Titee 1:7 - Bibeli do fee

⁷ Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 1:7 Iomraidhean Croise

Kusintii Andunya 49:6

Si idɔɔkɔ̃ nŋɛ ì kpa amanɛ ŋa. Nɔ si inɔ sãmi nŋɛ ì da atĩi kɔbisii kɛtɛ kombo ŋa. Na nŋu, idɔm ku maà na ku lɔ si akabuu nŋɛ, nɔ lasabum ku maà too si anu tɔɔsi nŋɛ.

Mɔnda ŋa 14:17

Ilu idɔɔkɔ̃ í ya ce idei awɔ anyii, nɔ inɛ iyi wa bi laalɔ ku ce í ya na ku to araɛ do mbɛɛtɛi.

Mɔnda ŋa 15:18

Ilu idɔɔkɔ̃ í ya dede ijai, amma ilu temua í ya kpa ijai.

Mɔnda ŋa 16:32

Inɛ iyi idɔɛ ci ya saasa ku kɔ̃ í sĩa í re woo ja igũ ilu wɔɔkɔ. Á sĩa i kãmia araɛ do iyi aa kãmia ilu.

Woo lasabu 7:9

Maà ya jɔ̀ idɔɛ ku saasa ku kɔ̃ domi nnyɛi ŋai idɔ nŋa í ya kɔ̃ gbãa gbãa.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezekiɛli 44:21

Kãma nŋa kù nɛ ku mɔ vɛ̃ɛ waati iyi wa lɔ si bantumai inɔ kpasɛ̃u.

Kuwee 10:9

maà mɔ atɛ̃ vɛ̃ɛ, walakɔ mii gɔ iyi aa mɔ ku kpaɛ, awɔ do amaɛ ŋa fei waati iyi ì waa bi i lɔ ile bi kukou ŋa, ku ba i maà ti i na i ku ŋa. Nŋu bɛi í baa í jɛ wooda iyi tɔku nŋɛ ŋa aa na a maa too si hee do ajɔ fei.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Titee 1:5

Ǹ jɔ̀ɛ Kɛrɛti bɛi ku ba i teese ide ŋa iyi í gbeu, nɔ i cica inɛ ngbo ŋa si igbɛi inɛi Jesu ŋa si ilu ŋau fei si bɛi ǹ sɔ̃ɛu.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Piɛɛ 1, 4:10

Inɛ baa yooma nŋɛ fei í ba amua hai bi Ilaaɔ̃. Na nŋu, i ceò amua ikã ikãi Ilaaɔ̃u icɛ ŋa i maa sobiò njɛ bɛi woo ce icɛ ilu naanɛ ŋa.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.