Iri ku kɔ̃ iyi í dɔ̃ í re 2:4 - Bibeli do fee

⁴ Í gbãm í bɔòm bii à ya jɛ jingau nla ŋa, nɔ í biim do kubi.

Iri ku kɔ̃ iyi í dɔ̃ í re 2:4 Iomraidhean Croise

Ɛsitɛɛ 7:7

Nɔ si bɛi idɔi ilaaluu í kɔ̃, í dede í fita hai bi ku ce jingauu í koo í lɔ inɔ lamboi kpasɛ̃ɛu. Ŋɔi Hamaa í gbe bɛ í wasi ku tɔɔ Ɛsitɛɛ suuru, domi í mà tã iyi ilaalu Asuerusi á kpa nŋui.

Zɔɔbu 1:10

Kù jɛ awɔi ì waa degbeɛ nŋu do kpasɛ̃ɛ do mii iyi í nɛ fei ba. Si antaiɛ ì weeaa si icɛɛ ŋa nɔ gaaɛ í la í re si ilɛu wa koo.

Iri ku kɔ̃ 20:5

Aɔ̃ Lafɛ̃ɛ ku muuɛ mii iyi ì bi si idɔɛ, nɔ ku jɔ̀ mii iyi ì dasi idɔ i ce fei ku kɔ̃.

Iri ku kɔ̃ 60:4

Ì jɔ̀ ilɛ í yaya nɔ í lalala, jɔ̀ i teeseɛ domi wee í cuku.

Iri ku kɔ̃ 84:10

Ilaaɔ̃, cɔ, awɔi ì jɛ bɛi tɛli nwa. Jɔ̀ i gba inɛ iyi ì cicau.

Iri ku kɔ̃ iyi í dɔ̃ í re 1:1

Iri ku kɔ̃ iyi í dɔ̃ í re iri ŋa fei, ti Salomɔɔi.

Iri ku kɔ̃ iyi í dɔ̃ í re 1:4

Mu awɔm i fam nɔ ka sɛi ajɔ. Awɔi ì jɛ ilaalum, gbãm i bɔòm ilaawaɛ. ka kpɛ̃ ididɔ̃ nla nla na iriɛ. Ka kɔ̃ iri na kubiɛ iyi í re vɛ̃ɛ didɔ̃. Mudɛ̃ɛ ŋa à nɛ ntɔ a nɛ kubiɛ.

Iri ku kɔ̃ iyi í dɔ̃ í re 5:1

ǹ lɔ si inɔ lambom awɔ wecĩm, awɔ iyi à ceem kuwãɛ. Ǹ ka isoi miru do isoi jĩi mmu ŋa iyi à nɛ inunu jiida ŋau. Ǹ jɛ nyikɔ̃ fãfãm, nɔ ǹ mɔ vɛ̃ɛm do amɔm. I jɛ ŋa iŋɛ iyi i bi njɛ ŋa, i mɔ ŋa hee kubiu ku kpa ŋɛ bɛi atɛ̃ vɛ̃ɛ.

Iri ku kɔ̃ iyi í dɔ̃ í re 6:4

Awɔ iyi ǹ biu ì sĩai bɛi ilu iyi à ya ni Tirisa. Awɔ iyi ǹ biu ì sĩai bɛi Zeruzalɛmu. Aa dede laakaii inɛi bɛi sooge ŋa iyi à tã sɔɔlui igũ.

Ezai 11:10

Si waati nŋu bɛ tɔkui Izaii á jɛ nyinda bi zamaau nɔ inɛi ilɛ fei á maa dɛdɛɛi. Nɔ amboei Ilaaɔ̃ á wa tengi bii í wa.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.