Iri ku kɔ̃ iyi í dɔ̃ í re 2:8 - Bibeli do fee

⁸ i sotĩ i gbɔ imui inɛ iyi ǹ biu ŋa. I cɔ nŋu wee wa baa. Í fo wa dingaa si iri kuta ŋa do geete ŋa wa.

Iri ku kɔ̃ iyi í dɔ̃ í re 2:8 Iomraidhean Croise

Samuɛli 2, 6:16

Iyi à waa lɔò kpakoi Aɔ̃ Lafɛ̃ɛu si inɔ iluu, ŋɔi Mikali ama inaaboi Sauluu wa cɔ ilu hai do fɛrɛnti. Nɔ í yɛ ilaalu Davidi í fo wa dingaa wa jojo si wajui Aɔ̃ Lafɛ̃ɛ, ŋɔi í dondaɛ.

Iri ku kɔ̃ iyi í dɔ̃ í re 2:17

Baa wa awɔ iyi ǹ bi. Jɔ̀ i yɛ bɛi angbãi do bɛi ama kulu iyi wa jɛ si afei lɔɔmai iri kuta minji hee iju koo máò nɔ ilu kuku kaa wɛɛ má.

Iri ku kɔ̃ iyi í dɔ̃ í re 4:16

fufui awɔ njɛi kpãai inunu, dede. Fufui awɔ cangai kpãai inunu, naa wa. I dede si lambom nɔu nɔ i jɔ̀ inunu didɔ̃ɛ ŋau a fangaa ŋa. Inɛ iyi ǹ bi jiidau ku lɔ si lambou nɔ ku ba iso didɔ̃ɛ ŋa ku jɛ.

Iri ku kɔ̃ iyi í dɔ̃ í re 5:2

ǹ sĩ njoo, amma idɔm kù sũ. Ǹ wa n gbɔ iba gɔ. Inɛ iyi ǹ biui wa cã gambo. cĩim wecĩm, awɔ iyi à ceem kuwãɛ, awɔ iyi ì yɛ bɛi ankasiidi, nɔ ì jɛ dee dee. Ikpã í bii irim, nɔ ntoi irim ŋa à waa tontoo inyi wa.

Ezai 35:6

Woo sukutɛ ŋa aa nɛ dee dee a fo a maa dingaa bɛi kulu, nɔ dekĩ ŋa aa maa dɔ̃ anu do inɔ didɔ̃. Aa maa dɔ̃ anu do inɔ didɔ̃i si na iyi í jɔ̀ hai si gbaa inyi á maa fita wa, nɔ inyi á maa cã wa hai bi lɔɔma iyi í gbɛu.

Ezai 44:23

Ntɔ ntɔ, Aɔ̃ Lafɛ̃ɛi í ce iyi bɛ. Na nŋu, lele, dɔ̃ anu do inɔ didɔ̃. Lɛlɛi ilɛ, dakpɛa. Iŋɛ iri kuta ŋa, i dɔ̃ anu do inɔ didɔ̃ ŋa. Nɔ iŋɛ mɔ jĩi ŋa do agbo ŋa, i ce bɛɛbɛ ŋa, domi Aɔ̃ Lafɛ̃ɛ í ya Zakɔbui, nɔ í nyisi bɛi amboeɛ í to si faabai Izirɛli.

Ezai 52:7

Inɔ didɔ̃ nla nlai inɛ iyi wa naaò laabaau jiidau wa si antaii iri kuta ŋa, nɔ wa fɔ idei laakai ku sũ. Nŋu iyi wa naaò laabaau jiidai inɔ didɔ̃ nɔ wa fɔ idei faabau, nŋui í sɔ̃ ilui Siɔ̃ɔ í ni, Aɔ̃ Lafɛ̃ɛɛi í jɛ ilaalu.

Zeremi 48:27

Awɔ Moabu ì ya maa yaako Izirɛlii wo. Mà kù jɛ bɛɛbɛ. Izirɛli kù nɔ kù jɛ woo ce ile. To, na mii í jɔ̀ ì ya gbugbã iri i maa yaakoɛ waati iyi ì waa fɔ ideɛ fei.

Luku 6:23

Ajɔ nŋu, i jɔ̀ inɔ nŋɛ ku dɔ̃, i fo i dingaa do inɔ didɔ̃, domi riba iyi à jilɛ nŋɛ lelei Aɔ̃ í la. Inɛ ŋau bɛ, bɛɛbɛ mɔi bala nŋa ŋa à cea walii ŋau wo.

Laabaau jiida iyi Zãa í kɔ 10:27

Angudãm ŋa à ya gbɔ imum. Ǹ mà ŋa nɔ à ya maa toom.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Woo bɛ ŋa 14:10

Ŋɔi Pɔlu í sɔ̃ɔ do gbugbã í ni, dede i leekĩ si kutɛɛ. Ŋɔi mɔkɔu í dede í fo í dingaa wa nɛ.

Woo bɛ ŋa 3:8

Ŋɔi í fo í dingaa wa nɛ. Ŋɔi aŋaò ŋa fei à lɔ bantumai kpasɛ̃i Ilaaɔ̃ ajɔ, ŋɔi í fo í dingaa wa nɛ wa saabuò Ilaaɔ̃.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.