Sofoni 3:2 - Bibeli do fee

² Iluu ci ya gbɔ ide kãma, nɔ kù bi ikɔ kãma ku gba. Kù dasi naanɛɛ si Aɔ̃ Lafɛ̃ɛ, nɔ ci ya bɔ kɔkɔi Ilaaɔ̃ nŋu iyi í jɛ Lafɛ̃ɛɛ.

Sofoni 3:2 Iomraidhean Croise

Neemi 9:26

Do nŋu fei a kù jirimaɛ, à na à dedeò ide ku kɔ̀ siɛ. À nyɔ woodaɛ do anyi nŋa. À kpa waliiɛ ŋa iyi à waa mante ŋa a baa wa bi tɛɛ. Nɔ à waa ce daa ŋa iyi kù sĩa.

Iri ku kɔ̃ 10:4

Ilu inɔ kukã í ya fɔi do yaako si idɔɛ ku maa ni, Ilaaɔ̃ ci ya kpã inɛ iju si nkãma. Ilaaɔ̃ kù wɛɛ.

Iri ku kɔ̃ 50:17

awɔ iyi ì cé ikɔm nɔ ì nyɔ idem ŋa do anyi.

Iri ku kɔ̃ 73:28

Bii ǹ sɛkɛɛ si Aɔ̃ Lafɛ̃ɛ wa, nŋui á jɛɛm jiida. Aɔ̃ Lafɛ̃ɛi ǹ cica ku jɛ bi ku manjim ku ba n sisi icɛ ŋa iyi í ce.

Iri ku kɔ̃ 78:22

Í ce bɛɛbɛi si na iyi í jɔ̀ a kù dasiɛ naanɛ, nɔ a kù dasi naanɛ iyi á yɔkɔ ku faaba ŋa.

Mɔnda ŋa 1:7

Bii ì bi i nɛ kumà, jɔ̀ i mà bɛɛrɛi Aɔ̃ Lafɛ̃ɛ titã. Nnyɛi ŋa aŋa akãi à ya ce atafii si bisi do ikɔ iyi à waa na ŋa.

Mɔnda ŋa 5:12

i maa ni, na mii í ce ǹ kɔ̀ ku gbɔ ikɔ. Na mii í jɔ̀ ǹ ce atafii si inɛ ŋa iyi à waa fɔ sim ide.

Ezai 1:5

Si bɛi ì kɔ̀ ì waa mɔsi do ide ku kɔ̀ nŋɛ ŋa, si afe iwoi ì bi ku cã ŋɛ bɛbɛi. Iri nŋɛ ŋa à ba kumɛɛ bii fei, nɔ idɔ nŋɛ ŋa a kù waa nɛ baani.

Ezai 29:13

Ŋɔi Aɔ̃ Lafɛ̃ɛ í ni, inɛ ŋau ihɛ̃ à ya naa kɔkɔm nii a maa jirimam do gɛlɛ nŋu akã. Amma idɔ nŋa í jĩim. Bɛɛrɛm iyi à waa ni aŋa à mà, iboi. Woodai amanɛ ŋa do cio nŋa nŋu akãi à waa too si.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 43:22

Aɔ̃ Lafɛ̃ɛ í ni, Zakɔbu, kù jɛ amui ì kpe. zamaai Izirɛli ì gbɛɛji do amui.

Ezai 9:12

Do yaase bɛɛbɛi Ilaaɔ̃ í kpã ŋaò iju, amma do nŋu fei, a kù sinda a kù nyi bi tɛɛ nŋu iyi í jɛ Aɔ̃ Lafɛ̃ɛi lele do ilɛ.

Zeremi 13:25

Ŋɔi Aɔ̃ Lafɛ̃ɛ í ni má, mii iyi á baɛ mbɛ, nɔ ikpɛ̃ iyi amu Aɔ̃ Lafɛ̃ɛ ǹ wã ǹ jilɛɛ mbɛ, si na iyi í jɔ̀ ì gbɛjɛm nɔ ì dasi naanɛɛ si ibo.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 22:21

Ǹ ba ŋɛ ide ku fɔ hai waati iyi i kù nɛ bitandi kãma ŋa, amma ì ni iŋɛ i kaa gbɔ ŋa. Nɔ bɛɛbɛi isɛɛnɛ nŋɛ í yɛ hai waatii awaasũ nŋɛ, i ci ya jɛ ku gbɔ idem ŋa.

Zeremi 32:33

Anyii aŋa fei à sinda à toom wa, a kù toom waju nŋa. Ǹ kɔ ŋa, nɔ n kù gbɛɛjiò ikɔ ku na ŋa, amma a kù jɛ ikɔu ku gba.

Zeremi 35:13

ide iyi amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa ǹ fɔ wee. Ǹ ni, koo i sɔ̃ inɛi Zudaa do inɛi Zeruzalɛmu ŋau fei i ni, Aɔ̃ Lafɛ̃ɛ í ni, i kaa gba ikɔ ŋa? I kaa jirima idei amu Aɔ̃ Lafɛ̃ɛ nŋɛ ŋa?

Zeremi 35:17

Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Ezekiɛli 22:24

awɔ amanɛ, sɔ̃ inɛi Zeruzalɛmu ŋa iyi ilɛ nŋa í yɛi bɛi ilɛ iyi ijĩ ci ya wɔ si. An jɔ̀ a ce nfei si ajɔi idɔɔkɔ̃m bɛi ilɛ ngbɛ hai nɛ mandi.

Ezekiɛli 24:13

Zeruzalɛmu, kuraraɛi í jɔ̀ ì riisi. Ǹ bi ǹ wɛɛ i maajui wo, amma ì kɔ̀. Nsɛi, i bɛi i maaju, í gbe bii idɔɔkɔ̃m í naa siɛ.

Sofoni 1:6

Amu Aɔ̃ Lafɛ̃ɛ, an ce nfei inɛ ŋa iyi à sinda à toom anyi ŋaui, aŋa iyi a kù waa dɛdɛɛm nɔ a kù waa beem ide kãma ŋau.

Timɔtee 2, 3:16

Kukɔi idei Ilaaɔ̃ fei hai bi Ilaaɔ̃i wa naa. Nɔ í nɛ aranfãani ku kɔ inɛ ŋa si cio, ku nyisi amanɛ kuraraɛ, nɔ ku dasiɛ kpãa jiida má, nɔ ku nyisiɛ yaase bɛi á jɛò dee dee,

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.