Titee 2:3 - Bibeli do fee

³ Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Titee 2:3 Iomraidhean Croise

Romu 1:29

Nɔ laalɔ fei í wɛɛ nŋa, hai inɔ ku kã do kɔdɛɛ do njɛ ku cé do igu do inɛ ku kpa do ija do ibo do bisi laalɔ, hee do irii njɛ ku sɔ.

Romu 16:2

I gba abou na iri Lafɛ̃ɛ si bɛi í jɔ woo dasi Jesu naanɛ ŋa a ce. Nɔ i maa sobiɛ ŋa do bukaatai mii iyi í bi si aninii iŋɛ fei, domi nŋu takaɛ í sobi inɛ nkpɔ, do amu takam.

Efɛɛzu 5:3

Iŋɛ ti Ilaaɔ̃i í jɛ ŋa. Na nŋu, i maà ya ce baa ngɔgɔ iyi á jɔ̀ inɛ ŋa a sɔ iri nŋɛ a ni ì tɔtɔɔ sɛ̃ɛ hai nɛ yaase ŋa walakɔ a ni ì ce daa laalɔ ŋa walakɔ binɛ.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:8

Bɛɛbɛ mɔi á sĩa woo ce icɛi igbɛi inɛi Jesu ŋa a jɛ inɛ ŋa iyi à nɛ bɛɛrɛ, a maà ti a jɛ ilu gɛlɛ minji ŋa, walakɔ woo mɔ atɛ̃ yaamɔ, walakɔ woo dɛ fia do bisi laalɔ.

Timɔtee 1, 5:23

Maà ya mɔ inyi nŋu akã, amma i ya mɔ vɛ̃ɛ keeke na baanii inɔɛ si na iyi í jɔ̀ i ci ya fɛ bɔ̃ɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 2:4

ku ba a mà bɛi aa bi mɔkɔ nŋa ŋa do ama nŋa ŋa.

Ebɛɛ 5:12

Waati í to bɛbɛi bii í jɔ iŋɛ mɔ i kɔ inɛ gɔ ŋa mɔ si ideu, nɔ do nŋu fei, ì kɔ̀ ì waa nɛ bukaatai inɛ iyi á kɔ ŋɛ si mii sinte ŋa si idei Ilaaɔ̃. Iŋɛ iyi ì to i jɛ ijɛ kili nla nɔ ì nyi ì waa nɛ bukaatai amɔ má ŋa.

Kuyɛi Zãa 2:20

Amma mii iyi ǹ yɛ si ŋɛ wee. Ì waa temuaò abo iyi à ya kpe Zezabɛli ŋa, nŋu iyi wa kpe araɛ walii nɔ wa wa inyii itĩi woo dasi naanɛ woo ce icɛm ŋa do ikɔɛ ku ba a ya maa ce sɛ̃ɛ ku tɔtɔɔ hai nɛ yaase nɔ a ya maa ŋɔ iŋa iyi à ceaò iwɛ̃ ŋa kuwee.