Sofoni 1:3 - Bibeli do fee

³ An kpa amanɛ ŋai do mɛɛmu ŋa. An kpa yɛi ŋai hee do cɛ̃ɛ ŋa fei. An kpa inɛ laalɔ ŋai hee do icɛ nŋa ŋa iyi wa naaò isɛ ku ko wau fei. N kaa n jɔ̀ inɛ kãma si andunya ihɛ̃.

Sofoni 1:3 Iomraidhean Croise

Kusintii Andunya 6:7

Nɔ í ni, an kpa irii mii iyi ǹ taka fei si andunyau ihɛ̃i. Hai amanɛ do mɛɛmu ŋa do iŋa hai nɛ nto ŋa hee do yɛi ŋa fei an kpa ŋai domi inɔm í ya maa fɔi do iyi ǹ takaò mii ŋau bɛ fei.

Ezai 27:9

Do yaase bɛɛbɛi í kpaò kurarai dimii Zakɔbu. Mii iyi suurui dulum iyi à ceau á bí wee. Aa lɛgɛ kuta ŋa iyi à ceò bi kuweeu feii hee a nya fufu nŋa. Nɔ inɛ kaa yɛ jĩi ŋa iyi à gũ na iwɛ̃ Asera ŋau a maa leekĩ má, nɔ bi ku jo tuae ŋau mɔ a kaa maa leekĩ má.

Ezai 6:11

Ŋɔi ǹ bee ǹ ni, hee waati yooma Aɔ̃ Lafɛ̃ɛ. Nɔ í jɛɛm í ni, hee bii à ce nfei ilu ŋau nɔ zamaa kãma kù wa si, nɔ inɛ kãma kù gbe si kpasɛ̃ ŋau hee ilɛu ku baa ku kpɔò bomma.

Ezai 6:12

Aɔ̃ Lafɛ̃ɛ á lele zamaai ilɛu, nɔ ilɛu ku gbe ngbɛ.

Zeremi 12:4

Hee waati yoomai ilɛu á maa wa si kukpatai akũ, nɔ jĩi do fɔfɔ tũtũ fei ku gbɛ. Na irii inɔ kukãi inɛi ilɛ ŋau, mɛɛmu do yɛi ŋa fei aa tãi, domi à ya maa ni, kaa yɔkɔ ku fɔ mii iyi á na ku ba wa.

Zeremi 50:3

Dimi gɔi í dede wa naa siɛ igũ wa hai do ikpa awɔ njɛi kpãai inunu, nɔ dimiu á lɛgɛ ilɛui hee ku baa ku kpɔò bomma. Inɛ kãma kaa gbe si ilɛu má. Hai amanɛ ŋa hee do mɛɛmu ŋa fei aa sai.

Zeremi 7:20

Na nŋu, amu Aɔ̃ Lafɛ̃ɛ ǹ ni, an jɔ̀ idɔɔkɔ̃ nlam ku naa si inyau, do si inɛ ŋa do si mɛɛmu ŋa do si jĩi ndii iko ŋa do si amaajɛi ilɛ ŋau. Á yɛi bɛi ina iyi á maa jo nɔ kaa ku.

Zeremi 9:10

Aɔ̃ Lafɛ̃ɛ í ni, an jɔ̀ Zeruzalɛmu ku kpɔò bommai, nɔ ku baa ku jɛ bi kuwai ajaako ŋa. Nɔ an jɔ̀ ilui Zudaa ŋau a baa a kpɔò bomma, nɔ inɛ kãma kaa wa bɛ má.

Ezekiɛli 44:12

Amma si bɛi aŋa inɛi Levii ŋau à tɔɔ iwɛ̃ ŋa nɔ à jɛa inɛi Izirɛli ŋa bi ku koosɛ na kurara nŋau, amu Aɔ̃ Lafɛ̃ɛ ǹ wa n fɔi do kugbasi iyi aŋai aa so asoi kurara nŋau.

Ezekiɛli 7:19

Aa nyɔ isɔ fũfũ nŋa ŋa si kpãa ŋa. Wura nŋa ŋa aa baa a jɛ mii riisi. Wura nŋa do isɔ fũfũ nŋa ŋau a kaa yɔkɔ a nya ŋa si ajɔi idɔɔkɔ̃i Aɔ̃ Lafɛ̃ɛu. A kaa ba mii iyi aa jɛ a yo, nɔ binɛi mii ŋa iyi à nɛ kaa to ŋa, domi isɔ fũfũ do wura nŋa ŋaui à jɛ icui dulum du ŋa ŋau.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Ozee 14:8

Inɛ ŋa iyi à ya maa buba si jĩjĩɛ ŋau, aa sinda a baai. Aa ya nyi a gbɛ̃ bilee ŋa má, nɔ kuwɛɛ nŋa á maa bɔ wajui bɛi jĩi ndii rezɛ̃ɛ. Iri nŋa á bɔ bii feii bɛi ti vɛ̃ɛi Libãa.

Ozee 4:3

Na nŋu, ilɛu si inɔ kufɔi ikui á wa si. Inɛ ŋa iyi à wa si ilɛu fei aa gbɛi aŋa do mɛɛmui sako ŋau do yɛi ŋa. Baa cɛ̃ɛi inɔ tenku ŋa aa kpa irii mam mam.

Zakari 13:2

Aɔ̃ Lafɛ̃ɛi lele do ilɛ í ni, an nya iwɛ̃ ŋau hai si ilɛu nɔ inɛ gɔ kaa ye gigi nŋa má hee a maà kpe iri nŋa. An nya walii ilu ibo ŋau mɔ nɔ n nya lasabu sãmi hai si idɔ nŋa.

Matie 13:41

Amu Amai Amanɛ, an bɛ amalekam ŋa wa a na a nya inɛ ŋa iyi à waa dasi inɛ ŋa kurara do woo ce laalɔ ŋau a tekĩò ŋa hai tengi bii an na n jɛ bommam,

Matie 23:39

Ntɔ ntɔ ǹ wa n sɔ̃ ŋɛi, hai nsɛi i kaa yɛm má ŋa í gbe hee ajɔ iyi aa ni ŋa, Ilaaɔ̃ ku weea inɛ iyi wa naa do irii Lafɛ̃ɛ.

Kuyɛi Zãa 2:14

Amma mii iyi ǹ yɛ si ŋɛ wee. Inɛ gɔ ŋa à wa si inɔ nŋɛ iyi à waa too si ikɔi Balamu. Balamu í tako í sɔ̃ Balaki bɛi á ce ku dasi inɛi Izirɛli ŋa kurara ku ba a ŋɔ iŋa iyi à ceaò iwɛ̃ ŋa kuwee, nɔ a ce sɛ̃ɛ ku tɔtɔɔ hai nɛ yaase.