Titee 1:11 - Bibeli do fee

¹¹ Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:11 Iomraidhean Croise

Iri ku kɔ̃ 107:42

Inɛ dee dee ŋa à yɔɔ nɔ à nɛ inɔ didɔ̃. Amma inɛ ŋa iyi a kù jɛ dee dee, à waa coko.

Iri ku kɔ̃ 63:11

Aa kpa ŋai do taakuba, nɔ a jɛ sɔndai ajaako ŋa.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Ezekiɛli 13:19

Ì waa bɛjɛ irim ŋai si wajui inɛm ŋa na sɔnda keeke. Ì ya maa sɔa inɛm ŋau ibo ŋai nɔ à ya dasi ŋɛ naanɛ. Ì ya kpa inɛ ŋa iyi i kù nɛ i kpa ŋai nɔ i jɔ̀ inɛ ŋa iyi i kù nɛ i jɔ̀ a wɛɛ ŋa.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 3:5

Aɔ̃ Lafɛ̃ɛ í fɔ ide si gãmɛi walii ŋa iyi à ya maa nyɔ inɛm ŋa, í ni, bii à mu nŋa ngɔgɔ, idei laakai ku sũi à ya fɔ. Amma inɛ ŋa iyi a kù mu nŋa ngɔgɔ, idei igũi à ya fɔ.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Luku 20:40

Si anyiɛ a kù jɛ a kù beeɛ ide gɔ má.

Laabaau jiida iyi Zãa í kɔ 10:12

Amma woo ce gaanɔɔma kù jɛ woo degbe jiida. Si bɛi angudã ŋau a kù jɛ titɛɛ, bii í hɔ̃nnɛ muusu nla wa naa á jɔ̀ angudã ŋaui ku sa, nɔ muusu nlau ku mu angudã ŋau nɔ iyi à gbe ŋau a fangaa.

Romu 3:19

Amma awa à mà iyi mii iyi wooda wa fɔ fei, inɛ ŋa iyi woodau í kãi wa fãa. Wooda í wɛɛi ku ba gɛlɛ kãma ku maà nɛ iyi á fɔ, nɔ inɛ fei ku mà iyi Ilaaɔ̃ wa yɛ taaleɛ.

Kɔrɛnti 2, 11:10

Do ide ntɔi Kirisi iyi í wa sim, ǹ wa n sɔ̃ ŋɛ iyi inɛ gɔ kù wɛɛ si ilɛi Gɛrɛsi fei iyi á ganjim n tɔɔ fufu si ideu ihɛ̃.

Timɔtee 1, 5:13

Si anyiɛ nɔ aa nɛ ika a ya maa dabii dabii kpasɛ̃ do kpasɛ̃. Iyi í re mɔm, aa ya maa sɔ irii inɛ ŋa nɔ a ya maa gũ wɔbia nɔ aa jɛ woo sisi ide ŋa.

Timɔtee 1, 5:4

Bii jaaɔ̃ gɔ í nɛ amu ŋa walakɔ tɔku ŋa, í sĩa amaɛ ŋau a woo bɛi nŋu mɔ í tako í ce nŋa. Bii à waa ce bɛɛbɛ à waa cea Ilaaɔ̃ icɛi, nɔ nŋui á dɔ̃a Ilaaɔ̃ si.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 2, 2:18

aŋa iyi à jɔ̀ kpãai ntɔ nɔ à waa kɛkɛ naanɛ ku dasii inɛ nkpɔ domi à ni awaatii kujĩi iku ŋa í lɔ tã.

Timɔtee 2, 3:6

Gɔgɔ ŋa aa maa lɔ kpasɛ̃ do kpasɛ̃ ŋa a maa kãmia inaabo hai donda kulɛlɛ ŋa. Inaabo ŋau, dulum du ŋa í caa nɔ à waa too binɛ ikã ikã fei.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 3:10

Inɛ iyi wa fɛɛfɛ inɛ ŋa, sɔ̃ɔ bɛi isɛ gbeeji i bɛi i nya lafɛ̃ɛ ikã.