Titee 1:9 - Bibeli do fee

⁹ Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 1:9 Iomraidhean Croise

Zɔɔbu 2:3

Nɔ Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wɛɛ si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ. Wa leekĩ dim dim si dee dee kú jɛɛ nɔ wee awɔ ì talesim n kpãa iju hai kù ce taale kãma.

Zɔɔbu 27:6

Ǹ leekĩ si dim dim iyi kucem í sĩa, n kaa n nɔ n kpaasiɛ. Idɔm kù waa yɛ taalem baa ajɔ akã.

Mɔnda ŋa 23:23

Dɛdɛ ntɔ do bisi do ikɔ do laakai nɔ i maà fũsi ŋa awɔ.

Woo bɛ ŋa 18:28

Nɔ í kãmia Zuifu ŋau do wɔɔkɔ si bantuma ku ba a mà iyi aŋa à wa si kurarai nɔ í nyisi ŋa hai si tiai idei Ilaaɔ̃ iyi Jesui í jɛ inɛ iyi Ilaaɔ̃ í cicau dim dim.

Kɔrɛnti 1, 14:24

Amma bii inɛ fei wa ce walii, bii hai dasi naanɛ gɔ í lɔ wa walakɔ inɛ titɔ̃ gɔ, ideu á tosi idɔɛ nɔ ide iyi inɛ ŋa à waa fɔu ku jɔ̀ ku mà dulum dɛɛ.

Tɛsalonika 1, 5:21

Amma i jɔ̀ i wũa mii fei ŋa nɔ i mu iyi í sĩa ŋa.

Tɛsalonika 2, 2:15

Na nŋu, iŋɛ inɛ nwa ŋa, i leekĩ dim dim i mu ide ŋa iyi à kɔ ŋɛ si gɛlɛò gɛlɛ walakɔ si tia nwa ŋau.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 4:9

Ide iyi à fɔu bɛ ide ilu naanɛi iyi í jɔ inɛ fei ku yɔ awɔ ku gba mam mam.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 2, 1:13

Mu ide ntɔu iyi ǹ sisiɛ, muu do naanɛ jiida do kubi iyi à nɛ si anu akã nwa do Jesu Kirisi.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Timɔtee 2, 3:14

Amma awɔ, leekĩ dim dim si cio iyi à kɔɛ si iyi ì dasi naanɛ, domi ì mà inɛ ŋa iyi à kɔɛ si.

Timɔtee 2, 4:3

Ǹ wa n fɔ bɛɛbɛi domi waati gɔ wa naa iyi inɛ ŋa a kaa bi idei kukɔsi jiida ku gbɔ, amma aa dɛdɛa ara nŋa woo kɔ si cio nkpɔ, inɛ ŋa iyi aa lɛlɛ ŋa do ide iyi à bi ku gbɔ.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 2:1

Awɔ takaɛ kɔ woo dasi Jesu naanɛ ŋa si cio jiida.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.

Kuyɛi Zãa 2:25

Amma naanɛ iyi ì nɛ ŋa, i muu dim dim ŋa hee n koo n toò wa.

Kuyɛi Zãa 3:11

An nyi wa kaa kpɛ. Naanɛ iyi ì nɛ ŋa, i muu dim dim ŋa ku ba inɛ gɔ ku maà na ku gba ribai igũ ku jɛ nŋɛ.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.