Iri ku kɔ̃ iyi í dɔ̃ í re 3:1 - Bibeli do fee

¹ waati iyi ǹ wa n sũ si daayim idũ, ǹ dɛdɛ inɛ iyi idɔm í biu. Ǹ dɛdɛɛ amma n kù yɔɔ.

Iri ku kɔ̃ iyi í dɔ̃ í re 3:1 Iomraidhean Croise

Iri ku kɔ̃ 22:2

Ilaaɔ̃ Lafɛ̃ɛm, Ilaaɔ̃ Lafɛ̃ɛm, na mii í ce ì fũsim awɔ, na mii í ce ì jĩim. Na mii í ce ǹ kpata siɛ, nɔ i kù faabam.

Iri ku kɔ̃ 4:4

I mà ŋa iyi Aɔ̃ Lafɛ̃ɛ í cica inɛ iyi í jɛaa ilu naanɛ. Waati iyi ǹ tɔɔɛ faaba, í ya gbɔɔm.

Iri ku kɔ̃ 6:6

domi bii inɛ í ku, kaa ye gigiɛ má. Inɛ ŋa iyi à si a kaa yɔkɔ a cĩɛ má.

Iri ku kɔ̃ iyi í dɔ̃ í re 1:7

Sɔ̃m, awɔ iyi ǹ nɛ kubiɛ iwoi ì ya degbe mɛɛmu gaaɛ ŋa. Iwoi ì ya jɔ̀ mɛɛmu gaaɛu ku sĩmi dasã. Do yaase bɛɛbɛ, n kaa n bɔ ku dɛdɛɛ bii fei si inɔi mɛɛmu gaa mmu ŋa má.

Iri ku kɔ̃ iyi í dɔ̃ í re 5:6

Ǹ cĩa inɛ iyi ǹ biu amma ǹ ba wee í nɛ. Ǹ fita n dɛdɛɛ, amma n kù yɔɔ. Ǹ kpoo, amma kù jɛɛm.

Iri ku kɔ̃ iyi í dɔ̃ í re 5:8

Iŋɛ mudɛ̃ɛi Zeruzalɛmu ŋa, ǹ wa n tɔɔ ŋɛi ntɔ ntɔ, bii ì yɛ inɛ iyi ǹ biu ŋa, i sɔ̃ɔ iyi kubiɛ í jɔ̀ ǹ wa n ce bɔ̃ɔ.

Ezai 26:9

Idũ, ǹ ya n bi i wɛɛi do amu. Ǹ ya n maa n dɛdɛɛi hee si lɛlɛi idɔm. Nɔ ijuukpã iyi ì fɔ ideɛu, bii ì jɔ̀ í naa si amanɛ ŋa, inɛi andunya ŋa à ya mà isɛɛnɛ ku cei si bɛi í jɔ.

Ezai 55:6

I dɛdɛ Aɔ̃ Lafɛ̃ɛ ŋa hai waati iyi nŋu takaɛ á jɔ̀ i yɔɔ ŋa. I kpoo ŋa hai waati iyi í wa amɛɛ.

Luku 13:24

i ce kookaai i lɔ do andɛ iyi kù cĩu ŋa. Ǹ wa n sɔ̃ ŋɛi, inɛ nkpɔi á maa dɛ kpãa iyi aa lɔò a kaa nɔ a yɔkɔ.

Laabaau jiida iyi Zãa í kɔ 11:29

Iyi Maari í gbɔ bɛɛbɛ ŋɔi í dede do saasa í bɔ bi tɛɛ.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.