Sofoni 1:5 - Bibeli do fee

⁵ Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Sofoni 1:5 Iomraidhean Croise

Ilaalu 1, 11:33

An ce bɛɛbɛi si na iyi í jɔ̀ inɛi Izirɛli ŋau à kɔ̀sim nɔ à waa tɔɔ Asitaate iwɛ̃i inɛi Sidɔ̃ɔ ŋau do Kemɔsi ti inɛi Moabu ŋa do Milikɔmu ti inɛi Amɔɔ ŋa. A kù too kpãa iyi ǹ nyisi ŋa nɔ a kù ce mii iyi í sĩam si. Ntɔ ntɔ a kù jirima woodam ŋa do ide ŋa iyi ǹ jilɛ nŋa bɛi Davidi baai Salomɔɔ í ce.

Ilaalu 1, 11:5

Ŋɔi Salomɔɔ wa tɔɔ Asitaate iwɛ̃i inɛi Sidɔ̃ɔ ŋa do Milikɔmu iwɛ̃ laalɔi inɛi Amɔɔ ŋau.

Ilaalu 1, 18:21

Ŋɔi Elii í sɛkɛɛ si zamaau nɔ í ni, hee waati yoomai aa jɔ̀ idɔ minji nŋɛ ŋa. Bii í jɛ ì yɔɔ iyi Aɔ̃ Lafɛ̃ɛi í jɛ ntɔ ŋa i tɔɔɛ, bii Baali mɔi i tɔɔɛ ŋa. Amma zamaau kù jɛaa ide kãma.

Ilaalu 2, 17:32

Inɛ ŋau à mà bɛɛrɛi Aɔ̃ Lafɛ̃ɛ à waa tɔɔɛ. Amma do nŋu fei à cica inɛ gɔ ŋa má si inɔ nŋa à jɛ woo wee ŋa iyi aa ya ce nŋa kuwee ŋa bi kuwee ŋa iyi à wa si antaii iri kuta ŋau.

Ilaalu 2, 17:33

Bɛɛbɛi à waa tɔɔ Aɔ̃ Lafɛ̃ɛ à tɔtɔɔ à waa tɔɔò iwɛ̃ nŋa ŋa bɛi à ya ce si dedembai ilɛ hai bii à mu ŋa wa.

Ilaalu 2, 17:41

À waa tɔɔ Aɔ̃ Lafɛ̃ɛ nɔ à tɔtɔɔ à waa tɔɔò iwɛ̃ nŋa ŋau mɔ. Nɔ ama nŋa ŋa do tɔku nŋa ŋa à na à waa coo hee ku baa nnyi.

Ilaalu 2, 23:12

Si anyiɛ nɔ í lɛgɛ bi kuwee ŋa iyi ilaalui Zudaa ŋa à ma si antaii ile sikifai Ahazi do bi kuwee ŋa iyi Manasee í ma si bantuma minjii kpasɛ̃i Aɔ̃ Lafɛ̃ɛ ŋau. Iyi í lɛgɛ ŋa í tã ŋɔi í ko buubuu nŋa í koo kosi lɔɔmai Sedorɔ̃ɔ.

Ezai 22:1

Idei ijuukpã iyi á na ku naa si lɔɔma iyi waliiu í ce kuyɛɛ wee. Awɔ Zeruzalɛmu, na mii í jɔ̀ zamaaɛ fei í gũ antaii ile sikifa ŋa.

Ezai 44:5

Nɔ inɛ ihɛ̃ á ni, ti Aɔ̃ Lafɛ̃ɛi ǹ jɛ. Inɛ mmu gɔ mɔ á bi a maa kpe nŋu do irii Zakɔbu. Inɛ mmu gɔ mɔ á kɔ si awɔɛ ku ni, ti Aɔ̃ Lafɛ̃ɛ, nɔ irii Izirɛlii aa naa.

Ezai 45:23

Nɔ Aɔ̃ Lafɛ̃ɛ í nyi í ni má, ǹ gbasi do irii amu takam, ide iyi í jɛ dee deei í ya fita hai si gɛlɛm. Nɔ ide iyi í fita wa hai si gɛlɛm kaa kpaasi má. Ilugũ fei á gulɛi si wajum, nɔ gɛlɛ fei á ya ce kugbasii do irim.

Ezai 48:1

I sotĩ i gbɔ ŋa iŋɛ inɛi kpasɛ̃i Zakɔbu ŋa, iŋɛ iyi à waa kpe Izirɛli, nɔ ì fita wa hai si dimii Zudaa ŋa, iŋɛ iyi ì ya ce kugbasi do irii Aɔ̃ Lafɛ̃ɛ nɔ ì ya maa kpe irii Ilaaɔ̃ Lafɛ̃ɛi Izirɛli ŋa, amma i kù waa coo do jirima ŋa hee má jɛ do dee dee ku jɛ.

Zeremi 12:16

Inɛ ŋau à kɔ inɛm ŋa kugbasi ku ce do irii iwɛ̃ iyi à ya kpe Baali. Amma ntɔ ntɔ, bii à mà isɛɛnɛ bɛi inɛ iyi í jɛ inɛm í nɛ ku ce, bii à waa ce kugbasi à waa ni, ǹ wa n gbasi do irii Aɔ̃ Lafɛ̃ɛ iyi í wɛɛ, waati bɛɛbɛi aŋa mɔ aa ba a buba si inɔi inɛm ŋa.

Zeremi 19:13

Kpasɛ̃i Zeruzalɛmu ŋa do kpasɛ̃i ilaalui Zudaa ŋa aa baa a jɛ inya riisi bɛi inyai Tofɛti. Ntɔ ntɔ mii iyi á ba inɛ ŋa iyi à wa si antaii lelei ile ŋa tengi bii inɛ ŋa à ya jo tuae ku dɔ̃ inunu na irii leleaɔ̃ ŋa, do bii à ya cea iwɛ̃ ŋa kuweei atɛ̃ vɛ̃ɛ ŋau mbɛ.

Zeremi 32:29

Inɛi Kaladee ŋa iyi aa naa si iluu aa lɔ wai, nɔ aa dasi iluu inai a joo do ile ŋa iyi si antai nŋa à ya cea iwɛ̃ iyi à ya kpe Baaliu kuwee do tuae, nɔ à ya nyi a cea iwɛ̃ mmu gɔ ŋa kuwee do atɛ̃ vɛ̃ɛ má a dedeò idɔɔkɔ̃m.

Zeremi 4:2

Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.

Zeremi 49:1

Ide iyi Aɔ̃ Lafɛ̃ɛ í fɔ si gãmɛi inɛi Amɔɔ ŋa wee. Í ni, Izirɛli kù nɛ ama inɛmɔkɔ? Kù nɛ woo jɛ tubu gɔ má? Bɛirei í ce iwɛ̃ iyi à ya kpe Milikɔmu í gba ilɛi Gadiu. Bɛirei í ce inɛi Amɔɔ ŋa à gba ilɛi inɛi Izirɛli ŋau à buba si.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Zeremi 7:10

Si anyiɛ, ì ya naa si wajum ŋai si inɔ ileu ihɛ̃ iyi à nya ikã í jɛ titom, nɔ ì ya maa ni ŋa, à faaba wa. Nɔ si anyiɛ ì ya koo i maa mɔsi do laalɔ ŋau bɛ fei ku ce má ŋai.

Zeremi 7:9

Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Zeremi 8:2

Aa tɛ ŋai si inunu do cukpa do leleaɔ̃ ŋa iyi aŋa taka nŋa à bi nɔ à ya maa tɔɔ ŋau. Aŋaò ŋa à nɛ anu akã. À ya maa dɛdɛ ŋa, nɔ à ya maa sɛɛbata si waju nŋa. A kaa tɔtɔɔ kũkũ nŋa ŋau, a kaa si ŋa. Taasii ilɛi aa baa a jɛ.

Ozee 10:2

Inɛi Izirɛli ŋau a kù leekĩ do Ilaaɔ̃ nŋu akã. Amma bɛbɛi, aŋa mɔ aa ŋɔ gasaɛ. Aɔ̃ Lafɛ̃ɛ takaɛi á lɛgɛ bi kuwee nŋa ŋau, nɔ nŋui á kɛkɛ kuta nŋa ŋa iyi à gũu.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Amɔsu 5:26

Amma nsɛi ì ce iwɛ̃ Sakutu nɔ ì waa cɔɔ bɛi ilaalu nŋɛ. Ì ce Kiyonu mɔ ŋa iyi ì waa cɔ bɛi leleaɔ̃ nŋɛ. Nɔ aŋai ì waa tɔɔ ŋa.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Woo bɛ ŋa 10:9

Iju kumáɛ zakai dasã à wa si kpãau nɔ à maai si iluu. Waati bɛɛbɛ í ko Piɛɛ í gũ antaii ile sikifa wa ce kutɔɔ.

Romu 14:11

Ajɔ nŋui kukɔi idei Ilaaɔ̃u ihɛ̃ á kɔ̃ tengi bii í ni, Aɔ̃ Lafɛ̃ɛ í ni, ǹ gbasi do kuwɛɛm fei, inɛ fei á na ku gulɛ si wajum. Nɔ inɛ fei ku saabum do gɛlɛɛ.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 4:19

I ce laakai ŋa waati iyi ì wu iju lelei Aɔ̃, bii ì yɛ inunu do cukpa do leleaɔ̃ ŋa hee do mii ŋa iyi à wa lele bɛ fei, i maà ti i gulɛ i tɔɔ ŋa. Mii ŋau bɛ, mii ŋa iyi Aɔ̃ Lafɛ̃ɛ í cea zamaa fei ikpɛ̃ɛ mbɛ si ilɛ ihɛ̃.

Zozue 23:7

I maà tɔtɔɔ ara nŋɛ do dimi mmu ŋa iyi à gbe si anini nŋɛ ŋau, i maà ce kutɔɔ do irii iwɛ̃ nŋa ŋa, nɔ i maà ya ce kugbasi do irii iwɛ̃ nŋa ŋau, nɔ i maà ya gulɛ i tɔɔ ŋa ŋa.