Titee 1:16 - Bibeli do fee

¹⁶ À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Titee 1:16 Iomraidhean Croise

Zɔɔbu 15:16

aa na a fɔ idei amanɛ laalɔ nŋu iyi daa sãmi ku ce í faalaa bɛi inyi ku mɔ?

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Ezai 29:13

Ŋɔi Aɔ̃ Lafɛ̃ɛ í ni, inɛ ŋau ihɛ̃ à ya naa kɔkɔm nii a maa jirimam do gɛlɛ nŋu akã. Amma idɔ nŋa í jĩim. Bɛɛrɛm iyi à waa ni aŋa à mà, iboi. Woodai amanɛ ŋa do cio nŋa nŋu akãi à waa too si.

Ezai 48:1

I sotĩ i gbɔ ŋa iŋɛ inɛi kpasɛ̃i Zakɔbu ŋa, iŋɛ iyi à waa kpe Izirɛli, nɔ ì fita wa hai si dimii Zudaa ŋa, iŋɛ iyi ì ya ce kugbasi do irii Aɔ̃ Lafɛ̃ɛ nɔ ì ya maa kpe irii Ilaaɔ̃ Lafɛ̃ɛi Izirɛli ŋa, amma i kù waa coo do jirima ŋa hee má jɛ do dee dee ku jɛ.

Ezai 58:2

Ajɔ do ajɔ à ya sinda wa bi titom nii. À bi aŋa a mà kpãam ŋa bɛi dimi gɔ iyi wa ce iyi í jɛ dee dee, nɔ kù sinda kù toa asaiyai amu Aɔ̃ Lafɛ̃ɛɛ anyi. À waa tɔɔ n ceaa aŋa kiiti iyi í jɛ dee dee, nɔ à bi aŋa a sɛkɛɛ si amu Ilaaɔ̃ wa.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Zeremi 12:2

Awɔi ì lɔ ŋa, à ce icã, à la à waa koo, nɔ à waa so iso ŋa. Iriɛ í ya maa wai si gɛlɛ nŋa waati kãma fei, amma idɔ nŋa í jĩòɛ.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 6:30

À ya kpe ŋai fia iyi à cé, domi Aɔ̃ Lafɛ̃ɛ í kɔ̀si ŋai.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Kuka 24:16

amu iyi ǹ ya n gbɔ ide ku fɔi Ilaaɔ̃, amu iyi kumàm wa naai hai bi Ilaaɔ̃ iyi í wa lele, amu iyi ǹ ya n ce kuyɛ si idei Ilaaɔ̃ ilu gbugbã fei, amu iyi ǹ ya n sɛɛbata si wajuɛ nɔ ijum ŋa ku cĩ.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 5:8

Inɛ iyi kù waa gbɔa nyaanzeɛ ŋa, iyi í re mɔm inɛi kpasɛ̃ɛ ŋa, lafɛ̃ɛ í kɔ̀si naanɛ ku dasii, nɔ laalɔ ku jɛɛ í re baa hai dasi Jesu naanɛ.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Zãa 1, 2:4

Bii inɛ gɔ í ni nŋu í màa, nɔ kù waa jirima woodaɛ ŋa, lafɛ̃ɛ ilu iboi, ntɔ kù wa siɛ.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Kuyɛi Zãa 21:27

Amma mii riisi kãma kaa lɔ bɛ. Bɛɛbɛ mɔi inɛ iyi wa ce laalɔ do woo sɔ ibo a kaa lɔ bɛ pai. Inɛ ŋa iyi aa lɔ bɛ, aŋai à jɛ inɛ ŋa iyi à kɔ iri nŋa si tiai ama angudãu iyi í jɛ tiai kuwɛɛ.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.

Samuɛli 1, 15:24

Nɔ Saulu í sɔ̃ Samuɛli í ni, ǹ ce dulum domi n kù jirima idei Aɔ̃ Lafɛ̃ɛ do ide iyi ì fɔ. Ǹ ce njoi soogem ŋa nɔ ǹ ce bɛi à bi.