Titee 1:13 - Bibeli do fee

¹³ Nɔ ide iyi inɛɛu í fɔu ntɔi. Na nŋu, sɔ̃ ŋa ide do kugaabu ku ba a leekĩ dim dim si kpãai naanɛ ku dasi,

Titee 1:13 Iomraidhean Croise

Iri ku kɔ̃ 119:80

Jɔ̀ idɔm ku jɛ dee dee si ideɛ ŋa ku ba anyɔ ku maà biim.

Iri ku kɔ̃ 141:5

Bii inɛ dee dee wa cãm wa nyisim kubii. Bii wa niim kai, í yɛ bɛi ikpo jiidai wa tontoom si iri, nɔ n kaa n kɔ̀. Amma an maa n mɔsi do kutɔɔm nii si gãmɛi laalɔ ku cei ilu inɔ kukã ŋa.

Mɔnda ŋa 27:5

Á sĩa i sɔ̃ inɛ kuraraɛ, do iyi aa buu nɔ inɛ gɔ kù waa yɔɔ.

Kuwee 19:17

I maà ya cé inɛ mmu ŋa si idɔ nŋɛ. I ya sisi nŋa kurara nŋa iyi à ce ku ba i maà kãa ara nŋɛ dulum na iri nŋa.

Kɔrɛnti 2, 13:10

Na ŋɔi í ce ǹ kɔ nŋɛ mii ŋau ihɛ̃ hai waati iyi ǹ wa n jĩò ŋɛ ku ba bii ǹ to wa, n maà n gaabu si ŋɛ do gbugbã iyi Lafɛ̃ɛ í muum. Í muum gbugbãm nii, kù jɛ n kɛkɛò ŋɛ, amma ku ba n jɔ̀ naanɛ ku dasi nŋɛ ku bɔ wajui.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 1, 5:20

Inɛ ŋa iyi à waa ce dulum, sɔ̃ ŋa si wajui inɛi igbɛ ŋau fei ku ba inɛ ŋa iyi à gbe a ce njo.

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.