Sofoni 1:4 - Bibeli do fee

⁴ Aɔ̃ Lafɛ̃ɛ í ni, an naaò ijuukpã wai si inɛi Zudaa ŋa do si inɛi Zeruzalɛmu ŋau fei. An nya mii iyi í gbe si inyau ihɛ̃ fei iyi í jɛ ti iwɛ̃ iyi à ya kpe Baaliui. Nɔ baa inɛ kãma kaa maa ye gigii woo weei Baali ŋau má.

Sofoni 1:4 Iomraidhean Croise

Ilaalu 2, 21:13

An ce nfei Zeruzalɛmu bɛi ǹ ce nfei Samari do nyaanzei Akabu ŋau. An jɔ̀ a ko inɛɛ ŋa fei, nɔ iluu á yɛi bɛi jɛɛ iyi à wiɛ nɔ à bii ijuɛ.

Ilaalu 2, 23:12

Si anyiɛ nɔ í lɛgɛ bi kuwee ŋa iyi ilaalui Zudaa ŋa à ma si antaii ile sikifai Ahazi do bi kuwee ŋa iyi Manasee í ma si bantuma minjii kpasɛ̃i Aɔ̃ Lafɛ̃ɛ ŋau. Iyi í lɛgɛ ŋa í tã ŋɔi í ko buubuu nŋa í koo kosi lɔɔmai Sedorɔ̃ɔ.

Bomma 2, 34:4

Ŋɔi à lɛgɛ bi kuweea iwɛ̃ Baali ŋau si wajuɛ do bi ku jo tuae ŋa iyi à wa si antaiɛu. À da jĩi ŋa iyi à gũa iwɛ̃ Asera hee do iwɛ̃ dimi ikã ikã iyi í gbe fei. Ŋɔi à nya fufu nŋa à so à kosi balɛi inɛ ŋa iyi à ya maa ce nŋa kuwee ŋau wo.

Kufita 15:12

Iyi í tɛ awɔ njɛɛ ilɛ í mi ŋa.

Zeremi 15:6

Ŋɔi Aɔ̃ Lafɛ̃ɛ í ni má, ì fũsim awɔ ì sinda ì nyi do anyi. Na nŋu, an yɔ awɔm wa siɛ nɔ n ce nfeɛ. N kaa n yɔkɔ n maa n mɔsi do araareɛ ku ce.

Zeremi 6:12

Kpasɛ̃ nŋa ŋau do iko nŋa ŋa do abo nŋa ŋa aa baa a jɛ ti inɛ mmu ŋai waati iyi an le si inɛi ilɛ ŋau awɔ. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 25:7

an so ŋɛi n daa inɛi ilɛ mmu ŋa si awɔ, nɔ a ko mii ndu nŋɛ ŋa fei. An kpa irii dimi nŋɛi n nya ŋɛ hai si ilɛ nŋɛ nɔ n ce nfe nŋɛ mam mam. Do yaase bɛɛbɛ, aa mà ŋa iyi amui ǹ jɛ Aɔ̃ Lafɛ̃ɛ.

Ezekiɛli 6:14

An jɔ̀ gbugbãm ku naa si ŋa. An ce nfei ilɛui nɔ n kpa inɛɛ ŋa tengi bii à wa fei hai bi gbaa iyi í wa awɔ cangai kpãai inunu hee ku bɔ ilui Ribula ikpa awɔ njɛi kpãai inunu. Do yaase bɛɛbɛ, aa mà iyi amui ǹ jɛ Aɔ̃ Lafɛ̃ɛ.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Misee 5:13

An tu jĩi ŋa iyi i gũ ŋa na iwɛ̃ nŋɛ iyi à ya kpe Aseraui nɔ an lɛgɛ ilu nŋɛ ŋaui.

Sofoni 2:11

Zigi nŋa á da si Aɔ̃ Lafɛ̃ɛ. Aɔ̃ Lafɛ̃ɛ á ce nfei iwɛ̃ ŋa iyi à wa si andunyau fei. Inɛi gũngũm ŋau fei aa sɛɛbata si wajuɛ. Aŋa fei aa sɛɛbatai si ilɛ nŋa ŋa bɛ.

Sofoni 2:13

Aɔ̃ Lafɛ̃ɛ á jɔ̀ ijuukpã ku naai si inɛi awɔ njɛi kpãai inunu ŋau, nɔ á jɔ̀ ilɛi Asiri ku ce nfei. Á jɔ̀ ilui Ninivu ku baa ku kpɔò bommai. Ilɛɛ á gbɛi bɛi gbaa.