Sofoni 2:3 - Bibeli do fee

³ I dɛdɛ Aɔ̃ Lafɛ̃ɛ ŋa iŋɛ fei, iŋɛ woo kaye ara ŋa si ilɛu, iŋɛ iyi ì waa ce bɛi asaiyaɛ í fɔ ŋa. I dɛdɛ dee dee ku jɛ, nɔ i dɛdɛ ara ku kaye ŋa. Á yɔkɔ ku jɛ do yaase bɛɛbɛ, aa ba i manji ŋa si ajɔi idɔɔkɔ̃i Aɔ̃ Lafɛ̃ɛu.

Sofoni 2:3 Iomraidhean Croise

Samuɛli 2, 12:22

Ŋɔi í jɛ nŋa í ni, waati iyi amau í wɛɛu, ǹ dĩ anu ǹ wa n kpataò, domi ǹ wa n ni si idɔm, yooi í mà mà Aɔ̃ Lafɛ̃ɛ kaa ce araarem nɔ ku jɔ̀ amau ku wɛɛ.

Iri ku kɔ̃ 105:4

I dɛdɛ Aɔ̃ Lafɛ̃ɛ ilu gbugbãu fei ŋa. I ya maa dɛdɛɛ waati kãma fei ŋa.

Iri ku kɔ̃ 149:4

Ntɔ ntɔ Aɔ̃ Lafɛ̃ɛ í ya nɛ inɔ didɔ̃i si inɛɛ ŋa. Í ya mà bɛɛrɛi inɛ ŋa iyi à kaye ara nŋai nɔ ku faaba ŋa.

Iri ku kɔ̃ 22:26

Aɔ̃ Lafɛ̃ɛ, awɔi ì jɔ̀ ǹ yɔkɔ ǹ wa n cĩɛ tengi bii inɛ ŋa à tɔtɔɔ, an kɔ̃ kuwã ŋa iyi ǹ ceɛ si wajui inɛ ŋa iyi à mà bɛɛrɛɛ.

Iri ku kɔ̃ 31:20

Aɔ̃ Lafɛ̃ɛ, jiida ku jɛɛ í la í caa. Inɛ fei wa yɔɔ iyi inɛ ŋa iyi à mà bɛɛrɛɛ do inɛ ŋa iyi à ba bi ku manji nŋa bi tɛɛi ì ya nyisi jiida ku jɛɛu.

Iri ku kɔ̃ 45:4

Awɔ woo ja igũ jiida, dĩ taakubaɛ si cingaaɛ. Nŋui í jɛ yiikoɛ do bɛɛrɛɛ.

Iri ku kɔ̃ 57:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do imu iyi wa ni, maà jɔ̀ ku ce nfe. Iriu wa fɔ idei waati iyi Davidi í ba í saa Saulu í koo í manji si isai kutau.

Iri ku kɔ̃ 76:9

Hai lelei Aɔ̃i ì fɔ idei kiitiɛ wa, nɔ zigii inɛi andunya ŋa í da à mu ara nŋa sɛ̃ɛ.

Iri ku kɔ̃ 91:1

Inɛ iyi í wa bi Ilaaɔ̃ hee lele jĩijĩ, á maa sĩmii si jĩjĩi ilu gbugbã feiu.

Kufita 12:27

i ya jɛ nŋa i ni, kuweei Iku ku kuai iyi à ya cea Aɔ̃ Lafɛ̃ɛ. Waati iyi awa inɛi Izirɛli ŋa à wa ilɛi Ezibiti, Aɔ̃ Lafɛ̃ɛ í kpa inɛi Ezibiti ŋau amma í faaba wa í kua kpasɛ̃ nwa ŋa. Iyi Moizi í fɔ bɛɛbɛ í tã, ŋɔi inɛi Izirɛli ŋau à gulɛ à waa tɔɔ Ilaaɔ̃.

Mɔnda ŋa 18:10

Aɔ̃ Lafɛ̃ɛi í jɛ ile ku nɛ gbugbã. Tengi bɛi inɛ dee dee í ya sa koo manji.

Ezai 1:17

I kɔkɔ jiida ku ce ŋa. I ya ce iyi í jɛ dee dee ŋa. I baaò woo taa inɛ ŋa gbugbã wa si kpãa jiida ŋa. I cea kɔyɔ ŋa iyi í jɛ dee dee ŋa, i maà jɛ a takii jaaɔ̃ ŋa.

Ezai 11:4

Á cea ilu are ŋa kiiti dee dee. Á cea hai nɛ gbugbã ŋa iyi à wa si ilɛu kiiti si ntɔ. Ideɛ á ya yɛi bɛi golo iyi wa cãò inɛi ilɛ ŋau. Kiitiɛ á kpa inɛ laalɔ.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Zeremi 39:18

Amui an jɔ̀ i fita si a maà kpaɛ nɔ i wɛɛ si hunde, domi ì dasi amu Aɔ̃ Lafɛ̃ɛ naanɛ.

Zeremi 45:5

Ŋɔi awɔ ì jɛ ì waa bee ngɔgɔ iyi í jɛ ti aranfãanii araɛ? Maà bee nkãma, domi wahala iyi an jɔ̀ ku naau, á tosi mii iyi wa mí si hunde feii. Amu Aɔ̃ Lafɛ̃ɛi ǹ fɔ bɛɛbɛ. Amma do nŋu fei, mii iyi an jɔ̀ i ba wee. An jɔ̀ hundeɛ ku ya fita sii tengi bii ì waa bɔ fei.

Ezekiɛli 13:5

Inɛ ŋau a kù koo a kù dĩ iwoi bindi ŋau, a kù nɔ a kù ma bindii Izirɛliu má iyi á jɛ bii aa ba a manji si ajɔ iyi idɔɔkɔ̃i amu Aɔ̃ Lafɛ̃ɛ á naa si ŋau.

Ozee 10:12

I gbɛ̃a ara nŋɛ iyi í jɛ dee dee ŋa, nɔ i da zaka bɛi dee dee ku jɛ nŋɛu í to. I da iko titɔ̃ ŋa. Waati í to i dɛdɛ Aɔ̃ Lafɛ̃ɛ ŋa hee ku maa to waati iyi á baa nɔ ku jɔ̀ dee dee ku jɛɛ ku bii si ŋɛ.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Zonasi 3:9

Á yɔkɔ ku jɛ Ilaaɔ̃ á kpaasi idɔ, nɔ idɔɔkɔ̃ɛ á sũ kaa ce nfe nwa má.

Zakari 8:19

ǹ wa n sɔ̃ ŋɛ iyi anu ku dĩ iyi ì ya ce si cukpa mɛɛsia do si miiusia, do si mɛɛjesia do si mɛɛwasiai adɔ̃u á baa ku jɛa inɛi Zudaa ŋa ajɔi jingau do inɔ didɔ̃ nla nla. Amma i bi ntɔ do laakai ku sũ ŋa.

Matie 5:5

Ilu inɔ didɔ̃ ŋai inɛ ŋa iyi daa nŋa í sĩa domi aŋai aa nɛ ilɛu fei.

Tɛsalonika 1, 4:1

Iŋɛ inɛ nwa ŋa, à kɔ nŋɛ si bɛi í sĩa i maa nɛ ŋa ku ba ku dɔ̃a Ilaaɔ̃ si. Ntɔi, ì waa ce bɛɛbɛ tã ŋa. Amma iyi í gbe nsɛi à waa tɔɔ ŋɛ do irii Lafɛ̃ɛ Jesu, i hanya i ce bɛɛbɛ i maa koo ŋa.

Tɛsalonika 1, 4:10

Ntɔi, ì nɛ kubii njɛ tã ŋa hee do woo dasi Jesu naanɛ ŋa iyi à wa ilɛi Masedɔni fei. Amma à waa tɔɔ ŋɛ, iŋɛ inɛ nwa ŋa, i hanya i ya maa ce bɛɛbɛ i maa koo ŋa.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 3:4

Amma i jɔ̀ kusĩa nŋɛ ku jɛ si idɔ nŋɛ, kusĩa iyi ci ya tã. Nŋui í jɛ daa didɔ̃ do idɔ ku buba. Iyi bɛi í jɛ mii ilu bɛɛrɛ jiida si wajui Ilaaɔ̃.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.