Iri ku kɔ̃ iyi í dɔ̃ í re 4:2 - Bibeli do fee

² Inyíɛ ŋa à fũutai bɛi angudã ŋa iyi à ja nto nŋa wa gbakã à bɛi à waa fita wa hai bii à wɛ ŋa. À waa fita wai minji minji nɔ kãma nŋa kù gaizia.

Iri ku kɔ̃ iyi í dɔ̃ í re 4:2 Iomraidhean Croise

Kufita 23:26

Si ilɛ nŋɛ asĩi inaabo kãma kaa nya nɔ i kaa nɛ gbɛnda ŋa, nɔ an jɔ̀ hunde nŋɛ ku sɔ.

Iri ku kɔ̃ iyi í dɔ̃ í re 4:1

awɔ abo kusĩai, awɔ iyi ǹ bi. Ijuɛ í sĩai bɛi ankasiidi hai si afei fuugɛsɛɛ wa. Ntoi iriɛ ŋa à yɛi bɛi iwo gaa ŋa iyi à waa kita wa hai si iri kutai Galaadi.

Iri ku kɔ̃ iyi í dɔ̃ í re 4:3

Anu leleɛ do ilɛu fei í yɛi bɛi ikũ wɛwɛɛ nkpa, nɔ gɛlɛɛ í sĩa. Hai si afei fuugɛsɛɛ, kɛkɛlɛ kusĩaɛ í yɛi bɛi isoi gerenadi nkpa iyi à kpalɔɛ minji.

Iri ku kɔ̃ iyi í dɔ̃ í re 6:6

Inyíɛ ŋa à yɛi bɛi angudã gaa ŋa iyi à waa fita wa hai bii à wɛ ŋa. À waa fita wai minji minji nɔ kãma nŋa kù gaizia.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Laabaau jiida iyi Zãa í kɔ 15:7

Bii ì waa má sim ŋa nɔ idem í wa si ŋɛ i tɔɔ mii iyi ì bi fei ŋa aa ba ŋa.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.