Titee 1:10 - Bibeli do fee

¹⁰ Ǹ wa n fɔ bɛɛbɛi domi inɛ nkpɔi í wa si igbɛu iyi a kù waa jirima inɛ ngbo ŋau, inɛ ŋa iyi à waa dasi inɛ ŋa iju dũdũ do ide nfe. Si inɔ nŋa Zuifu ŋa iyi à dasi Jesu naanɛu, aŋa mɔm nii à re.

Titee 1:10 Iomraidhean Croise

Matie 23:14

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì ya maa ce kutɔɔ sisɔ ŋa ku ba inɛ ŋa a ni iŋɛu inɛ jiida ŋai. Nɔ wee mii iyi jaaɔ̃ ŋa à nɛ fei ì ya gbaa ŋai. Na ŋɔi í jɔ̀ ijuukpã nŋɛ á la ku re.]

Woo bɛ ŋa 11:2

Ŋɔi Piɛɛ í baa Zeruzalɛmu nɔ Zuifu woo dasi Jesu naanɛ ŋau à yɛ taaleɛ,

Woo bɛ ŋa 15:1

Ŋɔi inɛ gɔ ŋa à naa Antiɔsi bɛ. Inɛ ŋau à naai hai ilɛi Zudee, nɔ à waa sɔ̃ kpaasi woo dasi Jesu naanɛ ŋau à ni, i kaa ba faaba ŋa bii a kù dasi ŋɛ bango si bɛi woodai Moizi wa fɔ.

Woo bɛ ŋa 15:24

À gbɔ iyi inɛ gɔ nwa ŋa à naa bi tu ŋɛ à fɔ inɔ nŋɛ nɔ à sinda laakai nŋɛ do ide nŋa ŋa. Amma awa si à dasi ŋa ideu bɛ wa.

Woo bɛ ŋa 20:29

Ǹ mà do anyim amanɛ ŋa aa naa si anini nŋɛ bɛi mɛɛmui sako í ya naa si angudã ŋa, a kaa nɔ a jɔ̀ ŋɛ.

Galati 2:4

A kù tilasiɛ baa do iyi inɛ gɔ ŋa iyi a kù jɛ inɛ nwa ŋa do ntɔ à lɔ wa si igbɛu à waa bi a tilasi inɛ fei ku ce bango. Inɛ ŋau woo zamba inɛ ŋai. À naai do bisi ku ba a bɛjɛ ara ku nɛ nwa si anu akã nwa do Jesu Kirisi nɔ a ce wa aru.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 1:6

Wee inɛ gɔ ŋa à yaa hai si ideu bɛ nɔ à koo à lɔ si kakɔɔ nfe ku ce.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Timɔtee 2, 4:4

Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Titee 1:6

Inɛ iyi á jɛ inɛ ngboi igbɛu í gbe ku jɛ inɛ iyi kù nɛ taale gɔ, iyi í nɛ abo akã lege lege nɔ amaɛ ŋa à jɛ woo dasi Jesu naanɛ ŋa. Ku maà jɛ a maa sɔ iri nŋa do daa bututu nɔ a maà jɛ amu ŋa iyi a ci ya jirima inɛ.

Zaaki 1:26

Inɛ iyi wa tamaa nŋu wa too kpãai Ilaaɔ̃ nɔ kù waa nɔ amɛɛ, lafɛ̃ɛ wa sɔa araɛ iboi. Kpãai Ilaaɔ̃ ku tooɛ ngbɛi.

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zãa 1, 2:4

Bii inɛ gɔ í ni nŋu í màa, nɔ kù waa jirima woodaɛ ŋa, lafɛ̃ɛ ilu iboi, ntɔ kù wa siɛ.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Kuyɛi Zãa 2:14

Amma mii iyi ǹ yɛ si ŋɛ wee. Inɛ gɔ ŋa à wa si inɔ nŋɛ iyi à waa too si ikɔi Balamu. Balamu í tako í sɔ̃ Balaki bɛi á ce ku dasi inɛi Izirɛli ŋa kurara ku ba a ŋɔ iŋa iyi à ceaò iwɛ̃ ŋa kuwee, nɔ a ce sɛ̃ɛ ku tɔtɔɔ hai nɛ yaase.

Kuyɛi Zãa 2:6

Do nŋu fei, ì nɛ mii akã iyi í sĩa ŋa. Ì cé kookoosui inɛi Nikolaiti ŋa bɛi amu takam ǹ cóo.