Titee 2:2 - Bibeli do fee

² Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:2 Iomraidhean Croise

Zɔɔbu 12:12

Mɔkɔ ngbo ŋai à ya nɛ laakai, nɔ hunde sisɔi í ya naaò bisi wa.

Iri ku kɔ̃ 92:14

À lɛ ŋai si kpasɛ̃i Aɔ̃ Lafɛ̃ɛ, nɔ à wa si bantumai Ilaaɔ̃ Lafɛ̃ɛ nwa.

Mɔnda ŋa 16:31

Ntoi iri fũfũ bɛɛrɛ nla nlai bi inɛ iyi í baa. Kuwɛɛ iyi í sĩai í ya jɔ̀ inɛ ku baa.

Ezai 65:20

Amu ŋa a kaa ya ku hai keeke nŋa má, nɔ inɛ ngbo ŋa mɔ a kaa ya ku hai a kù ce mɔkɔ ngbo. Waati bɛɛbɛ, awaasũ iyi í ku do njumai á jɛ adɔ̃ cĩɔ. Inɛ iyi í ku, nɔ kù to adɔ̃ cĩɔ, aa ya ni à ceekpeɛi.

Kuwee 19:32

I ya dede do jirima si wajui mɔkɔ ngbo ŋa. I ya jirima Aɔ̃ Lafɛ̃ɛ nŋɛ. Amui ǹ jɛ Aɔ̃ Lafɛ̃ɛ.

Maaku 5:15

Iyi à naa bi Jesu, à yɛ inɛ iyi í tako í nɛ inɛi inɔɔko bututuu í baa si laakaiɛ í dasi jĩnɛ ŋa wa buba. Ŋɔi à biti, njo í mu ŋa jiida.

Luku 8:35

Nɔ inɛ ŋa à fita à bɔ ku cɔ mii iyi í ceu. Iyi à to bi Jesu, ŋɔi à yɛ mɔkɔ iyi inɛi inɔɔko ŋa à fita siɛu. Mɔkɔu í baa si laakaiɛ má, nɔ wa buba kɔkɔi Jesu í dasi jĩnɛ ŋa. Ŋɔi njo í mu ŋa.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Romu 12:3

Na didɔ̃ iyi Ilaaɔ̃ í muum, ǹ wa n sɔ̃ iŋɛ fei, i maà jilɛ ara nŋɛ tengi bii i kù to ŋa, amma inɛ fei ku jilɛ araɛ si zaka bɛi Ilaaɔ̃ í muaa naanɛ.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Kɔrɛnti 1, 9:25

Woo ce gaasai kusɛi ŋa à ya maa mu ara nŋai si fei ndɛɛ. À waa ce bɛɛbɛi ku ba a ba fulai wua ŋa iyi aa gbɛ. Amma awa à waa cei ku ba ka ba iyi ci ya tã.

Kɔrɛnti 2, 5:13

Bii à waa ce wa sũmu, na Ilaaɔ̃i. Bii à nɔ à waa ce wa ilu laakai ŋa mɔi, na iri nŋɛi.

Galati 5:23

do daa didɔ̃, do ara ku mu. Mii ŋau bɛ fei, wooda kù ganji ŋa.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Tɛsalonika 1, 5:6

Na nŋu, ka maà sĩ njoo bɛi inɛ ŋa iyi à gbe, amma í sĩa ka wɔ njoo ka maa ceò laakaii ara nwa.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 3:4

Nɔ ku jɛ inɛ gɔ iyi í nɔ kpasɛ̃ɛ mam mam, nɔ amaɛ ŋa à ya jirimaɛ nɔ à mà bɛɛrɛi inɛ ŋa.

Timɔtee 1, 3:8

Bɛɛbɛ mɔi á sĩa woo ce icɛi igbɛi inɛi Jesu ŋa a jɛ inɛ ŋa iyi à nɛ bɛɛrɛ, a maà ti a jɛ ilu gɛlɛ minji ŋa, walakɔ woo mɔ atɛ̃ yaamɔ, walakɔ woo dɛ fia do bisi laalɔ.

Timɔtee 1, 5:1

Maà ya fɔ si mɔkɔ ngbo ŋa ide do gbugbã, amma jɔ̀ i ba ŋa ide ku fɔ kpɛlɛ kpɛlɛ bɛi baai awɔ takaɛ. Nɔ i cea awaasũ ŋa bɛi ifɔɛ ŋa,

Titee 1:13

Nɔ ide iyi inɛɛu í fɔu ntɔi. Na nŋu, sɔ̃ ŋa ide do kugaabu ku ba a leekĩ dim dim si kpãai naanɛ ku dasi,

Titee 1:8

Amma í gbe ku jɛ inɛ iyi í ya yaaɛ inɛ njoo ŋa, nɔ ku ya bi mii jiida ku ce. Nɔ ku jɛ inɛ iyi í mà araɛ. Ku jɛ inɛ dee dee do inɛ kumá nɔ ku ya saku.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Filemɔɔ 1:9

do nŋu fei, na kubii í jɔ̀ ǹ wa n tɔɔɛ suuru. Amu Pɔlu, amu iyi ǹ jɛ mɔkɔ ngbo, nɔ wee nsɛi ǹ wa piisɔ̃ɔ na irii Jesu Kirisi,

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Piɛɛ 2, 1:6

nɔ si kumà i kɔ̃ɔsi ara ku mu, nɔ si ara ku mu i kɔ̃ɔsi temua, nɔ si temua i kɔ̃ɔsi bɛɛrɛi Ilaaɔ̃ ku mà,