Sofoni 3:4 - Bibeli do fee

⁴ Waliiɛ ŋa a kù jɛ ilu laakai jiida ŋa. Woo ce zamba ŋai. Woo weeɛ ŋau à ya riisi mii iyi à nya ikã ku jɛ ti Aɔ̃ Lafɛ̃ɛi, nɔ à ya kua wooda.

Sofoni 3:4 Iomraidhean Croise

Ezai 9:15

Inɛ ŋa iyi à waa gbã zamaau à waa nyɔɔi, nɔ zamaa iyi à waa gbãu, si kpãai nfe ku cei à waa bɔòɛ.

Zeremi 23:32

Ǹ kɔ̀ idei si gãmɛi woo ce walii ibo ŋau bɛ. Aŋa iyi à ya maa sisi idei àla ibo nŋa ŋa nɔ à dasi inɛm ŋa ku nyɔ do idei faau nŋa. Inɛ ŋau bɛ, kù jɛ amui ǹ bɛ ŋa wa, nɔ kù jɛ amui ǹ na ŋa wooda kãma, nɔ a kù jɛaa inɛm ŋau sobi kãma.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Kukpata 2:14

Kuyɛ ngbɛ do iboi waliiɛ ŋa à ce na iriɛ. A kù fitaò kuraraɛ gbugbãa iyi á jɔ̀ kuwɛɛu ku kpaasi. Kuyɛ ŋa iyi à ce na iriɛ, kuyɛ iboi do idei inɛ ku lɛlɛ.

Ezekiɛli 22:26

Woo weeɛ ŋa a kù waa jirima woodam nɔ a kù mà bɛɛrɛi inya ŋa iyi à nya ikã à jɛ titom. A kù waa fɛɛfɛ mii iyi í má do iyi kù má. A kù waa kɔ inɛ ŋa bɛi aa mà mii iyi í riisi do iyi kù riisi. A kù waa saalu ajɔi kusĩmim ŋa, nɔ si anini nŋa à bɛjɛ irim.

Ezekiɛli 22:6

Bi tu ŋɛ si ilui Zeruzalɛmu, inɛ ngbo baa yooma fei í ya maa nyisi gbugbãɛi nɔ ku maa kpa inɛ ŋa.

Ezekiɛli 44:23

Woo wee ŋau aa ya na inɛ ŋa ikɔi si mii iyi í má do iyi kù má, si mii iyi í riisi do iyi kù riisi.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Misee 2:11

Inɛ ŋau à ya bi inɛ iyi wa fɔ ide si fufu wa sɔ ibo nɔ wa ce ide nkpɔ wa ni, aa ba atɛ̃ vɛ̃ɛ do atɛ̃ ku nɛ gbugbã i mɔ ŋa.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Malasi 2:7

Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.

Malasi 2:8

Amma iŋɛ inɛi Levii ŋa iyi ì jɛ woo wee ŋau ì nyɔ kpãau ŋa. Do ikɔ nŋɛ ŋau ì nyɔ inɛ nkpɔ ŋa. Ì dede si akabuu iyi í wa si gãmɛ iŋɛ do amu Aɔ̃ Lafɛ̃ɛu ŋa.

Matie 7:15

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa.

Kɔrɛnti 2, 11:13

Inɛ ŋau, woo bɛ ilu ibo ŋai iyi à ya dĩ ijui inɛ gɔ ŋa, nɔ à waa kpe ara nŋa woo bɛi Kirisi ŋa.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.

Woo kiiti ŋa 9:4

Nɔ à nya fia kpɛkɛlɛ kitaò fɛɛwa hai ilei Baali-Beritiu à naa. Fia nŋui Abimelɛki í raò mɔngantɛ̃ ŋa do woo dabii nfe nfe ŋa nɔ à ya maa tooɛ.

Samuɛli 1, 2:22

Wee Elii í gbo í caa. Ŋɔi í gbɔ daa laalɔ iyi amaɛ ŋa à wasi ku cea inɛi Izirɛli ŋa do bɛi à ya maa sũò inaabo ŋa iyi à waa ce icɛ andɛ koofai ilei acɔi Aɔ̃ Lafɛ̃ɛ.