Titee 1:14 - Bibeli do fee

¹⁴ nɔ a maà na a too si arái Zuifu ŋau, walakɔ woodai inɛ ŋa iyi à yaa hai si kpãai ntɔ.

Titee 1:14 Iomraidhean Croise

Ezai 29:13

Ŋɔi Aɔ̃ Lafɛ̃ɛ í ni, inɛ ŋau ihɛ̃ à ya naa kɔkɔm nii a maa jirimam do gɛlɛ nŋu akã. Amma idɔ nŋa í jĩim. Bɛɛrɛm iyi à waa ni aŋa à mà, iboi. Woodai amanɛ ŋa do cio nŋa nŋu akãi à waa too si.

Matie 15:9

Kutɔɔ iyi à waa ce ngbɛi, domi woodai amanɛ ŋai à waa kɔ inɛ ŋa si nɔ à waa ni woodam nii.

Maaku 7:7

Kutɔɔ iyi à waa ce ngbɛi, domi woodai amanɛ ŋai à waa kɔ inɛ ŋa si nɔ à waa ni woodam nii.

Galati 4:9

Amma nsɛi ì mà Ilaaɔ̃ ŋa. Nɔ iyi í re mɔm Ilaaɔ̃ í mà ŋɛ. To, bɛirei í ce ì waa bi i sinda si mii ndii andunya ŋa má ŋa iyi a kù nɛ gbugbã nɔ a kù nɛ bɛɛrɛ. Na mii í ce ì waa bi i jɛ aru nŋa má ŋa.

Kolosee 2:22

Mii ŋau bɛ fei aa ce nfe bii à ceò ŋa icɛ. Woodai amanɛ ŋa do cio nŋa nŋui ì waa too ŋa.

Timɔtee 2, 4:4

Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Titee 3:11

Awɔ takaɛ ì mà iyi amanɛ dimi bɛɛbɛ í yaai hai si kpãa jiida, wa ce dulum nɔ kookoosuɛ í jɔ̀ à yɛ taaleɛ.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Piɛɛ 2, 2:22

Mii iyi í ba ŋau bɛ wa nyisi iyi mɔndau ihɛ̃ í jɛ ntɔ. Mɔndau í ni, aja í nyi í koo wa fa ituɛ má. À ya ni má, kusɔɔ iyi à wɛ í nyi wa bimbili si pɔkɔdɔ má.