Sofoni 3:3 - Bibeli do fee

³ Ilaaluɛ ŋau à yɛi bɛi muusu nla ŋa iyi à waa dɔ̃ anu. Woo kiitiɛ ŋau à yɛi bɛi mbo ŋa si waatii alɛ, mbo ŋa iyi a kù nɛ nkãma iyi aa ŋɔ bii iju í má daakɔ.

Sofoni 3:3 Iomraidhean Croise

Mɔnda ŋa 28:15

Amanlu ilu inɔ kukã iyi í jɛ bomma si ilu are ŋa, í yɛi bɛi muusu nla iyi wa dɔ̃ anu walakɔ bɛi mɛɛmu kugaabu gɔ iyi wa sɛi si inɛ gɔ.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Ezai 5:29

Bii ì waa gbɔ ibai sooge nŋa ŋau, aa ni anu ku dɔ̃i muusu nla iyei ama, walakɔ ama muusu nla iyi í ba sɔnda wa bɔ ku singaɛ bii inɛ gɔ kaa yɔɔ hee ku gbaai.

Zeremi 22:17

Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.

Zeremi 23:11

Walii do woo wee ŋau fei à baa à jɛ inɛ laalɔ ŋa. Aɔ̃ Lafɛ̃ɛ í ni, ǹ yɛ inɔ kukã í wa baa si inɔ kpasɛ̃ nŋa ŋai.

Zeremi 5:6

Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.

Ezekiɛli 22:6

Bi tu ŋɛ si ilui Zeruzalɛmu, inɛ ngbo baa yooma fei í ya maa nyisi gbugbãɛi nɔ ku maa kpa inɛ ŋa.

Ezekiɛli 33:26

Taakuba nŋɛi ì ya maa kaaba ŋa. Ì ya maa ce laalɔ ikã ikã ŋa. Ì ya maa sũò aboi inɛ mmu ŋa. Nɔ do yaase bɛɛbɛi ì waa lasabu ilɛu ku jɛ tu ŋɛ?

Abakuku 1:8

Acĩ nŋa ŋa à nɛ are à re muãa ŋa, nɔ à gaabu à re baa mbo iyi í ya ce adɛ alɛ. Hai jĩijĩi à naa, nɔ masa nŋa ŋau à ya fo lele à bata mbɛɛ ŋa bɛi kungbã í ya ce si iŋa ŋa.