Sofoni 1:6 - Bibeli do fee

⁶ Amu Aɔ̃ Lafɛ̃ɛ, an ce nfei inɛ ŋa iyi à sinda à toom anyi ŋaui, aŋa iyi a kù waa dɛdɛɛm nɔ a kù waa beem ide kãma ŋau.

Sofoni 1:6 Iomraidhean Croise

Samuɛli 2, 22:22

domi ǹ jirima woodaɛ ŋau, nɔ n kù sɛkɛɛ n kù jĩò Aɔ̃ Lafɛ̃ɛm na laalɔ ku cem.

Bomma 2, 15:13

Inɛ baa yooma iyi kù waa tɔɔ Aɔ̃ Lafɛ̃ɛi inɛi Izirɛli ŋau fei aa kpaai. Hai ilu are walakɔ ilu amani, hai inɛmɔkɔ walakɔ inaabo, aa kpaai.

Iri ku kɔ̃ 10:4

Ilu inɔ kukã í ya fɔi do yaako si idɔɛ ku maa ni, Ilaaɔ̃ ci ya kpã inɛ iju si nkãma. Ilaaɔ̃ kù wɛɛ.

Iri ku kɔ̃ 125:5

Amma inɛ ŋa iyi à waa nɛ si kpãa laalɔ do inɛ ŋa iyi à waa ce laalɔ fei, Aɔ̃ Lafɛ̃ɛ, jɔ̀ a ba ijuukpã. Jɔ̀ laakai ku sũ ku wɛɛ do inɛi Izirɛli ŋa.

Iri ku kɔ̃ 36:3

Faauɛ í ya jɔ̀ ci ya jɛsi kuraraɛ hee ku jɛa si taale ku nɛ si inɔ kufɔ nla nla.

Ezai 1:4

Iŋɛ inɛi Zudaa ŋau, inɔ kufɔi í jɛ tu ŋɛ iŋɛ ilu dulum ŋa. Laalɔi ì ya maa ce ŋa. Iŋɛ dimii woo ce laalɔ ŋai. Ama yaamɔi ì jɛ ŋa. Ì fũsi Aɔ̃ Lafɛ̃ɛ awɔ ŋa, ì donda Inɛ Kumái Izirɛliu, nɔ ì sinda ì toaa anyi ŋa.

Ezai 43:22

Aɔ̃ Lafɛ̃ɛ í ni, Zakɔbu, kù jɛ amui ì kpe. zamaai Izirɛli ì gbɛɛji do amui.

Ezai 9:12

Do yaase bɛɛbɛi Ilaaɔ̃ í kpã ŋaò iju, amma do nŋu fei, a kù sinda a kù nyi bi tɛɛ nŋu iyi í jɛ Aɔ̃ Lafɛ̃ɛi lele do ilɛ.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Zeremi 10:25

Nyisi idɔɔkɔ̃ɛ si dimi ŋa iyi a kù màɛ ŋau bɛ, do si dimi ŋa iyi a ci ya kpe iriɛ ŋau bɛ, domi aŋai à waa ce nfei inɛi Zakɔbu ŋau. À waa kpa ŋai, aa kpa ŋai mam mam. Aa jɔ̀ bi kuwa nŋau ku kpɔò bommai.

Zeremi 15:6

Ŋɔi Aɔ̃ Lafɛ̃ɛ í ni má, ì fũsim awɔ ì sinda ì nyi do anyi. Na nŋu, an yɔ awɔm wa siɛ nɔ n ce nfeɛ. N kaa n yɔkɔ n maa n mɔsi do araareɛ ku ce.

Zeremi 2:13

Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.

Zeremi 2:17

I kù yɛ iyi inɛ bɛ ŋa fei wa baɛi si na iyi í jɔ̀ ì fũsi Aɔ̃ Lafɛ̃ɛɛ awɔ si waati iyi í gbãɛ wa nɛòɛ si kpãa jiida?

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 3:20

Bii inɛ dee dee gɔ í jɔ̀ kpãa jiidaɛ nɔ í koo wa ce laalɔ, bii i kù niaa kai, an jɔ̀ ku koosɛi ku cuku, nɔ á kui si dulum dɛɛ ŋa. A kaa ye gigii baa mii jiida ŋa iyi í ce má. Amma ikuɛ á jɛ idei iriɛ.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Ozee 7:7

Aŋa fei à ya maa gbãai bɛi inai bi ku sɔ̃ pɛ̃ɛ, nɔ à ya ce nfei inɛ ngbo nŋa ŋaui. Ilaalu nŋa ŋau mɔ à ya maa cukui akã akã, nɔ kãma nŋa ci ya kpem.

Sofoni 3:2

Iluu ci ya gbɔ ide kãma, nɔ kù bi ikɔ kãma ku gba. Kù dasi naanɛɛ si Aɔ̃ Lafɛ̃ɛ, nɔ ci ya bɔ kɔkɔi Ilaaɔ̃ nŋu iyi í jɛ Lafɛ̃ɛɛ.

Romu 3:11

Inɛ gɔ kù wɛɛ iyi í nɛ bisi. Inɛ gɔ kù nɔ kù wɛɛ iyi wa dɛ Ilaaɔ̃.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Zozue 23:12

Bii ì sinda hai bi tɛɛ ì koo ì tɔtɔɔ ara nŋɛ do inɛ ŋa iyi à gbe si anini nŋɛ ŋau má ŋa, nɔ ì so ama inaabo nŋa ŋa iŋɛò ŋa ì tɔtɔɔ ŋa,

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.