Iri ku kɔ̃ iyi í dɔ̃ í re 4:9 - Bibeli do fee

⁹ Awɔ wecĩm, ì mu idɔm awɔ iyi à ceem kuwãɛ. Iyi ijui awaɛ í ko gbakã ì mu idɔm. Iyi ǹ yɛ lɛgɛ akãi sabaɛu ì mu idɔm.

Iri ku kɔ̃ iyi í dɔ̃ í re 4:9 Iomraidhean Croise

Iri ku kɔ̃ iyi í dɔ̃ í re 4:12

Ì yɛi bɛi jĩi ndii lambo iyi à cea danga, awɔ wecĩm, awɔ iyi à ceem kuwãɛ. Ì yɛi bɛi isɔ̃ iyi í jɛ titom, isɔ̃m iyi à jilɛɛm.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Iri ku kɔ̃ iyi í dɔ̃ í re 7:10

Gɛlɛɛ ku cɔ̃ɔcɔ̃ɔ í yɛi bɛi vɛ̃ɛ didɔ̃. Ntɔ ntɔ, nŋui ǹ jilɛa inɛ iyi ǹ biu. Í ya lɔ si anu leleɛ do anu lɛlɛɛ do si inyíɛ ŋai.

Kuyɛi Zãa 21:2

Nɔ ǹ yɛ ilu kumá iyi í jɛ Zeruzalɛmu titɔ̃ í kita wa hai lelei Aɔ̃. Í tã sɔɔlu bɛi abo titɔ̃ iyi wa bɔ mɔkɔɛ ku ko.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Sofoni 3:17

Aɔ̃ Lafɛ̃ɛɛ í wa bi tɛɛ, nɔ nŋui í jɛ woo ja igũ iyi á faabaɛ. Á wɛɛò inɔ didɔ̃ nla nlai na iriɛ. Kubiɛui á jɔ̀ i ba kuwɛɛ titɔ̃. Á ya dɔ̃ anui do inɔ didɔ̃ na iriɛ.

Ezekiɛli 16:8

Ŋɔi ǹ nyi wa má ǹ lɔ kɔkɔɛ nɔ ǹ ba wee ì to awaati bii à nɛ a nɛ kubiɛ. Ŋɔi ǹ fũ ibɔ nlam ǹ bii basĩɛ nɔ ǹ ceɛ kuwã ǹ dĩ akabuu do awɔ. Si bɛɛbɛi amu Aɔ̃ Lafɛ̃ɛ ǹ fɔ ǹ ni ì baa ì jɛ tom.

Ezai 62:5

Ntɔ ntɔ, bɛi awaasũ í ya ce abɔdɔ̃ do mudɛ̃ɛ, bɛɛbɛ mɔi inɛ iyi í teese wa maɛui á jɛ mɔkɔɛ. Nɔ yaase bɛi mudɛ̃ɛ iyi í nɛ awaasũ í ya jɔ̀ awaasũu ku maa nɛ inɔ didɔ̃, bɛɛbɛi awɔ mɔ aa jɔ̀ inɔi Aɔ̃ Lafɛ̃ɛɛ ku maa dɔ̃.

Ezai 54:5

Ntɔ ntɔ, inɛ iyi í takaɛ, lafɛ̃ɛi í jɛ mɔkɔɛ. Iriɛi í jɛ Aɔ̃ Lafɛ̃ɛi lele do ilɛ. Nŋui í jɛ woo yaɛ, nɔ nŋui í jɛ Inɛ Kumái Izirɛli. Nŋui à ya kpe Ilaaɔ̃ Lafɛ̃ɛi ilɛu fei.

Iri ku kɔ̃ iyi í dɔ̃ í re 6:12

Amma n kù gbɔ yaasei nkãma má. Ì jɔ̀ aram í rɔ awɔ ama inaaboi nyaanze ilu bɛɛrɛ.

Iri ku kɔ̃ iyi í dɔ̃ í re 6:5

Maà maa cɔm, domi ijuɛ ŋau à waa dede laakaim. Ntoi iriɛ ŋau à yɛi bɛi iwo gaa ŋa iyi à waa kita wa hai antaii iri kutai Galaadi.

Iri ku kɔ̃ iyi í dɔ̃ í re 4:10

Kubiɛ í ya jɔ̀ n nɛ inɔ didɔ̃ awɔ wecĩm, awɔ iyi à ceem kuwãɛ. Kubiɛu í re baa atɛ̃ vɛ̃ɛ. Bɛɛbɛ mɔi inunui tuaeɛ í dɔ̃ í re tuae ŋa iyi à gbe fei.

Iri ku kɔ̃ iyi í dɔ̃ í re 3:11

Iŋɛ mudɛ̃ɛi Siɔ̃ɔ ŋa, i fita i naa i cɔ ilaalu Salomɔɔ ŋa. Í dasi fulaɛ bɛi iyeɛ í daa si si waati iyi wa ce abɔdɔ̃u. Ajɔ nŋu bɛ, í wɛɛò inɔ didɔ̃i ntɔ ntɔ.

Iri ku kɔ̃ iyi í dɔ̃ í re 1:15

awɔ iyi ǹ bi, awɔ mudɛ̃ɛ kusĩai. Ì sĩa nɔ ijuɛ ŋa à yɛi bɛi ankasiidi.

Iri ku kɔ̃ iyi í dɔ̃ í re 1:10

Hanlaga ŋa iyi ì ya dasii í ya jɔ̀ kɛkɛlɛɛ ku sĩa. Kɔ̃ɔɛ í ya sĩai na saba ŋa.

Iri ku kɔ̃ 45:9

Tuae ku dɔ̃ inunu dimi ikã ikãi í wa si jĩnɛɛ ŋa iyi ì waa dasi. Irii inɔ didɔ̃ iyi à waa kɔ̃ɛ wa fita wai hai si kabai bommaɛ iyi à ce si booda do inyíi jua.

Kɔrɛnti 1, 9:5

A kù nɛ kpãa ka nɛ abo woo dasi Jesu naanɛ iyi á si wa bɛi woo bɛ gɔ ŋa à waa cei? Bɛi ifɔi Lafɛ̃ɛ ŋau do Piɛɛ?

Matie 12:50

Ntɔ ntɔ inɛ iyi wa ce idɔɔbii Baam iyi í wa lele, lafɛ̃ɛi í jɛ ifɔm walakɔ wecĩm walakɔ iyem.

Kusintii Andunya 41:42

Ŋɔi í bɔ lɛlɛawɔɛ í daa Zozɛfu si awɔ. Nɔ í daa si jĩnɛ jiida. Si anyii nŋu nɔ í daa si sabai wura si kɔ̃ɔ.

Kusintii Andunya 20:12

Nɔ do nŋu fei, ntɔ ntɔ wecĩm nii. Awaò fei baa akãi, iye nwa ŋai à jɛ ikã ikã. Nŋui í jɔ̀ í yɔkɔ í jɛ abom.

Mɔnda ŋa 1:9

domi á jɔ̀ daaɛ ku sĩa. Á yɛɛi bɛi fula jiida si iriɛ walakɔ bɛi sabai wura si kɔ̃ɔɛ.

Ezekiɛli 16:11

Jĩnɛ kusĩa ŋai ǹ biiɛ do, nɔ ǹ daaɛ si isɔi awɔ ŋa do saba.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Mɔnda ŋa 6:25

Maà ce kɔdɛɛi abo dimi bɛɛbɛ na kusĩaɛ, nɔ i maà jɔ̀ ku lɛlɛɛ do nyikɔ̃ɛ.