Iri ku kɔ̃ iyi í dɔ̃ í re 4:3 - Bibeli do fee

³ Anu leleɛ do ilɛu fei í yɛi bɛi ikũ wɛwɛɛ nkpa, nɔ gɛlɛɛ í sĩa. Hai si afei fuugɛsɛɛ, kɛkɛlɛ kusĩaɛ í yɛi bɛi isoi gerenadi nkpa iyi à kpalɔɛ minji.

Iri ku kɔ̃ iyi í dɔ̃ í re 4:3 Iomraidhean Croise

Kusintii Andunya 32:10

Ŋɔi í ce kutɔɔ í ni, Aɔ̃ Lafɛ̃ɛ, Lafɛ̃ɛi Aburahamu balam do Lafɛ̃ɛi Izaaki baam, awɔi ì ni n nyi ilɛi idem bii à bím nɔ i ceem mii jiida.

Ɛsidarasi 9:6

Ǹ ce kutɔɔ ǹ ni, Ilaaɔ̃ Lafɛ̃ɛm, ǹ wɛɛò inɔ kufɔ, nɔ anyɔ wa mum hee í jɔ̀ n kaa n jɛ n wu iju lele n cɔɛ. Laalɔ ku ce nwa í la í caa í to hee lele mɔm.

Iri ku kɔ̃ 119:13

An maa n sisi idei asaiyaɛ ŋa iyi ì fɔu fei.

Iri ku kɔ̃ 37:30

Inɛ dee dee í ya fɔ idei do laakai, ide ntɔi í ya wa si gɛlɛɛ.

Iri ku kɔ̃ 45:2

Idɔm wa yaya na laabaau didɔ̃ do ide jiida ŋa iyi an fɔ bi ilaalu. Nɔ ǹ bi gɛlɛm ku yɛi bɛi mii ku kɔi woo mà kukɔ jiida.

Mɔnda ŋa 10:13

Ilu laakai í ya fɔ idei do bisi, amma nnyɛi kù nɛ iwɔ, í gbe golo.

Mɔnda ŋa 31:26

Idei ilu laakai í ya maa fɔ, nɔ í ya kɔ inɛ ŋa si cio do kubi.

Iri ku kɔ̃ iyi í dɔ̃ í re 1:5

Iŋɛ mudɛ̃ɛi Zeruzalɛmu ŋa, amu amanɛ daabɔɔsii amma ǹ sĩai bɛi ilei acɔi inɛi Kedaa ŋa do bɛi acɔi kpasɛ̃i Salomɔɔ ŋa.

Iri ku kɔ̃ iyi í dɔ̃ í re 4:11

Gɛlɛɛ í nɛ ididɔ̃i bɛi nyikɔ̃ awɔ iyi à ceem kuwãɛ. Nyikɔ̃ do amɔi í wa si lɛlɛi amɛɛ. Ibɔɛ ŋa à waa dɔ̃ inunui bɛi jĩi ndii Libãa ŋa.

Iri ku kɔ̃ iyi í dɔ̃ í re 5:13

Kɛkɛlɛɛ ŋa à yɛi bɛi kokoi jĩi ku dɔ̃ inunu nkpɔ nkpɔ. Tengi bɛi fɔfɔ ku dɔ̃ inunu ŋa à wa. Gɛlɛɛ í yɛi bɛi koko ŋa hai bii tuae iyi à ya kpe miru wa cã wa.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Iri ku kɔ̃ iyi í dɔ̃ í re 6:7

Hai si afei fuugɛsɛɛ, kɛkɛlɛɛ í yɛi bɛi isoi gerenadi nkpa iyi à kpalɔɛ minji.

Iri ku kɔ̃ iyi í dɔ̃ í re 7:9

Ǹ ni, an gũ kpakpaui nɔ n mu isoɛ ŋa. Amɔɛ ŋa à yɛ bɛi saai rezɛ̃ɛ bi titom. Amiɛ í nɛ inunui bɛi isoi jĩi gɔ.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Kuwee 14:4

woo weeu á ni ku naaò yɛi njaawɛ minji gɔ ŋa iyi à maaju wai do jĩi ndii sɛɛdi, do ikũ nkpa iyi à ce do ntoi angudã, do amaawɔi jĩi ndii izɔpu.

Kuwee 14:6

Si anyiɛ á so yɛi njaawɛui do jĩi ndii sɛɛdiu, do ikũ nkpa iyi à ce do ntoi angudãu do amaawɔi jĩi ndii izɔpuu ku mileɛ si njɛi yɛi iyi à saka si inyiu nɔ ku nyaa má.

Kuka 19:6

Woo weeu á so jĩi ndii sɛɛdii do amaawɔi jĩi ndii izɔpu do ikũ nkpa nɔ ku kosi fei ndɛɛ si bii à waa jo kɛtɛu.

Kuka 4:8

Si anyiɛ má aa tɛsi mii ŋau acɔ nkpa ku yɔgɛɛò boogu gɔi, nɔ aa bii nŋu mɔ mái do bata ku nɛ gbugbã ŋau, nɔ a dasi jĩi ŋa iyi aa soò taabuu mɔ.

Matie 12:35

Inɛ jiida ide jiidai í ya fɔ. Nɔ ide jiidau í ya naai hai si ide jiida iyi wa singa si idɔɛ. Bɛɛbɛ mɔi inɛ laalɔ ide laalɔi í ya fɔ. Nɔ ide laalɔu mɔ í ya naai hai si ide laalɔ iyi wa singa si idɔɛ.

Luku 4:22

Ŋɔi aŋa fei à waa jɛaa sɛɛda jiida, nɔ biti í mu ŋa do ide didɔ̃ iyi wa fita hai si gɛlɛɛu. À ni, kù jɛ amai Zozɛfuu mbɛ ya.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Kolosee 4:6

I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Ebɛɛ 9:19

Sinte Moizi í sisia inɛ fei wooda baa yooma fei si bɛi Ilaaɔ̃ í jilɔɔ. Si anyii nŋu, nɔ í so njɛi ama kɛtɛ ŋa do ti iwo ŋa do inyi, nɔ í so ikũ nkpa do amaawɔi jĩi ndii izɔpu, í dasi njɛu nɔ í fãsi tiai woodau do inɛ fei.

Zozue 2:18

Waati iyi aa ka naa ka to wa si ilɛu ihɛ̃, ikũ nkpau ihɛ̃i aa dĩ si anu fɛrɛnti hai do bii ì jɔ̀ à fitaòu ihɛ̃. Nɔ i tɔtɔɔ inɛɛ ŋa inɔ kpasɛ̃ɛ ihɛ̃, hai iyeò baaɛ ŋa do igbãɛ ŋa do ifɔɛ ŋa do wecĩɛ ŋa fei hee do nyaanzei baaɛ ŋa fei.