Titee 1:15 - Bibeli do fee

¹⁵ Mii fei í mái bi inɛ ŋa iyi à má, amma nkãma ci ya má bi ilu riisi ŋa do hai dasi naanɛ ŋa, domi lasabu nŋa do idɔ nŋa fei í nɛ riisi.

Titee 1:15 Iomraidhean Croise

Mɔnda ŋa 21:4

Ara ku so do inɛ ku dondai í ya nyisi dulum dii inɛ laalɔ ŋa.

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Azee 2:13

Ŋɔi Azee í bee ŋa má í ni, bii inɛ í jɛ ilu riisi si na iyi í jɔ̀ í lu iku gɔ, nɔ í koo í lu mii ŋau bɛ aŋa mɔ aa baa a jɛ mii riisi ŋai? Nɔ woo wee ŋau à jɛaa à ni, oo mii ŋau bɛ fei à riisi mbɛ.

Matie 15:18

Amma ide iyi í ya fita hai si gɛlɛ, hai si idɔi wa naa. Nŋu bɛi wa dasi amanɛ riisi,

Woo bɛ ŋa 10:15

Nɔ ide ku fɔu í ni má, mii iyi Ilaaɔ̃ í ni í maaju maà ti i kɔ̀si.

Romu 14:14

Na saabui Lafɛ̃ɛ Jesu ǹ mà kãm kãm iyi sɔnda kãma kù jɛ iwɔ̀. Amma bii inɛ gɔ wa doo sɔnda gɔ iwɔ̀, bi tɛɛi í jɛ iwɔ̀.

Romu 14:20

I maà bɛjɛ icɛi Ilaaɔ̃ na idei ijɛ. Ntɔi, sɔnda kãma kù jɛ iwɔ̀, amma kù sĩa inɛ gɔ ku jɛ ijɛ iyi á jɔ̀ kpaasiɛ ku koosɛ.

Romu 14:23

Amma inɛ iyi wa sika si ijɛ gɔ iyi wa jɛ, Ilaaɔ̃ á yɛ taaleɛ domi kù waa coo do naanɛ. Ntɔ ntɔ, mii iyi inɛ wa ce fei nɔ kù waa coo do naanɛ, dulum nii.

Kɔrɛnti 1, 10:23

Inɛ gɔ nŋɛ ŋa à ya ni, ǹ nɛ kpãai n ce mii fei. Ntɔi, amma fei ndɛɛ si á sĩa nŋɛ. Ntɔ ntɔ, ì nɛ kpãai i ce mii fei ŋa, amma fei ndɛɛ kaa mua inɛ gbugbã.

Kɔrɛnti 1, 10:25

Kukɔi idei Ilaaɔ̃ wa fɔ í ni, ilɛ do mii iyi í wa si fei ti Aɔ̃ Lafɛ̃ɛi. Na nŋu, iŋa iyi à waa ta aja fei i ŋɔ ŋa, i maà bee ide kãma ŋa ku ba idɔ nŋɛ ku maà yɛ taale nŋɛ.

Kɔrɛnti 1, 10:31

Na nŋu, bii ì jɛ ì waa mɔ ŋa walakɔ bii ì waa ce ngɔgɔ ŋa, i ce fei ndɛɛ ku ba inɛ ŋa a mà bɛɛrɛi Ilaaɔ̃.

Kɔrɛnti 1, 8:7

Amma kù jɛ inɛ feii í mà iyi bɛ. Hee nsɛi inɛ gɔ ŋa iyi à tako à nɛ dɔ̃ɔnɛi iwɛ̃ ku tɔɔ à waa ŋɔ iŋau bɛi ijɛi kuwee, nɔ idɔ nŋa wa yɛ taale nŋa na gbugbã hai nɛ nŋa.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.