Iri ku kɔ̃ iyi í dɔ̃ í re 8:1 - Bibeli do fee

¹ Bii ì jɛ bɛi inɛm gɔ iyi awaò à jɛ iye akãi wo, waati iyi n koɛ waduude, an yɔkɔ n sakooɛ nɔ inɛ gɔ kaa yaakom.

Iri ku kɔ̃ iyi í dɔ̃ í re 8:1 Iomraidhean Croise

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 51:17

Aɔ̃ Lafɛ̃ɛ, cĩ gɛlɛm ku ba n maa n saabuɛ.

Iri ku kɔ̃ iyi í dɔ̃ í re 1:2

baabaam, baabaam, kubiɛu í re baa atɛ̃ vɛ̃ɛ.

Iri ku kɔ̃ iyi í dɔ̃ í re 7:13

Daadaakɔ aa ka dedei ka bɔ si ikoi rezɛ̃ɛ ŋa, kaa cɔ mà à wu kpɔtɔɔ, walakɔ bii koko ŋau à fũ, nɔ ka cɔ bii jĩi ndii gerenadi ŋau à da koko. Bɛi an nyisiɛ kubi.

Iri ku kɔ̃ iyi í dɔ̃ í re 8:2

An gbãɛi n bɔòɛ hee kpasɛ̃i iyem nɔ i kɔm si mii iyi í jɛ kubi. An jɔ̀ i mɔ vɛ̃ɛ didɔ̃ do inyii isoi jĩi ndii gerenadim.

Ezai 60:14

Inɛ ŋa iyi à wahalaɛ ŋau, aa kɔmba iri ilɛi a maa naaò wa bi tɛɛ. Inɛ ŋa iyi à tako à waa yaakoɛ ŋau fei, aa na a sɛɛbatai si wajuɛ. Nɔ iri ŋa iyi aa maa kpeɛ do wee. Ilui Aɔ̃ Lafɛ̃ɛ, do Siɔ̃ɔ ilu iyi í jɛ ti Inɛ Kumái Izirɛliu.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Azee 2:7

An na n yaga dimii ŋau feii nɔ n jɔ̀ a ko amani jiida nŋa ŋa a naaò wa kpasɛ̃m bɛ. Nɔ do yaase bɛɛbɛi an kɔ̃ kpasɛ̃u do bɛɛrɛ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Luku 10:16

Nɔ í sɔ̃ mɔcɔɛ ŋa í ni, inɛ iyi í gbɔ ide nŋɛ, idem nii í gbɔ. Inɛ mɔ iyi í kɔ̀si ŋɛ, amui í kɔ̀si. Inɛ mɔ iyi í nɔ í kɔ̀sim, inɛ iyi í bɛm wai í kɔ̀si.

Luku 12:8

Ǹ wa n sɔ̃ ŋɛi, inɛ iyi í fɔ si wajui amanɛ ŋa í ni nŋu í gbam, amu mɔ Amai Amanɛ an gba lafɛ̃ɛ si wajui amalekai Ilaaɔ̃ ŋa.

Luku 18:9

Jesu í kpa mɔnda gɔ má na irii inɛ gɔ ŋa iyi à waa cɔ ara nŋa inɛ dee dee, nɔ à waa ca inɛ gɔ ŋa.

Luku 2:38

Waati bɛɛbɛ nŋu mɔ í sɛkɛɛ si ŋa wa, wa saabu Ilaaɔ̃, nɔ í lɔsi idei amau ku sisia inɛ ŋa iyi à waa degbe Ilaaɔ̃ ku faaba inɛi Zeruzalɛmu ŋa fei.

Luku 9:26

Nɔ í ni má, inɛ iyi wa ce anyɔi amu Amai Amanɛ, walakɔ wa ce anyɔi idem, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa, an nyi wai do amboem do ti Baam do ti amaleka ŋa ajɔ.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 16:28

Ntɔi, hai bi Baabai ǹ fita wa ǹ naa andunya. Nsɛi ǹ wa n jɔ̀ andunya ǹ wa n bɔ bi Baam.

Laabaau jiida iyi Zãa í kɔ 3:13

Inɛ gɔ kù wɛɛ iyi í bɔ lelei Aɔ̃ bii kù jɛ amu Amai Amanɛ, amu iyi ǹ kita wa hai lelei Aɔ̃.

Laabaau jiida iyi Zãa í kɔ 8:42

Ŋɔi Jesu í sɔ̃ ŋa í ni, bii í jɛ Ilaaɔ̃i í jɛ baa nŋɛ aa bim ŋa, domi hai bi Ilaaɔ̃i ǹ fita wa ǹ naa ihɛ̃. N kù naa do aram, nŋui í bɛm wa.

Kɔrɛnti 1, 1:28

Nɔ Ilaaɔ̃ í cica hai nɛ gbugbã ŋa do inɛ ŋa iyi à ya maa donda, iyi a kù jɛ ngɔgɔ si andunya í kayeò inɛ ŋa iyi à waa cɔ ara nŋa bɛi inɛ nla ŋa.

Galati 4:26

Amma Sara í yɛi bɛi Zeruzalɛmu iyi í wa leleu iyi í nɛ araɛ. Nŋui í jɛ iye nwa.

Galati 6:14

Amma amu n kù n wa n tɔɔ fufu bii kù jɛ na ikui Lafɛ̃ɛ nwa Jesu Kirisi si jĩi ku gaau. Na ikuɛu mii ndii andunya fei í yɛɛm nii bɛi mii iyi kù wɛɛ má, nɔ bɛɛbɛ mɔi ǹ wa n yɔɔ baa do kuwɛɛi amu takam fei.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.