Sofoni 1:11 - Bibeli do fee

¹¹ Iŋɛ inɛi Makutɛsi ŋa lawɛ akãi ilui Zeruzalɛmu i dɔ̃ anu ŋa, domi woo nya sĩa ŋau fei aa kui. Inɛ ŋa iyi à ya maa ce wũaai isɔ fũfũ ŋau fei, aa kpa ŋai.

Sofoni 1:11 Iomraidhean Croise

Zɔɔbu 27:16

Bii í tɔtɔɔ fia bɛi sãa nɔ í tɔtɔɔ jĩnɛ tunka bɛi pɔkɔdɔ,

Zɔɔbu 27:17

inɛ dee dee gɔi á na ku dasi jĩnɛ ŋau, inɛ gɔ iyi kù nɛ taalei á ba fiau ndɛɛ.

Zeremi 25:34

I kɔ̃ irii inɔ kufɔ nɔ i dɔ̃ anu ŋa, iŋɛ woo gbãi zamaa ŋau. I sũ i bimbili ilɛ ŋa, iŋɛ woo degbe ŋau, domi waati iyi aa saka ŋɛi í to wa bɛ. Aa cuku ŋai nɔ i lɛgɛ bɛi jɛɛ ilu bɛɛrɛ ŋa.

Zeremi 4:8

Na nŋu, i bii ara nŋɛ do saaki, i kpata nɔ i ŋɔ inyí ŋa, domi idɔɔkɔ̃ nla nlai Aɔ̃ Lafɛ̃ɛu kaa jɔ̀ wa.

Ezekiɛli 21:12

Inɛ ŋa aa beeɛ a ni, na mii í jɔ̀ ì waa kakaa. Aa jɛ nŋa i ni, laabaau laalɔ gɔi ǹ gbɔ iyi á na ku ce. Inɛ ŋa aa wɛɛò inɔ kufɔ nɔ a kua gbugbã. Ilu wɔɔkɔ ŋa aa kua gbugbã, nɔ ilugũ ŋa a kua gbugbã. Mii iyi Aɔ̃ Lafɛ̃ɛ í ni á ceu nŋui í sinti bɛ tã.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zoɛli 1:5

I jĩ hai si iri njoo ŋa iŋɛ iyi atɛ̃ wa kpa, nɔ i kpata ŋa. Iŋɛ fei i weewea ŋa, iŋɛ woo mɔ vɛ̃ɛ ŋau, si na iyi í jɔ̀ à nya inyii isoi rezɛ̃ɛu hai si gɛlɛ nŋɛ.

Sofoni 2:5

Inɔ kufɔi á jɛ ti iŋɛ inɛi Kerɛti ŋa iyi ì wa itĩ tenkuu. Aɔ̃ Lafɛ̃ɛ wa yɛ taale nŋɛ si ide ku fɔɛ. Aɔ̃ Lafɛ̃ɛ í ni, Kanaã ilɛi inɛi Filisi ŋau, an ce nfeɛi. Inɛ kãma kaa wa si ilɛɛu má.

Zakari 14:21

Caka ŋa iyi à wa Zeruzalɛmu do Zudaa fei ti Aɔ̃ Lafɛ̃ɛi lele do ilɛi aa jɛ. Inɛ ŋa iyi aa naa kuwee ku ce aa ya so caka ŋaui a tɛkɛò iŋai kuwee nŋa. Bii waati nŋu í to wa, woo nya sĩa ŋa a kaa wa inɔ kpasɛ̃i Aɔ̃ Lafɛ̃ɛ a maa ta iwo má.

Laabaau jiida iyi Zãa í kɔ 2:16

Nɔ í sɔ̃ woo ta ankasiidi ŋau í ni, i fitaò mii ŋau bɛ hai ihɛ̃. I maà sinda kpasɛ̃i Baam ajà nŋɛ.

Zaaki 5:1

Nsɛi, iŋɛ ilu fia ŋa, i gbɔ iyi ǹ wa n sɔ̃ ŋɛ. I kpata i cã kpokpo ŋa na wahala ŋa iyi aa naa si ŋɛ.