Sofoni 1:7 - Bibeli do fee

⁷ I coko ŋa si wajui Aɔ̃ Lafɛ̃ɛ, domi ajɔ si bii á ce kiitiɛ í maai wa. Aɔ̃ Lafɛ̃ɛ í ce sɔɔlui kuwee, nɔ inɛ ŋa iyi í kpe ŋau, í jɔ̀ à maaju.

Sofoni 1:7 Iomraidhean Croise

Zɔɔbu 24:1

Na mii í ce Ilaaɔ̃ ilu gbugbã fei kù cica ajɔ ŋa si bii á ya ce kiitiɛ nɔ inɛ dee deeɛ ŋa a ya yɛ bɛi wa kiiti.

Iri ku kɔ̃ 46:10

Aɔ̃ Lafɛ̃ɛi í ya leekĩ igũ si andunya fei, nŋui í ya cɛ biooi igũ ŋa, nɔ í ya cɛ kaka ŋa. Í ya jɔ̀ ina ku jo sarɛti ku ce igũ ŋau.

Ezai 13:3

Inɛ ŋa iyi ǹ nya ikã ŋau, ǹ na ŋa wooda. Ǹ kpe woo ja igũm ŋau, aŋa iyi à ya wɛɛò inɔ didɔ̃ si igũ ku jɛm nɔu ku ba n nyisi idɔɔkɔ̃m.

Ezai 13:6

Na nŋu, i kpata i maa weeweaò ŋa, domi ajɔi Aɔ̃ Lafɛ̃ɛ í maai wa. Wa naai bɛi laalɔ iyi á ce nfei mii fei. Wa naai hai bi Aɔ̃ Lafɛ̃ɛ ilu gbugbã.

Ezai 2:12

Aɔ̃ Lafɛ̃ɛi lele do ilɛ fei í nɛ ajɔ iyi í jilɛ si bii á kiiti inɛ ŋa iyi à waa tamaa aŋa à la à re inɛ fei ku ba ku kaye ŋa.

Ezai 29:2

amu Aɔ̃ Lafɛ̃ɛ ǹ ni, an ce nfeɛi nɔ inɔ kufɔ do kuweeweai á naa siɛ, nɔ bi tom iluu á baa ku jɛi bɛi bi ku ce kuwee.

Ezai 34:5

Aɔ̃ Lafɛ̃ɛ í ni, ntɔ ntɔ, aa yɛ taakubam lelei Aɔ̃, nɔ á naa si inɛi Edɔmu ŋa. Á naai si zamaa iyi ǹ kiiti nɔ ǹ yɛ taaleɛ n ce nfeɛu.

Ezai 34:6

Njɛ í bii taakubai Aɔ̃ Lafɛ̃ɛu, nɔ ikpo í biiɛ. Njɛu í biiɛi bɛi njɛi angudã kombo ŋa do ti iwo kombo ŋa, do bɛi ikpoi kpaai angudã kombo ŋau. Á yɛi bɛi Aɔ̃ Lafɛ̃ɛ wa ce kuwee ilɛi Edɔmu si ilui Bɔsura. Waati bɛɛbɛ, nfe ku ce nla nlai á jɛ si ilɛi Edɔmu.

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Zeremi 46:10

Ajɔu bɛ, ajɔi Aɔ̃ Lafɛ̃ɛi. Ti Aɔ̃ Lafɛ̃ɛi lele do ilɛi, nɔ ajɔi gbese ku sãi si bii á sãa mbɛɛɛ ŋa gbese. Taakuba á jɛ inɛ ŋai hee ku yo. Njɛ nŋai á mɔ hee ku yo. Nɔ iyi bɛ kuwee iyi í jɛ ti Aɔ̃ Lafɛ̃ɛi, ti Aɔ̃ Lafɛ̃ɛi lele do ilɛ feii do ikpa awɔ njɛi kpãai inunu ikpa idoi Efarata.

Ezekiɛli 7:10

Ajɔi kiitiu wee í to wa. Nfe ku ce í maai wa. Gbugbã ku taa inɛ í wa bii fei, nɔ faau í ba gbugbã wa kɔ̃ɔsi.

Ezekiɛli 7:7

Iŋɛ inɛi ilɛi Izirɛli ŋau, awaatiu wa to wa. Ajɔi kiitiu í maai wa. Ajɔi zigiidai á jɛ. A kaa gbɔ anu ku dɔ̃i inɔ didɔ̃ si iri kuta ŋau má.

Zoɛli 1:15

Ajɔ kugaabu wa naa. Ajɔi Aɔ̃ Lafɛ̃ɛi. Asɔɔi wa naa ku ce, nɔ Ilaaɔ̃ ilu gbugbã feiui í jilɔɔ bɛɛbɛ.

Zoɛli 2:11

Aɔ̃ Lafɛ̃ɛ í ya jɔ̀ soogeɛ ŋa a gbɔ imuɛi do waju. Sooge ŋa iyi à waa ceò woodaɛ ŋa icɛ, à kpɔ nɔ à nɛ gbugbã. Ntɔ ntɔ, ajɔi Aɔ̃ Lafɛ̃ɛu, ajɔ kugaabui. Ajɔu í to njo nɔ inɛ kãma kaa yɔkɔ ku fita si.

Amɔsu 6:10

Bii inɛ iyi inɛɛ ŋa à kuu wa nya iku ŋau wa fitaò wa hai kpasɛ̃ bɛ, nɔ hee kɔkɔlɛ inɛ gɔ í kɔ̀ í wɛɛ njaawɛ, bii à beeɛ à ni, inɛ gɔ í wa bɛ má do awɔ? Á jɛi ku ni, aawo. Inɛ ihɔ̃ á ni, coko, domi kù jɛ awaati iyi aa kpe irii Aɔ̃ Lafɛ̃ɛ ihɛ̃.

Amɔsu 8:3

Amu Aɔ̃ Lafɛ̃ɛ ǹ ni, ajɔ nŋu bɛ, iri ŋa iyi aa maa kɔ̃ si kabai ilaalu fei, irii inɔ kufɔ ŋai á jɛ. Bii fei iku ŋai aa maa nyɔ. Nɔ ilu á maa cokoi.

Abakuku 2:20

Amma Aɔ̃ Lafɛ̃ɛ í wai lelei Aɔ̃ si kpasɛ̃ kumáɛ. Inɛi andunya fei ku coko si wajuɛ.

Sofoni 1:14

Ajɔ nlai Aɔ̃ Lafɛ̃ɛu í maai wa. Í maai wa, nɔ wa naai gbãa gbãa. Ibai ajɔi Aɔ̃ Lafɛ̃ɛu í jɔ̀ woo ja igũ wa dɔ̃ anu na zigiida.

Zakari 14:1

Iŋɛ inɛi Zeruzalɛmu ŋa, ajɔi Aɔ̃ Lafɛ̃ɛ í maai wa si bii inɛ ŋa aa ko amani nŋɛ ŋa a kpɔ̃ɔ si waju nŋɛ.

Zakari 2:13

Ijuukpãm á naa si ŋa, nɔ inɛ ŋa iyi à waa ce nŋa icɛu wo aa sinda a ko mii du ŋa ŋa. Nɔ Zakari í ni, bii ajɔu í to wa aa mà ŋa iyi Aɔ̃ Lafɛ̃ɛi lele do ilɛi í bɛm wa.

Matie 22:4

Nɔ í bɛ amaacɛ mmu gɔ ŋa má í ni, i koo i sɔ̃ inɛ ŋa iyi ǹ kpe ŋau i ni ǹ tã sɔɔlu. Kɛtɛ kombo ŋa do mɛɛmu ku nɛ ikpo gɔ ŋai ǹ kpa nɔ à ce icɛi fei ndɛɛ à tã, a naa wa bi ku ce abɔdɔ̃u.

Romu 3:19

Amma awa à mà iyi mii iyi wooda wa fɔ fei, inɛ ŋa iyi woodau í kãi wa fãa. Wooda í wɛɛi ku ba gɛlɛ kãma ku maà nɛ iyi á fɔ, nɔ inɛ fei ku mà iyi Ilaaɔ̃ wa yɛ taaleɛ.

Romu 9:20

Awɔ iyi ì waa fɔ bɛɛbɛ, yooi ì jɛ i bɛi i kakɔɔ Ilaaɔ̃. Caka á yɔkɔ ku bee woo ma ku ni, na mii í ce ì mam bɛ ihɛ̃?

Filipi 4:5

I jɔ̀ inɛ fei ku yɛ daa didɔ̃ nŋɛ ŋa, domi kunyii Lafɛ̃ɛ í maai wa.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Samuɛli 1, 16:5

Nɔ í ni, oo. Ǹ naa ku cea Aɔ̃ Lafɛ̃ɛ kuweei. I wɛ ku ba i má ŋa nɔ i naa wa do amu ajɔ káa ce kuweeu. Nɔ í sɔ̃ Izai do amaɛ ŋa mɔ í ni a wɛ ku ba a má a bɛi a naa bi kuweeu.

Samuɛli 1, 20:26

Ajɔ nŋu bɛ Saulu kù fɔ ide kãma, domi wa tamaa Davidi í ce ngɔgɔ iyi á jɔ̀ kú nɛ riisi nɔ kaa jɔ̀ ku jɛ jingauu.