Sofoni 1:8 - Bibeli do fee

⁸ Aɔ̃ Lafɛ̃ɛ í ni, si ajɔi kuweeu, hai akawe ŋa hee do amai ilaalu ŋau, hee ku koo si inɛ ŋa iyi à waa too si kucei inɛ njoo ŋau fei, an kpã ŋa ijui.

Sofoni 1:8 Iomraidhean Croise

Ilaalu 2, 10:22

Ŋɔi Yehu í ni woo mu ibɔi kuwee ŋau koo so ibɔ ŋau wa ku na ku na woo tɔɔ Baali ŋau fei. Ŋɔi inɛɛu í fitaò ŋa wa.

Ezai 10:12

Waati iyi Aɔ̃ Lafɛ̃ɛ á na ku kpa irii icɛɛ iyi í nɛ ku ce si iri kutai Siɔ̃ɔ do Zeruzalɛmu fei, waati bɛɛbɛi á sãa ilaalui Asiri ilu faau iyi ilu ku cɔɛ kù sĩau mii iyi í ce.

Ezai 2:6

Aɔ̃ Lafɛ̃ɛ, ì fũsi inɛɛ ŋa awɔ aŋa iyi à jɛ tɔkui Zakɔbu ŋau, domi woo ce alisi ŋa iyi à naa hai nunui daakɔ ŋau à waa kɔ̃i bi tu ŋa. Woo ce dobu dobu ŋa à waa kɔ̃ bɛi bi inɛi Filisi ŋa. Nɔ à dĩ akabuu do dimi mmu ŋa.

Ezai 24:21

Waati bɛɛbɛ, Aɔ̃ Lafɛ̃ɛ á kpã gbugbãi lele ŋau ijui, nɔ si ilɛ ihɛ̃ mɔ, ku kpã ilaalui ilɛ ŋau iju.

Ezai 39:7

Aa mu ama inɛmɔkɔi awɔ takaɛ ŋa, amu ŋa iyi awɔ takaɛ ì bí, nɔ a koo a jɛ inɛmɔkɔ bantãm ŋa a maa ce icɛi aru si inɔ kabai ilaalui Babilɔni.

Abakuku 1:10

Inɛ ŋau à donda ilaalu ŋa, à ya maa yaako ilu ilɛ ŋa. Baa nŋa ci ya wa si do ile ku nɛ gbugbã ŋa. À ya cea ara nŋa timtim dii sãai nɔ a lɔ si ŋa a gba ŋa.

Wooda ku kɔsi 22:5

Inaabo kù nɛ ku dasi jĩnɛi inɛmɔkɔ, nɔ inɛmɔkɔ mɔ kù nɛ ku dasi jĩnɛi inaabo ŋa. Inɛ iyi wa ce mii dimi bɛɛbɛ fei, mii laalɔi wa ce bi Aɔ̃ Lafɛ̃ɛ nŋɛ.