, 6:10

do ile ŋa do ilu binɛ ŋa do woo mɔ atɛ̃ hee ku caa ŋa do woo yaako inɛ ŋa do woo jɛ inɛ takii ŋa a kaa ba tubu si bommai Ilaaɔ̃.

Kɔrɛnti 1, 9:19

Ǹ nɛ aram, n kù jɛ arui inɛ kãma. Amma do nŋu fei ǹ ce aram arui inɛ fei ku ba n fa inɛ nkpɔ n naaò wa bi Kirisi.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 6:1

Iŋɛ inɛm ŋa, iŋɛ iyi Hundei Ilaaɔ̃ wa nɛò ŋɛ, bii ì mu inɛ gɔ si kurara, i nyisi lafɛ̃ɛ kpãa jiida do daa didɔ̃ ŋa. Nɔ i ce laakai ŋa ku ba iŋɛ mɔ i maà na i dasi kurara bɛɛbɛ.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 4:31

I nyɔ daa kuro nŋɛ fei do idɔɔkɔ̃ yaamɔ do idɔɔkɔ̃ fei. I maà ya gbagba si njɛ, nɔ i maà ya sɔ irii njɛ ŋa. I jɔ̀ inɔ sãmi baa yooma fei.

Filipi 4:5

I jɔ̀ inɛ fei ku yɛ daa didɔ̃ nŋɛ ŋa, domi kunyii Lafɛ̃ɛ í maai wa.

Tɛsalonika 1, 2:7

baa bii aa ka yɔkɔ ka nyisi ŋɛ gbugbã nwa wo si na iyi í jɔ̀ à jɛ woo bɛi Kirisi ŋa. Amma à ce icɛ do daa didɔ̃ si anini nŋɛ bɛi iyei ama í ya ce do amaɛ ŋa.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zaaki 4:11

Iŋɛ kpaasim ŋa, i maà ya kiiti njɛ ŋa. Inɛ iyi wa sɔ̃ kpaasiɛ laalɔ, laalɔi woodai wa fɔ. Inɛ iyi wa kiiti kpaasiɛ, woodai wa kiiti. Wee bii ì waa kiiti woodau i kù jɛ inɛ iyi wa jirimaɛ, amma ì jilɛ araɛ si agbɛi woo kiitiui.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Piɛɛ 1, 3:10

Si bɛi kukɔi idei Ilaaɔ̃ wa fɔ í ni, inɛ iyi í bi ku ce kuwɛɛ jiida nɔ ku nɛ inɔ didɔ̃ ajɔ fei, ku jɔ̀ laalɔ ku fɔ nɔ ku nɔ gɛlɛɛ si ibo ku sɔ.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:4

Nsɛi à biti si bɛi i kù waa ba ŋa daa bututu ŋau ku ce má ŋa, nɔ à waa bu ŋɛ.

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.

Zudu 1:10

Amma inɛ ŋau, mii iyi a kù mà yaaseɛ fei à ya buui. Nɔ baa mii ŋa iyi à mà bɛi mɛɛmu ŋa mɔ à ya mà, nŋui í ya ce nfe nŋa.

Zudu 1:8

Do nŋu fei, inɛ ŋa iyi à lɔ inɔ nŋɛ ŋau, à waa ce bɛɛbɛ. Kuyɛ ibo nŋa ŋaui í jɔ̀ à waa dasi ara nŋa daa sãmi ŋau bɛ. À donda ilaalu ku jɛi Ilaaɔ̃ nɔ à waa bu inɛi lele ilu amboe ŋa.