Sofoni 1:10 - Bibeli do fee

¹⁰ Aɔ̃ Lafɛ̃ɛ í ni, ajɔ nŋu bɛ, aa maa gbɔ anu ku dɔ̃ ŋai hai anu koofai cɛ̃ɛ ŋau, do anu ku dɔ̃ ŋa má ikpa ice titɔ̃i iluu, do iba nla nla ikpa iri kuta ŋau.

Sofoni 1:10 Iomraidhean Croise

Samuɛli 2, 5:7

Amma Davidi í gba ilui Zeruzalɛmu waatɔ iri kutai Siɔ̃ɔ iyi à na à kpe ilui Davidiu.

Samuɛli 2, 5:9

Davidi í koo í buba si iri kutau nɔ í sɔɔ ilui Davidi. Nɔ í ma bindi hai kpasɛ̃i nŋu takaɛ hee ku bɔ bantuma iyi à ya kpe Miloo.

Ilaalu 2, 22:14

Ŋɔi Hilikiya woo weeu do Ahikamu do Akubɔɔ do Safãa do Asaya à bɔ bi Huluda walii inaabou. Abou do mɔkɔɛ Salumu, Zeruzalɛmui à wa do ikpa ice titɔ̃u. Salumuu amai Tikivai, nɔ wa jɛ tɔkui Harasi. Nŋui í jɛ woo mu ibɔi woo wee ŋau. Iyi inɛ ŋau à to bi Huluda, ŋɔi à sɔ̃ɔ ideu.

Bomma 2, 3:1

Ŋɔi Salomɔɔ í sinti kpasɛ̃i Aɔ̃ Lafɛ̃ɛu ku ma ilui Zeruzalɛmu si iri kutai Mɔriya tengi bii Aɔ̃ Lafɛ̃ɛ í naa si Davidi baaɛu wo. Davidi í ce sɔɔlui inyaui si bantuma bii Ɔɔnaa inɛi Zebusiu í ya kpokpo bileeɛ.

Bomma 2, 32:22

Bɛɛbɛi Aɔ̃ Lafɛ̃ɛ í faabaò Ezekiasi do inɛi Zeruzalɛmu ŋa hai si awɔi Senakeribu ilaalui Asiri, do hai si awɔi inɛ fei. Nɔ í bii anyi nŋa si mbɛɛ ŋa iyi à waa kaako ŋa.

Bomma 2, 33:14

Si anyiɛ í ma bindi kugboka gɔ do anyii ilui Davidi waatɔ Zeruzalɛmu do nunui alɛi idoi Gihɔ̃ɔ. Bindiu í sinti hai lɔɔmai Sedorɔ̃ɔ nɔ í kaako mbɔi iluu iyi à ya kpe Ofɛli í bɔ hee anu koofai Cɛ̃ɛ ŋau. Ŋɔi í jilɛ inɛ ngboi sooge ŋa má si ilu ku nɛ gbugbãi Zudaa ŋau fei.

Bomma 2, 34:22

Ŋɔi Hilikiya do inɛ ŋa iyi ilaaluu í kpe ŋau à bɔ bi Huluda walii inaabou. Abou do Salumu mɔkɔɛu, Zeruzalɛmui à wa do ikpa ice titɔ̃u. Salumuu amai Tokehatii, nɔ wa jɛ tɔkui Hasira. Nŋui í jɛ woo mu ibɔi woo wee ŋau. Iyi inɛ ŋau à to bi Huluda, ŋɔi à sɔ̃ɔ ideu.

Neemi 12:39

à bɛi à kua do lelei anu koofai Efaraimu, do gambo nwou, do anu koofa iyi à ya kpe anu koofai cɛ̃ɛ ŋa do ile bi ku degbe iyi à kpe Hananeɛli do ile bi ku degbe iyi à kpe Mea hee ku koo si anu koofa iyi à ya kpe anu koofai angudã ŋau. Nɔ à leekĩ bi anu koofa iyi à ya kpe anu koofai woo degbe ilaalu.

Neemi 3:3

Amai Senaa ŋai à ma anu koofa iyi à ya kpe anu koofai cɛ̃ɛ ŋau. Aŋai à dasi jĩi ndii anu koofau à bɛi à dasi gamboɛ ŋa do sɔkɔɛ ŋa do isɔ ku gaauɛ ŋa.

Ezai 59:11

À ya ka maa kungui bɛi mbo, nɔ ka maa dɔ̃ anu bɛi ankasiidi ŋa. À ya ka maa cɔ kpãai Ilaaɔ̃ ku naaò sobiɛ wai wo, amma nkãma ci ya naa. À waa degbe faabai wo, amma faabau í jĩò wa.

Zeremi 39:2

Ŋɔi si adɔ̃ maatakãsia si ajɔ mɛɛsãsia si cukpa mɛɛsiaɛ, inɛi Babilɔni ŋau à lu idĩi bindii iluu.

Zeremi 4:31

Ntɔ ntɔ ǹ wa n gbɔ anu ku dɔ̃ bɛi anu ku dɔ̃i inaabo iyi wa bi ku bí. Anu ku dɔ̃u í jɔ ti inaabo iyi wa bi ku bí ama sinteɛ. Siɔ̃ɔ iyi í yɛ bɛi mudɛ̃ɛu wa dɔ̃ anu wa kakaa nɔ í yɔ awɔ wa tɔɔ faaba wa ni, inɔ kufɔi í jɛ titom. Ǹ wa n ku na goloi woo kpa inɛ ŋau.

Ezekiɛli 6:13

Waati iyi aa yɛ iku ŋa à waa tɛ bi iwɛ̃ nŋa ŋa do bi ku ce kuwee nŋa ŋa do si geete ŋa do si iri kuta ŋa do si abɛ jĩi tũtũ ŋa do si abɛ jĩi nla nla ŋa tengi bii à ya maa jo tuae ku dɔ̃ inunu ŋau, aa mà kãm kãm iyi amui ǹ jɛ Aɔ̃ Lafɛ̃ɛ.

Amɔsu 8:3

Amu Aɔ̃ Lafɛ̃ɛ ǹ ni, ajɔ nŋu bɛ, iri ŋa iyi aa maa kɔ̃ si kabai ilaalu fei, irii inɔ kufɔ ŋai á jɛ. Bii fei iku ŋai aa maa nyɔ. Nɔ ilu á maa cokoi.

Sofoni 1:15

Ajɔu, ajɔi idɔɔkɔ̃i. Ajɔi inɔ kufɔi do ajɔi zigiida. Ajɔi wahalai do ajɔi asɔɔ ku ce. Ajɔi ilu kuku nla nlai. Ajɔi kudũi ijĩ do ilu kuku nla nlai.

Sofoni 1:7

I coko ŋa si wajui Aɔ̃ Lafɛ̃ɛ, domi ajɔ si bii á ce kiitiɛ í maai wa. Aɔ̃ Lafɛ̃ɛ í ce sɔɔlui kuwee, nɔ inɛ ŋa iyi í kpe ŋau, í jɔ̀ à maaju.