Titee 2:10 - Bibeli do fee

¹⁰ nɔ a maà ya ce ŋa ile, amma a nyisi ara nŋa iyi aŋa à jɛ ilu naanɛ si mii fei. Bɛɛbɛi inɛ ŋa aa màò bɛɛrɛi cioi Ilaaɔ̃ woo faaba nwa.

Titee 2:10 Iomraidhean Croise

Iri ku kɔ̃ 101:6

Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Luku 1:47

Nɔ ǹ wɛɛò inɔ didɔ̃ na irii Ilaaɔ̃ Woo faabam,

Luku 1:80

Iri iyi Zakari í kɔ̃u mbɛ. Si anyii nŋu amau wa la, nɔ bisiɛ wa kɔ̃ɔsi nɔ í koo í wa gbaa hee í koo í tóò ajɔ iyi í nyisi araɛ bantuma si wajui inɛi Izirɛli ŋa.

Luku 16:10

Inɛ iyi í nɛ naanɛ si mii keeke á nɛ naanɛ si mii nla. Inɛ iyi wa ce laalɔ si mii keeke á ce laalɔ si mii nla.

Laabaau jiida iyi Zãa í kɔ 12:6

Iyi wa fɔ bɛɛbɛ kù jɛ wa ce araarei ilu are ŋau fa, amma si na iyi í jɔ̀ í jɛ ile dei. Nŋui í ya maa mu bɔgɔi fia nŋau, nɔ í ya maa ce ilei fia iyi à ya dasiu.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Timɔtee 1, 5:17

Si anyii nŋu, inɛ ngboi igbɛ ŋau iyi à waa ce icɛ jiida, í sĩa i doo ŋa ilu bɛɛrɛ iyi à nɛ aranfãani nla nla. Iyi í re mɔm nŋui í jɛ inɛ ŋa iyi à waa ce kookaai si waazo do cio ku kɔsi.

Timɔtee 1, 6:1

Inɛ ŋa iyi à jɛ aru fei í sĩa a doo lafɛ̃ɛ nŋa ŋa ilu jirima ŋa si mii fei, ku ba inɛ gɔ ku maà ba faya ku fɔ taalei irii Ilaaɔ̃ walakɔ kukɔsi nwa.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Titee 3:4

Amma waati iyi Ilaaɔ̃ woo faaba nwa í nyisi jiida ku jɛɛ do bɛi í bi amanɛ ŋa,

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.

Zãa 2, 1:9

Inɛ iyi kù leekĩ si kukɔsii Kirisi, nɔ í kɔ̃ɔsi tɛɛ, kù nɛ Ilaaɔ̃. Amma inɛ iyi wa leekĩ si, í nɛ Baaba do Ama.

Samuɛli 1, 22:14

Ŋɔi Ahimelɛki í jɛa ilaaluu í ni, si inɔi akaweɛ ŋa fei, kãma nŋa kù nɛ naanɛ kù to Davidi. Awɔi ì waa jɛ anaɛ nɔ nŋu mɔ inɛ ngboi ciikuɛ ŋai. Í nɛ bɛɛrɛ hee í caa si inɔ kpasɛ̃ɛ ihɛ̃.

Samuɛli 1, 26:23

Aɔ̃ Lafɛ̃ɛ í ya sãa inɛ feii si bɛi naanɛ do dee dee ku jɛɛ í to. Wee Aɔ̃ Lafɛ̃ɛ í soɛ í daam si awɔ idũ ana, amma n kù bi n lesi inɛ iyi Aɔ̃ Lafɛ̃ɛ í cica awɔ.