Sofoni 2:2 - Bibeli do fee

² hee wooda iyi à jilɛu ku maa to wa, nɔ ajɔu ku na ku maa lɔ bɛi fɔfɔ wɛwɛɛ. I tɔtɔɔ nɔ i lasabu ŋa hee idɔɔkɔ̃ nlai Aɔ̃ Lafɛ̃ɛu ku na ku maa naa si ŋɛ, hee ajɔi idɔɔkɔ̃ nlai Aɔ̃ Lafɛ̃ɛu ku maa to wa si ŋɛ.

Sofoni 2:2 Iomraidhean Croise

Zɔɔbu 21:18

Bii í yɔkɔ a yɛ bɛi wua kokoi iyi fufu í so wa dabiiò walakɔ bɛi fɔfɔ iyi fufu dabii í so.

Iri ku kɔ̃ 1:4

Amma ti ilu inɔ kukã ŋa kù jɛ bɛɛbɛ. À yɛ bɛi fɔfɔ iyi fufu wa fangaa.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Ezai 17:13

Zamaa nkpɔ nkpɔu wa ce ibai bɛi ibai inyi nla nla ŋa. Aɔ̃ Lafɛ̃ɛ í la si ŋa, nɔ à sa à waa nɛ hee jĩijĩ. Í lele ŋai bɛi fɔfɔ wɛwɛɛ ŋa iyi fufu wa tale hai si iri kuta ŋa, do bɛi ilulu iyi í dede na fufu dabii nla gɔ iyi í dede.

Zeremi 23:20

Nɔ idɔɔkɔ̃i Aɔ̃ Lafɛ̃ɛu kaa sinda, í gbe hee koo kpa irii mii ŋa iyi í bi ku ce si idɔɛ fei. Ajɔ akã, aa na i gbɔ yaaseɛ ŋa.

Zeremi 4:4

I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Kukpata 4:11

Aɔ̃ Lafɛ̃ɛ í nyisi idɔɔkɔ̃ɛi hee kɔɔ, nɔ si idɔɔkɔ̃ɛu, í dasi ilui Siɔ̃ɔ ina. Inau í jo hee do icui ileɛ ŋa fei.

Ezekiɛli 12:25

Amu Aɔ̃ Lafɛ̃ɛi ǹ wa n fɔ ide nɔ ide iyi ǹ fɔ á cei kaa kpɛ. Ntɔ ntɔ, iŋɛ woo kɔ̀ ide ŋau, si waati nŋɛi idei ijuukpã ŋa iyi ǹ fɔ ideɛu á ce.

Ozee 13:3

Na nŋu, aa yɛi bɛi kudũi ijĩi daakɔ walakɔ bɛi ikpã iyi í ya wɔ. Aa yɛi bɛi fɔfɔ iyi fufu í so wa nɛò walakɔ bɛi cua iyi wa fangaa.

Nahumu 1:6

Yooi á yɔkɔ ku leekĩ si wajui Aɔ̃ Lafɛ̃ɛ waati iyi idɔɛ í kɔ̃. Yooi á yɔkɔ ku leekĩ si wajui idɔɔkɔ̃ nla nlaɛ. Idɔɔkɔ̃ɛ í ya fangaai bɛi ina, nɔ í ya lɛgɛ kuta ŋa.

Sofoni 1:18

Isɔ fũfũ nŋa kaa yɔkɔ ku faaba ŋa hee má jɛ wura nŋa si ajɔi idɔɔkɔ̃i Aɔ̃ Lafɛ̃ɛ. Idɔɔkɔ̃ nlaɛ á ce nfei ilɛu feii bɛi ina. Zigiida nla nlai á jɛ waati iyi á ce nfei inɛi andunya ŋau fei.

Sofoni 3:8

Ŋɔi Aɔ̃ Lafɛ̃ɛ í ni, na nŋu, i degbem ŋa si ajɔ iyi an dedeò mii ndu ŋɛ ŋa ku ko, domi ǹ dasi idɔ n tɔtɔɔ ilɛ ŋa ku ba n tɔtɔɔa aram bomma ŋa nɔ idɔɔkɔ̃ nla nlam ku naa si ŋa. Ntɔ ntɔ, inai idɔɔkɔ̃m nɔu á ce nfei inɛi andunya ŋai mam mam.

Matie 24:35

Lele do ilɛ fei á na ku tã, amma idem ŋa a kaa tã pai.