Sofoni 1:12 - Bibeli do fee

¹² Waati bɛɛbɛ, an wusɛ ilui Zeruzalɛmui do fitila ŋa, nɔ n kpã inɛ ŋa iyi à wɛɛ sɛ̃ɛ ŋau iju, aŋa iyi à fɔ à waa ni, Aɔ̃ Lafɛ̃ɛ ci ya ce jiida, ci ya nɔ ku ce laalɔ.

Sofoni 1:12 Iomraidhean Croise

Zɔɔbu 21:15

Mii Ilaaɔ̃ ilu gbugbã feiu í jɛ hee ka maa jɛ madĩɛ ŋa. Bii à waa tɔɔɛ, mii aa ka ba si.

Iri ku kɔ̃ 10:4

Ilu inɔ kukã í ya fɔi do yaako si idɔɛ ku maa ni, Ilaaɔ̃ ci ya kpã inɛ iju si nkãma. Ilaaɔ̃ kù wɛɛ.

Iri ku kɔ̃ 14:1

Iriu ihɛ̃ ti inɛ ngboi woo kɔ̃ iri ŋai do Davidi. Nnyɛi í ya fɔi si idɔɛ ku ni, Ilaaɔ̃ kù wɛɛ. Inɛ dimi bɛɛbɛ ŋa à bɛjɛi. Aŋa fei laalɔi à waa ce. Inɛ kãma kù wɛɛ iyi wa ce jiida.

Iri ku kɔ̃ 94:7

Nɔ à waa ni, Aɔ̃ Lafɛ̃ɛ kù waa yɛ nkãma. Ilaaɔ̃ Lafɛ̃ɛi Zakɔbu kù waa ce laakaii nkãma.

Ezai 5:19

Aŋai à ya maa ni, gbãa gbãai à bi ka yɛ mii iyi Aɔ̃ Lafɛ̃ɛ í nɛ ku ce. Sɔɔlui mii ŋa iyi Inɛ Kumái Izirɛliu í ce í jilɛ, ku coo ńya ńya ku ba ka yɔɔ.

Zeremi 10:5

Iwɛ̃ ŋau à yɛi bɛi ama dekĩ ŋa iyi à ya ce si iko a leleò yɛi ŋa. Iwɛ̃ ŋau a ci ya fɔ ide, nɔ à ya maa so ŋai, domi a kaa yɔkɔ a wu baa isɛ akã. Na nŋu, i maà ce njo nŋa ŋa, domi a kaa yɔkɔ a ce nŋɛ laalɔ kãma. Nɔ bɛɛbɛ mɔi a kaa yɔkɔ a ce mii jiida kãma.

Zeremi 48:11

Moabu í wɛɛi wo sɛ̃ɛ hai waatii awaasũɛ. Wa sĩmiɛi bɛi fokoi inyi. A kù sindaɛ bɛi à ya sinda ngɔgɔ hai si kaale. Nɔ inɛ kãma kù mu kù nɛòɛ ilɛ mmu gɔ. Didɔ̃ɛ do inunuɛ kãma kù kpaasi.

Ezekiɛli 8:12

Ŋɔi í ni, ì waa yɛ mii iyi inɛ ngboi Izirɛli ŋau à waa ce si asii? Inɛ baa yooma nŋa fei í wai si wajui mii iyi í jɔ iwɛ̃ɛ. Nɔ à ya fɔi a maa ni, Aɔ̃ Lafɛ̃ɛ kù waa yɛ wa. Í fũsi ilɛu awɔi.

Ezekiɛli 9:4

Aɔ̃ Lafɛ̃ɛ í sɔ̃ɔ í ni, lɔ inɔ ilu Zeruzalɛmu, ce nyinda gɔ si ikpoi inɛ ŋa iyi à waa wahala nɔ à waa kakaa na laalɔ ŋa iyi inɛ ŋa à waa ceu.

Ezekiɛli 9:9

Ŋɔi Aɔ̃ Lafɛ̃ɛ í ni, dulum dii inɛi Izirɛli ŋa do inɛi Zudaa ŋau í la hee í caa. Ilɛu í kɔ̃ do njɛ ku nikã nɔ iluu í kɔ̃ do laalɔ. Nɔ à fɔ à waa ni, Aɔ̃ Lafɛ̃ɛ í fũsi ilɛu awɔ nɔ kù waa yɛ nkãma.

Amɔsu 6:1

Iŋɛ ilu inɔ kufɔ ŋai iŋɛ iyi ì wa Siɔ̃ɔ do laakai ku sũ ŋa, do iŋɛ mɔ iyi ì wɛɛò laakai ku sũ si iri kutai Samari, iŋɛ iyi ì jɛ inɛ nla ŋa, nɔ ilɛ nŋɛi wa jɛ iri si ilɛ ŋa, iŋɛ iyi inɛi Izirɛli ŋau à waa naa bi tu ŋɛ.

Abudiasi 1:6

Amma iŋɛ tɔkui Esau ŋa, mbɛɛ nŋɛ ŋa aa ko amani nŋɛ feii baa do iyi wa singa fei.

Malasi 2:17

Ì jɔ̀ Aɔ̃ Lafɛ̃ɛ wa gbɛɛji ŋa na ide ku fɔ nŋɛ. Nɔ ì waa ni ŋa, si iwoi à gbɛɛjiɛ. Waati iyi ì fɔ ì waa ni ŋa, inɛ iyi wa ce laalɔ, nŋui Aɔ̃ Lafɛ̃ɛ í ya cɔ do iju jiida. Si inɛ dimi bɛɛbɛi inɔ didɔ̃i Aɔ̃ Lafɛ̃ɛ í ya wa. Nɔ ì ya nyi i ni má ŋa, hee iwoi Ilaaɔ̃ iyi í ya ce kiiti dee deeu í wa.

Piɛɛ 2, 3:4

a maa ni, Kirisi í ce kuwã í ni nŋu á nyi wa, mà iboi. To, iwoi í wa. Kù waa nyi wa má, domi hai waati iyi bala nwa ŋa à ku, mii fei í wɛɛi bɛi hai sintei andunya ku taka.

Kuyɛi Zãa 2:23

Si anyiɛ an kpa inɛi anyiɛ ŋa. Waati bɛɛbɛ igbɛi inɛi Jesu ŋa fei aa mà iyi ǹ mà idɔi inɛ ŋa do lasabu nŋa. An sãa inɛ fei si bɛi kookoosuɛ í to.