Sofoni 1:16 - Bibeli do fee

¹⁶ Ajɔu, ajɔ si bii kuu á dɔ̃ anui. Ajɔ si bii aa dɔ̃ anui igũ si gãmɛi ilu ku nɛ gbugbã ŋaui, do si gãmɛi ile kugboka ŋa iyi à wa si gontai bindii ilu nla ŋau.

Sofoni 1:16 Iomraidhean Croise

Ezai 27:13

Waati bɛɛbɛ, kuu nla nla gɔi aa fã. Waati nŋui inɛ ŋa iyi à mu à nɛò ilɛi Asiri ŋau do inɛ ŋa iyi à fangaa si ilɛi Ezibitiu aa baa. Aŋa fei aa sɛɛbatai si wajui Aɔ̃ Lafɛ̃ɛ si iri kuta kumái Zeruzalɛmuu.

Ezai 32:14

Waati bɛɛbɛ, aa sa a nyɔ kabai ilaaluui, nɔ ilu bii à ya maa gbɔ anu ku dɔ̃i inɔ didɔ̃u, aa sa a nyɔɔi. Cingaa akãi iluu iyi à ya kpe Ofɛli, do ile kugboka ku nɛ gbugbãu, aa baa a gbe ngbɛ. Tengi bɛi sɛnga ŋa aa ya maa wa, nɔ tengi bɛi á jɛ bi kujɛi mɛɛmu gaa ŋa.

Ezai 59:10

À ya ka nɛi ka maa baabaaò inya bɛi fɛɛju iyi í wa kɔkɔi idĩ. Nɔ à ya ka maa sikai si isɛɛnɛ nwa bɛi inɛ iyi kù waa yɛ bii wa bɔ. À ya ka maa koosɛi baa si dasã nkpa bɛi inɛ iyi wa nɛ idũ si ilu kuku nla nla. À waa nɛ baani, amma a kù tia iku ŋa.

Zeremi 6:1

I sa hai inɔ ilu Zeruzalɛmu ŋa, iŋɛ inɛi Bɛnzamɛɛ ŋa. I fã kuu ilui Tekoa ŋa. I wu nyinda gɔ ilui Bɛti-Kerɛmu ŋa, domi laalɔ wa naa hai do awɔ njɛi kpãai inunu wa do nfe ku ce nla nla.

Zeremi 8:16

Mbɛɛ í wa do ikpa Dãa tã, nɔ à waa gbɔ anu ku dɔ̃i acĩɛ ŋa. Anu ku dɔ̃i acĩ ŋau í jɔ̀ ilɛu fei wa yaya. À nɛ à waa naa, à waa ce nfei ilɛu hee do mii iyi í wa si fei, hai iluu hee do inɛi ilu ŋau fei.

Ezekiɛli 7:7

Iŋɛ inɛi ilɛi Izirɛli ŋau, awaatiu wa to wa. Ajɔi kiitiu í maai wa. Ajɔi zigiidai á jɛ. A kaa gbɔ anu ku dɔ̃i inɔ didɔ̃ si iri kuta ŋau má.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 8:1

Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Zoɛli 2:1

I fã kuu si ilui Siɔ̃ɔ ŋa. I dɔ̃ anu ŋa si iri kuta kumám nɔu. Iŋɛ inɛi ilɛ ŋau fei, i yaya ŋa domi ajɔi Aɔ̃ Lafɛ̃ɛ wa naa, nɔ ajɔu í maai wa.

Amɔsu 3:6

Ntɔ ntɔ aa fã kuu si inɔ ilu iyi zigii inɛ ŋa kù da? Wahala gɔ á naa si inɔ ilu iyi kù jɛ Aɔ̃ Lafɛ̃ɛi í jɛ icuɛ?

Abakuku 3:6

Nŋui í dede í wã ilɛ, í cɔ inɛi andunya ŋa nɔ í jɔ̀ zigi nŋa í da. Iri kuta ŋa iyi à wɛɛ hai ku kpɛ, à lɛgɛ. Geete ŋa iyi à wɛɛ hai ku kpɛ iyi à jɛ kpãa bii í ya too wo, à yɔ.

Wooda ku kɔsi 28:52

Aa bu ŋɛ koei si ilu ŋa iyi aa wa si ilɛ iyi Aɔ̃ Lafɛ̃ɛ nŋɛ á muu nŋɛu fei. Aa jɛ ŋɛ igũi hee idĩ kugboka iyi í nɛ gbugbã tengi bii ì tamaa aa ba i koo i manji ŋau a cuku.

Zozue 6:20

Ŋɔi inɛ ŋau à dɔ̃ anu, nɔ woo wee ŋa à fã kuu ŋau. Iyi inɛ ŋau à gbɔ à fã kuu ŋau gbakã, ŋɔi aŋa fei à dɔ̃ anu hee lele, nɔ bindii iluu í cuku, nɔ à dasi inɔ iluu a ce igũ. Inɛ fei í so kpãaɛi í nɛ wa cɔò wajuɛ suusuu nɔ à gba iluu.