Titee 1:1 - Bibeli do fee

¹ Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Titee 1:1 Iomraidhean Croise

Bomma 1, 6:49

Inɛi Izirɛli ŋa à na inɛi Levii ŋa ilu ŋa do bi ku jɛi mɛɛmu nŋa ŋa.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Woo bɛ ŋa 13:48

Iyi hai jɛ Zuifu ŋau à gbɔ ideu, ŋɔi í dɔ̃ nŋa si, à waa saabu Lafɛ̃ɛ na ideɛu. Nɔ inɛ ŋa iyi Lafɛ̃ɛ í jilɔɔ si a ba kuwɛɛ hai tãu fei à dasi naanɛ.

Romu 1:1

Amui Pɔlu woo ce icɛi Jesu Kirisi, amu iyi Ilaaɔ̃ í kpe n na n jɛ woo bɛ nɔ í nyam ikã n waazoò laabaau jiidaɛ.

Kɔrɛnti 2, 1:1

Amui Pɔlu woo bɛi Jesu Kirisi si idɔɔbii Ilaaɔ̃, do Timɔtee kpaasi nwa. À ce inɛi igbɛi Ilaaɔ̃ ŋa iyi à wa Kɔrɛnti fɔɔ do woo dasi naanɛ ŋa fei iyi à wa si ilɛi Gɛrɛsi fei.

Efɛɛzu 2:8

Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Timɔtee 1, 2:4

Í bi bɛɛbɛi domi í bi inɛ fei ku ba faaba nɔ ku mà ntɔ.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Timɔtee 2, 2:23

Amma maà ya ce kakɔɔ si mii iyi kù nɛ aranfãani do iyi kù nɛ yaase, domi ì mà kãm kãm iyi nŋui í ya na ku bí ija.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Piɛɛ 2, 3:11

Na nŋu, si bɛi mii ŋau fei á ce nfe bɛɛbɛ, i jɔ̀ i mà sãa sãa ŋa zaka bɛi í sĩa isɛɛnɛ nŋɛ ku maa má nɔ i mà bɛɛrɛi Ilaaɔ̃ ŋa.

Zãa 1, 2:23

Ntɔi inɛ iyi í kɔ̀si Ama, kù nɛ Baaba. Inɛ iyi í gba Amau í nɛ Baau mɔi.

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.