Titee 1:4 - Bibeli do fee

⁴ Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.

Titee 1:4 Iomraidhean Croise

Luku 2:11

Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Laabaau jiida iyi Zãa í kɔ 4:42

ŋɔi à sɔ̃ abou à ni, kù jɛ na ide iyi ì fɔu nŋu akãi í jɔ̀ à dasi Jesu naanɛ má, amma si na iyi í jɔ̀ awa taka nwa à gbɔ ideɛi nɔ à mà iyi do ntɔ nŋui í jɛ Woo faabai andunya.

Kɔrɛnti 2, 12:18

Ǹ tɔɔ Titee ku naa bi tu ŋɛ, ǹ bɔɔ wai nŋu do kpaasi gɔ. Aa ni Titee í takii ŋɛ má ŋai? Lasabui awaò fei kù jɛ akãi? Kuce nwa kù jɛ akãi?

Kɔrɛnti 2, 2:13

Amma laakaim kù sũ sɛ̃ɛ si bɛi n kù yɛ kpaasim Titee. Na ŋɔi í jɔ̀ ǹ tɔɔ inɛi Torasi ŋa sukudɔ̃ ǹ nɛ ilɛi Masedɔni.

Kɔrɛnti 2, 4:13

Naanɛ ku dasi nwa í yɛ bɛi ti inɛ iyi í kɔ si kukɔi idei Ilaaɔ̃ í ni, ǹ dasi naanɛ, na ŋɔi í jɔ̀ ǹ wa n fɔ ide. Na nŋu, awa mɔ, si na iyi í jɔ̀ à dasi naanɛ, nŋui í jɔ̀ à waa fɔ.

Kɔrɛnti 2, 7:6

Amma Ilaaɔ̃, nŋu iyi wa mua ilu inɔ kufɔ ŋa gbugbã, í jɔ̀ kunaai Titee í mu nwa gbugbã.

Kɔrɛnti 2, 8:16

Ǹ wa n saabu Ilaaɔ̃, nŋu iyi í jɔ̀ Titee í bi ŋɛ bɛi awa taka nwa à bi ŋɛ.

Kɔrɛnti 2, 8:23

Inɛ ŋa iyi à bɛ si ŋɛ ŋau wee. Titee nŋui í jɛ minjisiam iyi wa bam icɛ ku ce bi tu ŋɛ. Inɛ ŋa mɔ iyi aa suu wa, aŋai à jɛ woo bɛi igbɛi inɛi Jesu ŋa nɔ à jɛ inɛ ŋa iyi à waa na Kirisi amboe.

Kɔrɛnti 2, 8:6

Nŋui í jɔ̀ à tɔɔ Titee ku naa bi tu ŋɛ ku na ku sobi ŋɛ si bɛi í tako í sintiɛ, ku ba iŋɛ mɔ i tambɔ icɛ jiidau bɛ ŋa.

Galati 2:3

Nɔ inɛ ngbo ŋau a kù tilasi Titee iyi í wa bi tom nɔu ku ce bango baa do iyi í jɛ Gɛrɛki fei.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Galati 3:28

Iŋɛ fei ì jɛ akã si anu akã nŋɛ iyi ì ce do Jesu Kirisi ŋa. Na nŋu, inɛ gɔ kù jɛ ikã, hai Zuifu ŋa hee do dimi mmu ŋa, hai aru ŋa do inɛ ŋa iyi à nɛ ara nŋa, hai inaabo ŋa hee do inɛmɔkɔ ŋa.

Efɛɛzu 1:2

Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Kolosee 1:2

à ce ŋɛ fɔɔ, iŋɛ inɛ nwa ilu naanɛ ŋa iyi Kirisi í cica ì jɛ tɛɛ ŋa si ilui Kolosee bɛ. Ilaaɔ̃ Baa nwa ku mu nŋɛ didɔ̃ do laakai ku sũ.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 2, 1:1

Amui Pɔlu, woo bɛi Jesu Kirisi si idɔɔbii Ilaaɔ̃. Ilaaɔ̃ í dasim n sisi idei kuwɛɛ iyi í wãò wa si anu akã nwa do Jesu Kirisi.

Timɔtee 2, 1:2

Amui ǹ kɔɛ tiau ihɛ̃ wa Timɔtee, awɔ iyi ǹ bi jiida nɔ ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 2, 4:10

domi Demasi í jɔ̀m í bɔ Tɛsalonika si na iyi í jɔ̀ í bi andunya kaa kaa. Kɛrɛsãa, inɛ nŋu í nɛ ikpa ilɛi Galati nɔ Titee mɔ í nɛ ikpa ilɛi Dalumasi.

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Piɛɛ 2, 2:20

Ntɔi, inɛ ŋa iyi à jɔ̀ laalɔ ku cei andunya si na iyi í jɔ̀ à mà Lafɛ̃ɛ woo faaba nwa Jesu Kirisi, bii à nyi à jɔ̀ laalɔ ku ceu í mu ŋa má í kãmia ŋa isɛ gbeejisia, kuwɛɛi tako nŋa á tia do ti ankãanyiu.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Piɛɛ 2, 3:2

Ǹ bi i ye gigii ide iyi walii kumá ŋau à fɔ wo, do woodai Lafɛ̃ɛ woo faaba iyi woo bɛ nŋɛ ŋa à sisi nŋɛ.

Zãa 1, 5:14

À nɔ à nɛ naanɛ iyi bii à tɔɔɛ ngɔgɔ iyi í jɛ ti idɔɔbiɛ, á gbɔ nwa.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.