Titee 2:8 - Bibeli do fee

⁸ Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Titee 2:8 Iomraidhean Croise

Neemi 5:9

Nɔ ǹ ni má, mii iyi ì waa ce ŋau bɛ kù sĩa. Ì nɛ i maa jirima Ilaaɔ̃ ŋai si isɛɛnɛ nŋɛ ku ba dimi mmu mbɛɛ nwa ŋau a maà bu wa.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Maaku 12:17

Ŋɔi Jesu í sɔ̃ ŋa í ni, to, i sãa Sezaa iyi í jɛ tɛɛ ŋa. Nɔ i sãa Ilaaɔ̃ mɔ iyi í jɛ tɛɛ ŋa. Ŋɔi inɛ ŋa à biti ntɔ ntɔ do yaase bɛi í fɔò ide.

Maaku 12:28

Ŋɔi inɛ akãi woo kɔ inɛ ŋa si wooda ŋau í gbɔ kakɔɔ iyi à waa ceu. Nɔ í yɛ iyi Jesu í jɛa Sadusi ŋau í ce ncɛɛ. Ŋɔi í bɔ bi Jesu í beeɛ í ni, si wooda ŋau fei, yoomai í re.

Maaku 12:32

Ŋɔi woo kɔ inɛ ŋa si woodau í sɔ̃ Jesu í ni, í sĩa Mɛɛtu. Ide iyi ì fɔu ntɔi. Ilaaɔ̃ akãi í wɛɛ, nɔ Lafɛ̃ɛ gɔ kù wɛɛ má bii kù jɛ nŋu akãu.

Maaku 12:34

Iyi Jesu í yɛ í jɛ do lasabu jiida, ŋɔi í sɔ̃ɔ í ni, í gbe keeke i jɛsi Ilaaɔ̃ ku jɛ ilaaluɛ. Si anyii nŋu, inɛ kãma kù jɛ ku bee Jesu ide gɔ má.

Luku 13:17

Waati iyi wa fɔ ideu bɛ, anyɔ wa mu mbɛɛɛ ŋau fei, nɔ zamaau í wɛɛ do inɔ didɔ̃ na maamaake ŋa iyi wa ce fei.

Tɛsalonika 2, 3:14

Inɛ iyi í kɔ̀ ku gbɔ ide iyi à kɔ si tiau ihɛ̃ i laakaiɛ ŋa nɔ i maà jɔ̀ ngɔgɔ ku tɔtɔɔ ŋɛ do nŋu, ku ba anyɔ ku muu.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 2:15

Do ntɔ, iyi Ilaaɔ̃ í bi, nŋui í jɛ icɛ jiida nŋɛ ku dĩ gɛlɛi hai mà ngɔgɔ ŋa si ide hai nɛ yaase nŋa.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.