Sofoni 2:1 - Bibeli do fee

¹ I tɔtɔɔ njɛ nɔ i ce lasabu ŋa, iŋɛ inɛi ilɛ ŋa iyi i kù nɛ anyɔ ŋau,

Sofoni 2:1 Iomraidhean Croise

Bomma 2, 20:4

Ŋɔi inɛ ŋa à naa hai si ilui Zudaa ŋau fei Aɔ̃ Lafɛ̃ɛ ku tɔɔ.

Neemi 8:1

Si ajɔ sintei cukpa mɛɛjesiau inɛi Izirɛli ŋa à ce anu akã à tɔtɔɔ Zeruzalɛmu si bantuma iyi í wa wajui anu koofa iyi à ya kpe anu koofai inyiu. Aŋa fei à tɔtɔɔ bɛi hai inɛmɔkɔ ŋa do inaabo ŋa hee do inɛ ŋa iyi aa yɔkɔ a gbɔ ideu fei. Ŋɔi à sɔ̃ Ɛsidarasi woo kɔ inɛ ŋa si woodau ku naaò tia si bii à kɔ wooda iyi Aɔ̃ Lafɛ̃ɛ í na Moizi na irii aŋa inɛi Izirɛli ŋau wa. Ŋɔi Ɛsidarasi woo weeu í naaò tiai woodau wa si wajui zamaau fei.

Neemi 9:1

Si ajɔ kɔnfia do mɛɛsiai cukpa akãu bɛ, inɛi Izirɛli ŋa à tɔtɔɔ ku ba a ce anu ku dĩ. À dasi jĩnɛi inɔ kufɔ ŋa nɔ à kosi iri nŋa sãa.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Zeremi 3:3

Na ŋɔi í jɔ̀ ǹ kɔ̀ɛ ijĩ, nɔ agbɛ í mu si jɛadɔ̃u. Amma ì lele idɔɛ ì waa mɔsi do icu ku taɛ, nɔ anyɔ kù waa muɛ.

Zeremi 6:15

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zoɛli 1:14

I tɔtɔɔ zamaa nɔ i nya waati i ce anu ku dĩ ŋa. I tɔtɔɔ inɛ ngboi ilu ŋau do zamaai ilɛu fei si kpasɛ̃i Aɔ̃ Lafɛ̃ɛ nŋɛ, nɔ i dɔ̃ siɛ anu ŋa.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Zakari 11:8

Si cukpa akã ǹ lele woo degbe mɛɛta ŋau fei. Nɔ amu takam ǹ wa n degbe angudã ŋau, amma kuce nŋa í jɔ̀ ǹ mɔngɔ temua. Nɔ aŋa taka nŋa à cém.

Matie 18:20

domi tengi bii amanɛ minji walakɔ mɛɛta í tɔtɔɔ à waa ce kutɔɔ do irim, ǹ wa si anini nŋa.