Iri ku kɔ̃ iyi í dɔ̃ í re 3:4 - Bibeli do fee

⁴ Iyi ǹ lɔ ŋa gbakã ŋɔi ǹ yɛ inɛ iyi ǹ biu, nɔ ǹ muu n kù jɔ̀ɔ má hee ǹ koo ǹ lɔòɛ inɔ kpasɛ̃, hee inɔ ile tengi bii iyem í so asĩm.

Iri ku kɔ̃ iyi í dɔ̃ í re 3:4 Iomraidhean Croise

Kusintii Andunya 32:26

Waati iyi aŋaò à waa kò ibuu, mɔkɔu í yɔɔ iyi nŋu kaa yɔkɔ ku kɛkɛɛ, ŋɔi í cã gontaɛ, nɔ kũkũi gontau í sɛkɛɛ.

Mɔnda ŋa 4:13

Jɔ̀ i mu ikɔu, nɔ i maa jɔ̀ɔ. Muu, domi nŋui í jɛ kuwɛɛɛ.

Mɔnda ŋa 8:17

Amu ǹ bi inɛ ŋa iyi à bim, nɔ inɛ ŋa iyi à waa dɛdɛm à ya bam nii.

Iri ku kɔ̃ iyi í dɔ̃ í re 1:7

Sɔ̃m, awɔ iyi ǹ nɛ kubiɛ iwoi ì ya degbe mɛɛmu gaaɛ ŋa. Iwoi ì ya jɔ̀ mɛɛmu gaaɛu ku sĩmi dasã. Do yaase bɛɛbɛ, n kaa n bɔ ku dɛdɛɛ bii fei si inɔi mɛɛmu gaa mmu ŋa má.

Iri ku kɔ̃ iyi í dɔ̃ í re 6:12

Amma n kù gbɔ yaasei nkãma má. Ì jɔ̀ aram í rɔ awɔ ama inaaboi nyaanze ilu bɛɛrɛ.

Iri ku kɔ̃ iyi í dɔ̃ í re 7:5

Kɔ̃ɔɛ í yɛi bɛi ile kugboka ku nɛ gbugbã iyi à ma do inyíi jua. Ijuɛ ŋa à sĩai bɛi inyii fatamai Hɛsebɔ̃ɔ iyi í wa anu koofa iyi à ya kpe Bati-Rabimu. Imɔɛ í yɛi bɛi ile kugboka ku nɛ gbugbãi Libãa iyi wa cɔ ikpa Damasi.

Iri ku kɔ̃ iyi í dɔ̃ í re 8:2

An gbãɛi n bɔòɛ hee kpasɛ̃i iyem nɔ i kɔm si mii iyi í jɛ kubi. An jɔ̀ i mɔ vɛ̃ɛ didɔ̃ do inyii isoi jĩi ndii gerenadim.

Ezai 45:19

Nɔ Aɔ̃ Lafɛ̃ɛ í ni má, ide iyi ǹ fɔ, n kù manji n kù fɔɔ, kù nɔ kù jɛ si inyai ilu kuku gɔi ǹ fɔɔ si ilɛu ihɛ̃. N kù sɔ̃ tɔkui Zakɔbu ŋa n kù ni a dɛdɛɛm si inya ngbɛ. Amu Aɔ̃ Lafɛ̃ɛ, iyi í jɛ dee dee do iyi í tɛi ǹ ya n fɔ.

Zeremi 29:13

Bii ì sinda ì naa bi tom, aa yɛm ŋa. Amu Aɔ̃ Lafɛ̃ɛ, ǹ wa n sɔ̃ ŋɛi, bii ì dɛdɛɛm do idɔ nŋɛ fei, an jɔ̀ i yɛm ŋa. Nɔ an nyi n teese yaasei kuwɛɛ nŋɛ má. An jɔ̀ i fita hai bi dimi ŋa do hai afe ŋa bii ǹ jɔ̀ ì fangaa ì nɛ fei ŋa. An tɔtɔɔ ŋɛ nɔ n jɔ̀ i baa si afeu ihɛ̃ ŋa hai bii ǹ jɔ̀ à mu ŋɛ à nɛò ŋɛu. Amu Aɔ̃ Lafɛ̃ɛi ǹ fɔ bɛɛbɛ.

Kukpata 3:25

Aɔ̃ Lafɛ̃ɛ í jɛ jiida bi inɛ iyi í nɛ kpãa ku cɔ siɛ nɔ wa dɛdɛɛ.

Matie 28:9

Ŋɔi Jesu í kò ŋa í ni, i fɔɔ. Ŋɔi à sɛkɛɛ siɛ wa à naa à mu kutɛɛ à sɛɛbata si wajuɛ.

Matie 7:7

Jesu í ni má, i ya tɔɔ ŋa, aa mu nŋɛ. I ya dɛdɛ ŋa, aa ba ŋa. I ya cã gambo ŋa, aa cĩ nŋɛ.

Romu 8:35

Yooi á yɔkɔ ku fɛɛfɛ wa do kubii Kirisi. Inɔ kufɔ? Mà wahala. Mà ijuukpã. Mà ari. Mà are. Mà mbiisi. Mà igũ.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Galati 4:26

Amma Sara í yɛi bɛi Zeruzalɛmu iyi í wa leleu iyi í nɛ araɛ. Nŋui í jɛ iye nwa.