Titee 2:13 - Bibeli do fee

¹³ nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Titee 2:13 Iomraidhean Croise

Ezai 25:9

Waati bɛɛbɛ inɛ ŋa aa maa nii, nŋui í jɛ Lafɛ̃ɛ nwa. Siɛi kpãa ku cɔ nwa í wa, nɔ nŋui í faaba wa. Nŋui í jɛ Aɔ̃ Lafɛ̃ɛ, nŋu iyi à waa cɔ kpãaɛ. Ka wɛɛò inɔ didɔ̃, ka wɛɛò inɔ didɔ̃i faaba iyi í ce nwa.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Matie 26:64

Ŋɔi Jesu í jɛaa í ni, awɔi ì fɔɔ. Amma ǹ wa n sɔ̃ ŋɛi, aa yɛ amu Amai Amanɛ ǹ wa n buba awɔ njɛi Ilaaɔ̃ ilu gbugbã fei. Bɛɛbɛ mɔi aa na i yɛm ŋa ajɔ akã ǹ wa n naa si kudũi ijĩ má.

Maaku 14:62

Ŋɔi Jesu í jɛaa í ni, oo, amui. Nɔ aa yɛ ŋa amu Amai Amanɛ ǹ wa n buba si awɔ njɛi Ilaaɔ̃ ilu gbugbã fei. Nɔ ajɔ akã aa na i yɛm ŋa ǹ wa n naa si kudũi ijĩ má.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Woo bɛ ŋa 24:15

Ǹ dasi naanɛ iyi Ilaaɔ̃ á jĩ amanɛ jiida ŋa do amanɛ laalɔ ŋa hai si balɛ, bɛi aŋa mɔ à dasi naanɛ.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.

Romu 8:18

Ǹ mà wahalai nsɛi nwau ihɛ̃ kù jɛ nkãma do amboe iyi Ilaaɔ̃ á na ku nyisi wa.

Kɔrɛnti 1, 1:7

amuai Hundei Ilaaɔ̃ baa akã kù gaizia ŋɛ, iŋɛ iyi ì waa degbe waati iyi Lafɛ̃ɛ nwa Jesu Kirisi á faata wa.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Timɔtee 2, 1:2

Amui ǹ kɔɛ tiau ihɛ̃ wa Timɔtee, awɔ iyi ǹ bi jiida nɔ ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.

Titee 3:4

Amma waati iyi Ilaaɔ̃ woo faaba nwa í nyisi jiida ku jɛɛ do bɛi í bi amanɛ ŋa,

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 4:14

Awa mɔ à yɛ iyi Ilaaɔ̃ Baaba í bɛ Amaɛ wa ku jɛ woo faabai inɛi andunya ŋa, à nɔ à waa jɛ sɛɛdaɛ.

Zudu 1:21

Nɔ i leekĩ si kubii Ilaaɔ̃ ŋa, i maa degbeò ajɔ iyi Lafɛ̃ɛ nwa Jesu Kirisi á mu nŋɛ kuwɛɛ hai tã na araare nŋɛ iyi wa ce.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.