Titee 1:6 - Bibeli do fee

⁶ Inɛ iyi á jɛ inɛ ngboi igbɛu í gbe ku jɛ inɛ iyi kù nɛ taale gɔ, iyi í nɛ abo akã lege lege nɔ amaɛ ŋa à jɛ woo dasi Jesu naanɛ ŋa. Ku maà jɛ a maa sɔ iri nŋa do daa bututu nɔ a maà jɛ amu ŋa iyi a ci ya jirima inɛ.

Titee 1:6 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Mɔnda ŋa 28:7

Ama iyi í nɛ laakai í ya jirima wooda, amma ama iyi í nɛ kpaasi laalɔ ŋa í ya dasi baaɛ anyɔi.

Ezekiɛli 44:22

A kù nɛ kpãa a so abo jaaɔ̃ walakɔ abo iyi mɔkɔɛ í kɔ̀siɛ. Mudɛ̃ɛ iyi kù mà mɔkɔi aa so si dimii inɛi Izirɛli ŋa walakɔ abo jaaɔ̃i woo wee gɔ.

Kuwee 21:14

Kaa so jaaɔ̃, kaa nɔ ku so inaabo gɔ iyi í kɔ̀ mɔkɔɛ wa, walakɔ iyi mɔkɔɛ í kɔ̀ɔ wa. Kaa so inaabo iyi kù nɛ jirima hee má jɛ woo ce sakara. Amma inaabo iyi kù mà mɔkɔi á so si inɔi inɛi Leviii ŋa,

Kuwee 21:7

Woo wee ŋa a kaa so inaabo iyi í ce sakara ku jɛ abo nŋa, walakɔ inaabo iyi í mà mɔkɔ. A kaa nɔ a so inaabo gɔ iyi mɔkɔɛ í kɔ̀siɛ wa, domi à jɛ inɛ kumá ŋa iyi à nya ikã na icɛm.

Malasi 2:15

Aɔ̃ Lafɛ̃ɛ kù jɔ̀ i kù jɛ ara akã do hunde akã ŋa ba. To, mii ì waa lele ŋa. Kù jɛ na Ilaaɔ̃ ku mu nŋɛ amu ŋa? Bii bɛɛbɛi i mu ara nŋɛ ŋa nɔ inɛ kãma nŋɛ kù maa dede si akabuu iyi í dĩ do aboi waatii awaasũɛ.

Luku 1:5

Si waati iyi Herodu wa jɛ ilaalui Zudee, woo weei Ilaaɔ̃ gɔ í wa bɛ à ya kpoo Zakari. Si wuai woo weei Ilaaɔ̃ ŋa iyi í jɛ ti Abiai í wa. Aboɛi à ya kpe Elizabɛti. Si dimii Arɔ̃ɔ iyi í jɛ woo wee nla sintei Ilaaɔ̃ui í wa.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 3:12

Í sĩa woo ce icɛi igbɛ ŋau a jɛ ilu abo akã lege lege nɔ a jɛ inɛ ŋa iyi à nɔ ama nŋa ŋa do inɛi kpasɛ̃ nŋa ŋa mam mam.

Titee 1:10

Ǹ wa n fɔ bɛɛbɛi domi inɛ nkpɔi í wa si igbɛu iyi a kù waa jirima inɛ ngbo ŋau, inɛ ŋa iyi à waa dasi inɛ ŋa iju dũdũ do ide nfe. Si inɔ nŋa Zuifu ŋa iyi à dasi Jesu naanɛu, aŋa mɔm nii à re.

Samuɛli 1, 2:11

Si anyii nŋu Elikana í sinda í nyi Rama má, amma Samuɛli amaɛu í gbe bi Elii woo weeu, wa cea Aɔ̃ Lafɛ̃ɛ icɛ.

Samuɛli 1, 2:22

Wee Elii í gbo í caa. Ŋɔi í gbɔ daa laalɔ iyi amaɛ ŋa à wasi ku cea inɛi Izirɛli ŋa do bɛi à ya maa sũò inaabo ŋa iyi à waa ce icɛ andɛ koofai ilei acɔi Aɔ̃ Lafɛ̃ɛ.