Sofoni 1:1 - Bibeli do fee

¹ Aɔ̃ Lafɛ̃ɛ í ba Sofoni ide ku fɔ si waati iyi Zoziasi amai Amɔɔ wa jɛ ilaalui Zudaa. Sofoniu amai Kusii wa jɛ. Kusiu mɔ amai Gedaliai, Gedalia mɔ amai Amariai, nɔ Amaria mɔ wa jɛ amai Ezekiasi.

Sofoni 1:1 Iomraidhean Croise

Ilaalu 2, 21:18

Iyi í ku, nɔ à suu inɔ lamboi Uza si inɔ kpasɛ̃ɛ. Ŋɔi Amɔɔ amaɛ í jɛ bomma si agbɛɛ.

Ilaalu 2, 21:26

Ŋɔi à koo à suu inɔ balɛɛ si inɔ lamboi Uza. Nɔ amaɛ Zoziasi í jɛ bomma si agbɛɛ.

Bomma 2, 33:20

Manasee í na í ku nɔ à suu kpasɛ̃ɛ. Ŋɔi amaɛ Amɔɔ í jɛ bomma si agbɛɛ.

Zeremi 1:2

Aɔ̃ Lafɛ̃ɛ í baa ide ku fɔ si adɔ̃ maatɛtasiai bomma ku jɛi Zoziasi amai Amɔɔ ilaalui Zudaau.

Zeremi 22:11

Ŋɔi Aɔ̃ Lafɛ̃ɛ í ni má, Salumu ilaalui Zudaa iyi wa jɛ amai Zoziasi nɔ í fita hai si inyau ihɛ̃u, kaa baa má.

Zeremi 25:3

hai si adɔ̃ maatɛtasiai bomma ku jɛi Zoziasi amai Amɔɔ ilaalui Zudaa hee ku baa nnyi, adɔ̃ kɔnfia do mɛɛta wa mbɛ iyi n kù gbɛɛji ǹ wasi ku sɔ̃ ŋɛ idei Aɔ̃ Lafɛ̃ɛ, amma i kù waa jɛ ku gbɔɔ ŋa.

Ezekiɛli 1:3

Ntɔ ntɔ Aɔ̃ Lafɛ̃ɛ í ba amu Ezekiɛli amai Buzii woo weeu ide ku fɔ si ilɛi inɛi Kaladee ŋa kɔkɔi idoi Kebaa. Bɛi Aɔ̃ Lafɛ̃ɛ í jɔ̀ gbugbãɛ í naa sim.

Ozee 1:1

Aɔ̃ Lafɛ̃ɛ í ba Ozee amai Beeri ide ku fɔ si waati iyi Zeroboamu amai Zoasi wa jɛ ilaalui Izirɛli. Í baa ide ŋau ku fɔi si waatii Oziasi do Yotamu do Ahazi do Ezekiasi ilaalui Zudaa ŋau.

Timɔtee 2, 3:16

Kukɔi idei Ilaaɔ̃ fei hai bi Ilaaɔ̃i wa naa. Nɔ í nɛ aranfãani ku kɔ inɛ ŋa si cio, ku nyisi amanɛ kuraraɛ, nɔ ku dasiɛ kpãa jiida má, nɔ ku nyisiɛ yaase bɛi á jɛò dee dee,

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.