Titee 3:15 - Bibeli do fee

¹⁵ Inɛ ŋa iyi à wa bi tom ihɛ̃ fei à ceɛ fɔɔ. Ce inɛ ŋa iyi à bi wa si kpãai naanɛ ku dasi fɔɔ. Didɔ̃i Ilaaɔ̃ ku wa si iŋɛ fei.

Titee 3:15 Iomraidhean Croise

Matie 5:47

Bii kpaasi nŋɛ ŋa aŋa akãi ì ya ce fɔɔ ŋa, to, iŋɛ mɔ yooi ì tia ŋa. Baa hai dasi Ilaaɔ̃ naanɛ ŋa mɔ à ya ce bɛɛbɛ.

Woo bɛ ŋa 20:34

Ì nɔ ì mà ŋa iyi ǹ ya n ce icɛi do awɔm n bɛi n ba bukaatai mii ŋa iyi ǹ bi fei, amu do inɛ ŋa iyi à waa toom.

Kɔrɛnti 1, 16:23

Didɔ̃i Lafɛ̃ɛ Jesu ku wɛɛ do iŋɛ.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Kolosee 4:18

Fɔɔu ihɛ̃ amu takam nii ǹ kɔɔ wa. Amui Pɔlu ǹ ce ŋɛ fɔɔ. I maà gbɛjɛ iyi ǹ wa ile piisɔ̃ɔ ŋa. Nɔ didɔ̃i Ilaaɔ̃ ku wa si ŋɛ. Ami.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 2, 4:22

Lafɛ̃ɛ ku wɛɛ do awɔ. Nɔ didɔ̃i Ilaaɔ̃ ku wa si iŋɛ fei.

Filemɔɔ 1:5

domi ǹ wa n gbɔ baaui naanɛɛ iyi ì dasi Lafɛ̃ɛ Jesu do bɛi ì bi woo dasi Jesu naanɛ ŋa fei.

Ebɛɛ 13:25

Didɔ̃i Ilaaɔ̃ ku wɛɛ do iŋɛ fei.

Zãa 3, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ Gayusi, awɔ iyi ǹ bi jiida si kpãai ntɔ.