Titee 1:8 - Bibeli do fee

⁸ Amma í gbe ku jɛ inɛ iyi í ya yaaɛ inɛ njoo ŋa, nɔ ku ya bi mii jiida ku ce. Nɔ ku jɛ inɛ iyi í mà araɛ. Ku jɛ inɛ dee dee do inɛ kumá nɔ ku ya saku.

Titee 1:8 Iomraidhean Croise

Ilaalu 1, 5:1

Bommai Salomɔɔ í sintii hai ido nlai Efarata ku bɔ ilɛi inɛi Filisi ŋa hee ku bɔ kɔɔi Ezibiti. Inɛi ilɛ ŋau bɛ à ya maa naaò amua ŋa wa, nɔ à waa cea Salomɔɔ icɛ si kuwɛɛɛ fei.

Ilaalu 1, 5:7

Woo mu ilɛ ŋaui à ya naaa Salomɔɔ sɔnda wa nŋu do inɛ ŋa iyi wa wo fei, inɛ fei í ya naaò sɔndau wai si cukpa iyi à jilɛaa, nɔ a ci ya jɔ̀ nkãma kù gaizia.

Iri ku kɔ̃ 16:3

Si ilɛu ihɛ̃ inɛ ŋa à wɛɛ iyi à waa tɔɔ iwɛ̃ ŋa. Nɔ amu mɔ ǹ ya n nɛ si ŋa inɔ didɔ̃i wo.

Amɔsu 5:15

I cé laalɔ ŋa nɔ i bi jiida ŋa, i jɔ̀ dee dee ku jɛ ku jɛ bomma bi ku ce kiiti nŋɛ ŋa. Á yɔkɔ ku jɛ do yaase bɛɛbɛ Aɔ̃ Lafɛ̃ɛi lele do ilɛ á ce araarei inɛi kpasɛ̃i Zozɛfu ŋa iyi à gbe.

Luku 2:25

Wee mɔkɔ gɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa degbe Ilaaɔ̃ ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Tɛsalonika 1, 2:10

Iŋɛi ì jɛ sɛɛda nwa ŋa do Ilaaɔ̃ takaɛ iyi isɛɛnɛ nwa si wajui iŋɛ woo dasi Jesu naanɛ ŋau í má, í jɛ dee dee, nɔ taale kãma kù wa si.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Timɔtee 2, 3:3

Aa jɛ hai nɛ kubi ŋa, a kaa nɛ araarei inɛ ŋa, aa jɛ woo sɔ irii inɛ ŋa, a kaa mà ara nŋa, aa jɛ inɛ kugaabu ŋa, nɔ aa jɛ mbɛɛi woo ce jiida ŋa.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Zãa 1, 3:14

À mà iyi à kua ikui, nɔ à lɔ si kuwɛɛ si na iyi í jɔ̀ à bi kpaasi nwa ŋa. Inɛ iyi kù nɛ kubi, si ikui í wa.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.

Samuɛli 1, 18:1

Si bɛi Davidi í fɔ ide wa tã, ŋɔi kubii Davidi í mu idɔi Zonatãa hee í caa. Tengi bɛ gbakã ŋɔi í sinti ku bi Davidi bɛi nŋu takaɛ.