Titee 2:15 - Bibeli do fee

¹⁵ Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Titee 2:15 Iomraidhean Croise

Matie 7:29

À bitii si na iyi í jɔ̀ do yiikoi wa kɔ ŋa si, kù jɛ bɛi woo kɔ inɛ ŋa si wooda nŋa ŋau.

Maaku 1:22

Wa kɔ nŋa si cio do yiiko. Kù waa kɔ nŋa si bɛi woo kɔ inɛ ŋa si wooda ŋa à ya kɔsi. Nŋui í jɔ̀ à biti.

Maaku 1:27

Nɔ aŋa fei à biti ntɔ ntɔ hee à waa bee njɛ ide à waa ni, dimii mii iyi ihɛ̃. Inɛɛu wa kɔ wa si cio titɔ̃ do yiiko. Wa jilɛa hee do inɛi inɔɔko ŋa fei ide nɔ à waa jirimaɛ.

Luku 4:36

Ŋɔi aŋa fei à biti, à bee njɛ aŋa duusɔ̃ɔ à waa ni, ide dimi yoomai ihɛ̃. Mɔkɔu wee wa sɔ̃ inɛi inɔɔko ŋa ide do yiiko do gbugbã nɔ à waa fita.

Kɔrɛnti 1, 16:11

Na nŋu, i maà jɔ̀ inɛ gɔ ku dondaɛ ŋa, amma i sobiɛ si isɛɛnɛɛ iyi á ce ku baaò wa ku ba ku to wa bi tom do laakai ku sũ, domi ǹ wa n cɔ kpãaɛ nŋu do kpaasi ŋa iyi à waa suu wa.

Timɔtee 1, 5:20

Inɛ ŋa iyi à waa ce dulum, sɔ̃ ŋa si wajui inɛi igbɛ ŋau fei ku ba inɛ ŋa iyi à gbe a ce njo.

Titee 1:13

Nɔ ide iyi inɛɛu í fɔu ntɔi. Na nŋu, sɔ̃ ŋa ide do kugaabu ku ba a leekĩ dim dim si kpãai naanɛ ku dasi,

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.